skol
startimes

Nyamagabe: Umugabo w’imyaka 61 yafashwe asambanya ufite ubumuga bwo mu mutwe avuga ko ari umugore we

Amakuru   Yanditswe na: Dusingizimana Remy 17 September 2020 Yasuwe: 2658

Umugabo w’imyaka 61 wo mu Kagari ka Karambo mu Murenge wa Kibirizi mu Karere ka Nyamagabe, yafashwe asambanya umukobwa w’imyaka 42 ufite ubumuga bwo mu mutwe.


Nk’uko Umunyamabanga nshingwabikorwa w’Akagari ka Karambo, Valens Rukundo yabitangarije KT Radio dukesha iyi nkuru, uyu mugabo yafashwe ku manywa yo ku wa gatatu itariki ya 16 Nzeri 2020.

Ati "Ubu ari ku bitaro bya Kigeme.Ntabwo ibizubizo bya nyabyo birasohoka ngo byemeze ko aribyo.

Ibivugwa nuko uyu mugabo yafashe ku ngufu umuntu ufite ubumuga bwo mu mutwe.Yamusanze aho yari aragiye kuko inka bajyaga bayimusohorera akagenda akayiragira.Aho niho yamusanze.N’umuntu watabaje ababonye,bahita bamufata.

Uyu mugabo we avuga ko ari umugore we.Nta kintu apfa gusubiza aba acecetse."

Umunyamabanga nshingwabikorwa w’inama y’igihugu y’abafite ubumuga,Emmanuel Ndayisaba we avuga ko bagiye kubikurikirana byanaba ngombwa uyu mukobwa agashakirwa umwunganizi kugira ngo uyu mugabo nahamwa n’icyaha abihanire bikanabera abandi urugero ko abafite ubumuga badakwiriye guhohoterwa.

Ati "Akenshi abantu bafite ubumuga kuriya nuko bahohoterwa kuko aba atabivuga cyangwa ngo abashe kwihagararaho.Ni ikintu kibi cyane,umuntu nk’uwo utazi kwifatira icyemezo ntabwo wavuga ngo yabaye umugore wawe kubera ko yafashwe.

Ni ukubikurikirana tugashaka n’umwavoka ahubwo.Naho ubundi iyo tutabimenye ibintu barabizinzika kuko iyo tubimenye ntabwo tubireka."

Kugeza ubu ngo ibisubizo byo kwa muganga bibyemeza ntibirasohoka, ariko uyu mugabo agifatwa ngo yavuze ko atamufashe ku ngufu kuko ngo ari umugore we. Umukobwa we ntacyo abivugaho kuko n’ubusanzwe aba acecetse.

Uyu mugabo aramutse ahamwe n’icyaha cyo gusambanya ku gahato uyu mukobwa ufite ubumuga ashobora gukatirwa igifungo cy’imyaka 15 ariko itageze kuri 20 n’ihazabu ya FRW atari munsi ya miliyoni imwe ariko atageze kuri miliyoni 2.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Gitifu wa Busogo wafungiye umuntu mu modoka ye bikamuviramo impanuka...

Uwahoze ari Umunyamabanga Nshingwabikorwa w’Umurenge wa Busogo, Nsengimana...
22 October 2020 Yasuwe: 1297 0

RIB yataye muri yombi umukozi wa RTDA ukekwaho kwaka ruswa

RIB yafunze Nzeyimana Eddy Palatin, umukozi mu kigo cy’Igihugu gishinzwe...
20 October 2020 Yasuwe: 1789 1

Urukiko rwemeje ko Dr.Gahakwa Daphrose wabaye minisitiri afungwa iminsi 30...

Urukiko rw’Ibanze rwa Gasabo rwategetse ko Dr Gahakwa Daphrose wigeze kuba...
20 October 2020 Yasuwe: 987 0

Rusesabagina yazanwe mu rukiko kuburana ku iyongerwa ry’iminsi yo gufungwa...

Mu buryo butunguranye, uyu munsi kuwa kabiri mu gitondo Paul Rusesabagina...
20 October 2020 Yasuwe: 1677 0

RIB yafashe Nshimiyimana yari imaze iminsi ishakisha cyane

Urwego rw’Igihugu rw’Ubugenzacyaha (RIB) rwatangaje ko kuri uyu wa Gatandatu...
18 October 2020 Yasuwe: 1847 0

Dr Isaac Munyakazi yakatiwe gufungwa imyaka 10 n’ihazabu ya miliyoni 10 FRW...

Dr Isaac Munyakazi wahoze ari Umunyamabanga wa Leta muri Minisiteri...
16 October 2020 Yasuwe: 1581 0