startimes

Rwamagana: Umugabo yatawe muri yombi azira kwambura umugore amafaranga nyuma yo kumutesha ubwenge

Amakuru   Yanditswe na: 22 June 2020 Yasuwe: 853

Polisi y’u Rwanda ikorera mu karere ka Rwamagana kuri uyu wa Gatandatu tariki ya 20 Kamena yafashe uwitwa Ndayisaba w’imyaka 25, yafatiwe mu murenge wa Kigabiro mu kagari ka Cyanya mu mudugudu wa Rurembo. Uyu akurikiranweho kwambura uwitwa Musaniwabo Olive w’imyaka 30 amafaranga y’u Rwanda ibihumbi 53.



Umuvugizi wa Polisi mu ntara y’Iburasirazuba, Chief Inspector of Police (CIP) Hamdun Twizeyimana avuga ko kugira ngo Ndayisaba afatwe byaturutse ku ku makuru yatanzwe na Musaniwabo.

Yagize ati " Musaniwabo yaje kuri Sitasiyo ya Polisi avuga ko ku mugoroba wa tariki ya 19 Kamena Saa mbiri yahuye n’abantu babiri atabashije kumenya neza. Abo bantu ngo bamugeze imbere bajugunya hasi ikarito bamusaba kuyibatoragurira, akimara kuyitoragura yahise abura ubwenge."

CIP Twizeyimana akomeza avuga ko Musanabera asobanura ko amaze guta ubwenge ba bantu bamubajije nomero ye ya telefoni ndetse banamubaza umubare w’ibanga akoresha. Yarabibabwiye amaze kubibabwira nibwo bahise bakuraho amafaranga yari afite bayohereza ku yindi telefoni.

Ati " Musaniwabo avuga ko yari afiteho amafaranga ibihumbi 53, agaruye ubwenge yatekerereje musaza we ibyamubayeho bajya mu kigo cy’itumanaho bakurikirana umuntu wiyoherereje amafaranga basanga yagiye kuri Ndayisaba."

Umuvugizi wa Polisi mu ntara y’Iburasirazuba avuga ko ikigo cy’itumanaho cyafatanyije na Polisi gukurikirana Ndayisaba agafatwa, nibwo tariki ya 20 yahise afatwa.

Gusa Ndayisaba nawe amafaranga akimara kugera kuri telefoni ye yahise ayohereza ku wundi muntu ukirimo gushakishwa n’inzego z’umutekano.

CIP Twizeyimana avuga ko ubwambuzi bushukana bwari busanzwe buvugwa mu karere ka Rwamagana, ariko ibyabaye kuri Musaniwabo byo ngo ni ubwa mbere bihabaye.

Yasabaye abaturage kwirinda abantu bose bagenda babwira ibintu bidasobanutse bagamije kubambura, kandi hagira uwo bibaho akihutira gutanga amakuru ku nzego z’umutekano.

Yagize ati " Hari abantu bafite ingeso yo kugera imbere y’umuntu cyane cyane imbere y’abagore bagata hasi ikintu noneho bakabashuka ngo bakibatoragurire, igihe arimo kugitoragura bakamushikuza ishakoshi bakiruka, aba tumaze iminsi tubafata byari bitangiye gucika."

Ndayisaba nawe ntasobanura neza uko amafaranga ibihumbi 53 yaje kuri telefoni ye n’uko yahise ajya ku wundi muntu atanashaka kuvuga. Gusa inzego z’umutekano ku bufatanye n’ikigo cy’itumanaho zamaze kumenya uwo muntu ubu arimo gushakishwa.

Itegeko nº68/2018 ryo ku wa 30/08/2018 riteganya ibyaha n’ibihano muri rusange Ingingo ya 174 ivuga ko Umuntu wese wihesha umutungo w’undi, imari ye yose cyangwa igice cyayo mu buryo bw’uburiganya yiyitiriye izina ritari ryo cyangwa umurimo adafitiye ububasha cyangwa akizeza icyiza cyangwa agatinyisha ko hari ikibi kizaba, aba akoze icyaha. Iyo abihamijwe n’urukiko, ahanishwa igifungo kitari munsi y’imyaka ibiri (2) ariko kitarenze imyaka itatu (3) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

RIB yatangaje ko iri gukora iperereza ku bayobozi barigishije amafaranga...

Urwego rw’Igihugu rw’Ubugenzacyaha [RIB] rwatangaje ko hari gukorwa iperereza...
6 July 2020 Yasuwe: 7585 2

Dr. Habumuremyi wabaye Minisitiri w’Intebe na Prof. Karuranga wayoboraga...

Dr Pierre Damien Habumuremyi wigeze kuba Minisitiri w’Intebe na Prof Egide...
5 July 2020 Yasuwe: 1829 0

Rusizi:Polisi yataye muri yombi umugabo wibye moto y’abandi akajya kuyihisha...

Polisi ikorera mu karere ka Rusizi kuri uyu wa Gatanu tariki ya 03 yafashe...
5 July 2020 Yasuwe: 505 0

Polisi y’u Rwanda yerekanye abantu binjije mu gihugu magendu n’abishe...

Polisi y’u Rwanda iravuga ko ikomeje kugenzura ibyaha byose n’ubwo yashyize...
3 July 2020 Yasuwe: 1257 0

Rubavu: Polisi yafatiye mu cyuho umusore wari ufite udupfunyika 380...

Polisi ikorera mu karere ka Rubavu, ku gicamunsi cyo kuwa Gatatu yafashe...
3 July 2020 Yasuwe: 217 0

Dr.Isaac Munyakazi ashobora gufungwa imyaka igera kuri 7 ibyaha akekwaho...

Ku wa 30 Kamena 2020 nibwo Ubushinjacyaha bwaregeye Urukiko dosiye iregwamo...
1 July 2020 Yasuwe: 1197 1