RIB yemeje ko yashyikirijwe Umuhanzi Kizito Mihigo wafashwe ashaka gutorokera mu Burundi

Amakuru   Yanditswe na: Dusingizimana Remy 14 February 2020 Yasuwe: 7046

Urwego rw’igihugu rw’Ubugenzacyaha [RIB] rumaze gutangaza ko rwamaze gushyikirizwa umuhanzi Kizito Mihigo wafashwe kuwa Kane agiye kwambuka umupaka w’u Rwanda ngo yerekeze mu gihugu cy’u Burundi.



Mu itangazo RIB yashyize ku rubuga rwayo rwa Twitter, yavuze ko ku gicamunsi cyo kuwa Kane taliki ya 13 Gashyantare 2020 aribwo inzego zishinzwe umutekano zayishyikirije umuhanzi w’icyamamare Kizito Mihigo.

Yagize iti “Kuwa 13/2/2020 ku gicamunsi Inzego z’Umutekano zashyikirije #RIB umuhanzi Kizito Mihigo wafatiwe mu Karere ka Nyaruguru ashaka kwambuka mu buryo bunyuranyije n’amategeko ajya i Burundi.

Arakekwaho icyaha cyo kwambuka umupaka mu buryo bunyuranyije n’amategeko agamije kujya kwifatanya n’imitwe y’iterabwoba irwanya Igihugu ndetse n’icyaha cya Ruswa. Iperereza ryatangiye kuri ibi byaha akekwaho kugirango dosiye ishyikirizwe ubushinjacyaha.”

Mu gitondo cyo kuwa Kane taliki ya 13 Gashyantare 2020, nibwo ku mbuga nkoranyambaga hacaracaye amakuru avuga ko umuhanzi Kizito Mihigo yafatiwe mu murenge wa Ruheru, Akagari ka Remera, mu murenge wa Nyabimata, mu karere ka Nyaruguru ashaka kwambuka umupaka ngo yerekeze I Burundi.

Abaturage ngo babonye uyu muhanzi uzwi cyane ashaka guca mu nzira zitemewe baramufata agerageza kubaha ibihumbi 300 FRW ngo bamwambutse barabyanga bamushyikiriza abasirikare n’abapolisi nkuko byatangajwe na bamwe ku munsi w’ejo.

Abaturage bavuze ko Kizito yafashwe afite igikapu kinini mu mugongo, yambaye amataratara y’izuba n’ikoti ry’imbeho akaba ngo yaraburaga iminota mike ngo yambuke ajye i Burundi.

Kuwa 14 Nzeri 2018 nibwo Kizito Mihigo wari wakatiwe gufungwa imyaka 10 mu mwaka wa 2015 yababariwe na Nyakubahwa perezida Kagame we n’abandi 2139 barimo n’undi munya Politike uzwi cyane Ingabire Victoire.

Kizito yakatiwe nyuma yo guhamwa n’ibyaha birimo kurema umutwe w’abagizi ba nabi, icyaha cy’ubugambanyi bwo kugiririra nabi ubutegetsi buriho ndetse n’icyaha cy’ubwoshye bwo kugiririra nabi Perezida wa Repubulika n’icyo gukora umugambi w’icyaha cy’ubwicanyi.

Nyuma yo gufatwa kwa Kizito Mihigo ku munsi w’ejo,inzego zose zishinzwe umutekano na RIB bavuze ko amakuru y’itabwa muri yombi ry’uyu muhanzi batarizi ariko kuri uyu wa Gatanu nibwo RIB yatangaje ko yashyikirijwe Kizito.



Kizito yafashwe kuwa Gatatu ari hafi gutorokera i Burundi

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


  • chat_bubble iganze

    Ariko se afite ikihe kibazo koko? Cga yari agiye kuririmbayo.

    1 week ago
  • chat_bubble alias

    urazimye pe! hazima uwatse munywanyi. uwagushutse yaraguhemukiye.

    1 week ago
  • chat_bubble alias

    ugira ngo ntihazima uwatse. karahanyuze none urizimije burundu n’imbabazi urazanze. nyamara uzisuzume urebe ko ntawe wahemukiye agakora ku giti. uwagushutse yaraguhemukiye pe! IBUKA UKUNTU WAZAMUKAGA NEZA, UKARIRIMBA IGIHUGU CYOSE TUKEMERA NONE UMURIRO WAWUSUTSEMO AMAZI. Ubwo ni uko nyine. harya abamuzi neza yarashatse cg aracyashakisha.

    1 week ago
  • chat_bubble higiro

    Ity nawe ubu koko imbabazi bamuhaye arazibagiwe

    1 week ago

Inzindi nkuru

RIB yemeje ko yashyikirijwe Umuhanzi Kizito Mihigo wafashwe ashaka...

Urwego rw’igihugu rw’Ubugenzacyaha [RIB] rumaze gutangaza ko rwamaze...
14 February 2020 Yasuwe: 7046 4

Hagaragaye ifoto ya Kizito Mihigo afite igikapu ari hafi y’umupaka w’u...

Ku mbuga nkoranyambaga no mu binyamakuru hagaragaye ifoto ya Kizito Mihigo...
13 February 2020 Yasuwe: 17330 1

Biravugwa ko Kizito Mihigo yatawe muri yombi agerageza guhungira i...

Amakuru ataremezwa n’inzego zibishinzwe aravuga ko mu gitondo cyo kuri uyu...
13 February 2020 Yasuwe: 17937 0

RIB yarangije iperereza yakoraga kuri Evode Uwizeyimana washinjwe gukubita...

Urwego rw’igihugu rw’Ubugenzacyaha ruratangaza ko iperereza ku bikekwaho...
12 February 2020 Yasuwe: 19840 0

Gasabo: Umugore yatawe muri yombi akekwaho kwicisha amabuye umukecuru...

Umugore witwa Liberate w’imyaka 54 wo mu mudugudu wa Agasharu, Akagari ka...
5 February 2020 Yasuwe: 4668 0

RIB yagaragaje abantu 15 bakekwaho kwiba amafaranga y’abandi yo kuri Mobile...

Urwego rw’Igihugu rushinzwe Ubugenzacyaha (RIB), rwerekanye abantu 15...
5 February 2020 Yasuwe: 3288 2