startimes

Nyanza: Imvura nyinshi yaguye nijoro yarengeye imyaka y’abaturage iri kuri Hegitari 30 [AMAFOTO]

Amakuru   Yanditswe na: Dusingizimana Remy 6 December 2019 Yasuwe: 2751

Imvura ikaze cyane yaraye iguye mu murenge wa Rwabicuma mu tugari turimo Runga,Nyarusanze,Gishike na Mushirarungu, mu Karere ka Nyanza,Intara y’Amajyepfo yangiza imyaka y’abaturage yari kuri hegitare 30 n’amazu 2.



Nkuko amakuru abitanga,Mu gishanga cya Rwuya kiri mu midugudu ya Kavumu B mu kagari ka Nyarusange na Ndago mu kagari ka Runga, igihingwa cy’iboberi cyari kuri hegitari 6 cyarengewe .

Igishanga cya Mwogo kiri mu midugudu ya Rugarama B na Ndago mu kagari ka Runga imyaka yari kuri hegitari 15 yatwawe n’amazi.

Umuceri wari kuri hegitari 2 muri Kavumu A mu kagari Nyarusange warengewe

Ibishyimbo n’ubunyobwa byari bihinze mu mudugudu wa Cyarwa mu kagari ka Nyarusange kuri hegitari 7 byarengewe kuko habaye nk’ikiyaga.

Umunyamabanga nshingwabikorwa w’umurenge wa Rwabicuma,Claire INGABIRE,yemereye Umuryango ko iyi mvura yaguye ikageza saa sita z’ijoro yarengeye imyaka yariihinze kuri hegitari 30 mu tugari 3 ndetse isenya amazu 2 mu kagari ka Mushirarungu.

Yagize ati "Imvura yaguye igeza hafi mu ma saa sita z’ijoro.Yari nyinshi cyane bituma imyaka iri kuri hegitari 30 iri mu tugari twa Runga,Nyarusanze na Gishike irengerwa.Hari amazu 2 yo mu kagari ka Mushirarungu yaguye.Imwe yaguye igera hasi indi twayikuyemo umuturage bigaragara ko isaha iyo ariyo yose ishobora kugwa.Nibyo tumaze kumenya ko byangijwe n’imvura gusa turacyegeranya amakuru.

Umunyamabanga nshingwabikorwa w’uyu murenge wa Rwabicuma yavuze ko nta muntu waguye muri iki kiza cy’imvura kuko abaturage batuye muri aya mazu bayasohotsemo ataragwa ndetse yemeza ko bakomeje kwegeranya amakuru kugira ngo bakorerwe ubuvugizi.

Yagize ati "Icyo turi gukora n’ukwegeranya amakuru cyane cyane ku bafite amazu ashobora kubashyira mu kaga kugira ngo tube tuyabavanyemo,tukabacumbikisha kugira ngo hatagira uwo inzu igwaho.

Ku bijyanye n’imyaka byo nta kindi twakora uretse guhumuriza abaturage no gukora ubuvugizi kugira ngo babe babasha kugobokwa kuko iyo myaka bari bayitezeho imibereho.Raporo turazitanga mu nzego zibishinzwe dutegereze ikizavamo."





Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

RIB yatangaje ko iri gukora iperereza ku bayobozi barigishije amafaranga...

Urwego rw’Igihugu rw’Ubugenzacyaha [RIB] rwatangaje ko hari gukorwa iperereza...
6 July 2020 Yasuwe: 7865 2

Dr. Habumuremyi wabaye Minisitiri w’Intebe na Prof. Karuranga wayoboraga...

Dr Pierre Damien Habumuremyi wigeze kuba Minisitiri w’Intebe na Prof Egide...
5 July 2020 Yasuwe: 1851 0

Rusizi:Polisi yataye muri yombi umugabo wibye moto y’abandi akajya kuyihisha...

Polisi ikorera mu karere ka Rusizi kuri uyu wa Gatanu tariki ya 03 yafashe...
5 July 2020 Yasuwe: 527 0

Polisi y’u Rwanda yerekanye abantu binjije mu gihugu magendu n’abishe...

Polisi y’u Rwanda iravuga ko ikomeje kugenzura ibyaha byose n’ubwo yashyize...
3 July 2020 Yasuwe: 1282 0

Rubavu: Polisi yafatiye mu cyuho umusore wari ufite udupfunyika 380...

Polisi ikorera mu karere ka Rubavu, ku gicamunsi cyo kuwa Gatatu yafashe...
3 July 2020 Yasuwe: 221 0

Dr.Isaac Munyakazi ashobora gufungwa imyaka igera kuri 7 ibyaha akekwaho...

Ku wa 30 Kamena 2020 nibwo Ubushinjacyaha bwaregeye Urukiko dosiye iregwamo...
1 July 2020 Yasuwe: 1219 1