addresiya
startimes

Iyo ruswa yabaye umuco mu bucamanza iba yabaye umuco mu gihugu cyose-Perezida Kagame

Amakuru   Yanditswe na: Dusingizimana Remy 6 December 2019 Yasuwe: 1744

Nyakubahwa perezida Kagame yasabye abacamanza bose kugira ubushake mu kurwanya ruswa kuko iyo yinjiye mu kazi kabo ngo ihita iba umuco mu gihugu cyose.



Kuri uyu wa Gatanu taliki ya 06 Ukuboza 2019,Perezida Kagame yakiriye indahiro z’abayobozi bakuru mu rwego rw’ubutabera,abasaba gutuma Ubutabera mu Rwanda rugera ku rundi rwego rurenze ndetse abibutsa ko Ubutabera bushingira ku mategeko no kuyubahiriza ariyo mpamvu bukwiriye kuba umuco mu Banyarwanda.

Perezida Kagame yagize ati “Abari abayobozi b’urukiko rw’ikirenga bayoboye neza abo bari bashinzwe kuyobora,n’abandi bose.Ababasimbuye bafite umusingi ukomeye wo gukomeza kubakiraho bakageza ubutabera mu gihugu cyacu ku rundi rwego.Tubatezeho imirimo myiza kandi sinshidikanya ko bazayikora uko bikwiriye.

Ubutabera bushingira ku mategeko no kuyubahiriza.Ibi bikwiriye kuba umuco mu buzima bwacu bwa buri munsi,ntibibe umugenzo cyangwa ibyo dusabwa gusa.Wagira amategeko ameze neza ariko icyo amarira abaturage nicyo cya ngombwa.Ibijyana nayo mategeko bigomba gushyirwa mu bikorwa.

Nyakubahwa Perezida Kagame yibukije Abacamanza ko ubutabera bushingira ku cyizere abantu babagirira bityo bakwiriye kurwanya ruswa kuko iyo ibaye umuco mu bucamanza ikwira igihugu cyose.

Yagize ati “Birumvikana ko dukwiriye kurwanya ruswa kugira ngo itazaba umuco.Iyo yabaye umuco mu bucamanza iba yanabaye umuco mu gihugu cyose.Ntabwo tubyifuza,ntabwo bijyanye n’inzira turimo ituganisha mu majyambere twifuza.

Aho bikomeje kugaragara,ababigaragaramo baba bakwiye kubibazwa ndetse baba bakwiye no kubihanirwa ku mugaragaro no ku buryo buhagije.

Abantu bagana inkiko kubera ko baba baziko Abacamanza ari abakemurampaka niyo mpamvu bagomba guhabwa na buri wese n’abashinjacyaha barimo ibyo byose bifuza.”

Perezida Kagame yemereye inkunga yose bazamukeneraho aba bayobozi bashya bo mu nzego z’ubutabera kugira ngo inshingano zabo bazazisohoze neza.

Muri uyu muhango wabereye mu ngoro y’Inteko Ishinga Amategeko,abayobozi bakuru mu rwego rw’ubutabera barahiye ni:

Dr. NTEZILYAYO Faustin, Perezida w’Urukiko rw’Ikirenga,
MUKAMULISA Marie-Thérèse, Visi Perezida w’Urukiko rw’Ikirenga,
HAVUGIYAREMYE Aimable, Umushinjacyaha Mukuru,
HABYARIMANA Angélique, Umushinjacyaha Mukuru Wungirije,
NKURUNZIZA Valens, Visi Perezida w’Urukiko Rukuru rw’Ubucuruzi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble hakiza

    Nyahubahwa H.E, RIB nkabashinzwe gufata Noguhashya abaryi ba ruwa, nayo yamunzwe nayo! ubu se abanyarwanda tuzaba abandi? RIB Rwose nurwego ruteye iseseme! mugerageze muruvugurure! ikindi RIB ubwayo iziko ishinzwe IMALI YA LETA, CG UMUTEKANO W
    IGIHUGU! ese twe abaturage tuzaba abande? abakozi bayo bakora nabi, communication ntayo! RUSWA iravuza ubuhuha!

    December 2019

Inzindi nkuru

Nsabimana Callixte uzwi nka Sankara agiye kongera kuburanishwa

Nsabimana Callixte uzwi nka Sankara wigambye ibitero bitandukanye byagiye...
3 June 2020 Yasuwe: 573 0

Urukiko rwa Gisirikare rwarekuye abasirikare 3 muri ba bandi 5 bashinjwa...

Urukiko rwa gisirikare kuri uyu wa Gatanu rwafashe icyemezo ku bujurire...
30 May 2020 Yasuwe: 1618 0

Nyanza: Abantu 24 bahamijwe n’Urukiko ibyaha by’iterabwoba n’ubugambanyi

Urukiko Rukuru, Urugereko rwihariye ruburanisha ibyaha Mpuzamahanga...
29 May 2020 Yasuwe: 867 0

Nyamagabe: Polisi yataye muri yombi umusore yafashe ari kwiba...

Polisi ikorera mu Karere ka Nyamagabe muri Sitasiyo ya Polisi ya Tare,...
29 May 2020 Yasuwe: 706 0

Ladislas Ntaganzwa wagize uruhare muri Jenoside yakorewe Abatutsi yakatiwe...

Urugereko rwihariye rw’urukiko rukuru ruri mu mujyi wa Nyanza mu majyepfo...
28 May 2020 Yasuwe: 898 0

Gasabo: Polisi yafunze abantu 20 barenze ku mabwiriza yo kwirinda COVID-19...

Polisi y’u Rwanda yerekanye abantu 20 bafunzwe bazira kurenga ku mabwiriza...
24 May 2020 Yasuwe: 2083 0