startimes

RIB yarangije iperereza yakoraga kuri Evode Uwizeyimana washinjwe gukubita umugore

Amakuru   Yanditswe na: Dusingizimana Remy 12 February 2020 Yasuwe: 20208


Urwego rw’igihugu rw’Ubugenzacyaha ruratangaza ko iperereza ku bikekwaho Evode Uwizeyimana uherutse kwegura muri guverinoma ryarangiye.

Kuwa kane w’icyumweru gishize, Bwana Uwizeyimana yashyikirije minisitiri w’intebe kwegura kwe ku mwanya w’umunyamabanga wa leta ushinzwe itegeko nshinga n’andi mategeko.

Hari hashize iminsi micye asabye imbabazi kuri Twitter nyuma yo kunengwa n’uwamubonye asunika agatura hasi umukozi ushinzwe umutekano ku nyubako y’ubucuruzi muri Kigali.

Mu cyumweru gishize, urwego rugenza ibyaha rwatangaje ko rwatangiye iperereza ku biregwa Bwana Uwizeyimana byo guhohotera umusekirite wari mu kazi ke.

Marie Michelle Umuhoza umuvugizi w’uru rwego, ruzwi cyane nka RIB, uyu munsi yabwiye BBC ati: [iperereza] ryararangiye dosiye yohererejwe Ubushinjacyaha".

Mu Rwanda, nyuma yo gukusanya ibimenyetso ku ukekwaho icyaha -afunze cyangwa adafunze - bishyikirizwa Ubushinjacyaha bukanzura niba ukekwa bumuregera urukiko cyangwa butamurega.

Abajijwe niba RIB yarakoze iperereza kuri Bwana Uwizeyimana afunze cyangwa adafunze, Madamu Umuhoza yavuze ko "urwego rw’igihugu rw’ubugenzacyaha rutamufunze".

Bwana Evode Uwizeyimana yinjiye mu bagize guverinoma mu 2016 ubwo hashyirwagaho umwanya w’umunyamabanga wa leta ushinzwe itegeko nshinga n’andi mategeko, umwanya utari uriho mbere.

Yari amaze imyaka ibiri agarutse mu Rwanda, aho yashyizwe muri komisiyo yashinzwe kuvugurura itegeko nshinga ryatowe mu 2015.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Musanze: Gitifu wagaragaye akubita abaturage yabwiye urukiko ko abantu bo...

Uwahoze ari Gitifu w’Umurenge wa Cyuve, Sebashotsi Gasasira Jean Paul na...
15 July 2020 Yasuwe: 1916 0

Dr Habumuremyi wabaye Minisitiri w’Intebe azagezwa imbere y’urukiko kuri uyu...

Dr.Pierre-Damien Habumuremyi ukuriye urwego rushinzwe Intwari z’Igihugu,...
15 July 2020 Yasuwe: 1560 0

Nyamagabe: Abagabo 2 bafashwe bamaze kwica ifumberi abaje kubagomboza...

Polisi ikorera mu karere ka Nyamagabe kuri uyu wa mbere tariki ya 13...
15 July 2020 Yasuwe: 2626 0

Urayeneza uhagarariye ibitaro na kaminuza bya Gitwe n’abo bareganwa bagiye...

Urukiko rwisumbuye rwa Muhanga rwategetse ko Urayeneza Gérard n’abo bareganwa...
15 July 2020 Yasuwe: 1024 0

Rwamuganza na bagenzi be 5 bakekwaho kunyereza miliyari 2 FRW za Leta...

Urukiko rwisumbuye rwa Gasabo rwategetse ko uwari Umunyamabanga Uhoraho...
14 July 2020 Yasuwe: 1091 0

Umuyobozi w’Ibitaro bya Gitwe azamenyeshwa imyanzuro y’urukiko kuri uyu wa...

Bwana Gérard Urayeneza ukekwaho icyaha cya Jenoside no kuzimiza ibimenyetso...
14 July 2020 Yasuwe: 1374 0