Umukozi wo mu nteko ishinga amategeko arashinjwa gufata ku ngufu Umurundikazi

Amakuru   Yanditswe na: Dusingizimana Remy 28 November 2019 Yasuwe: 6367

Umukozi ushinzwe Ibaruramari mu Nteko Ishinga Amategeko y’u Rwanda, Mushingwamana Evode, akurikiranyweho icyaha cyo gufata ku ngufu impunzi y’Umurundikazi.



Umushinjacyaha Mukuru, Mutangana Jean Bosco, abinyujije ku rubuga rwa Twitter yemeje ko ikirego cy’uyu mugabo kiri mu nkiko.

Ni amagambo yanditse asubiza uwitwa Juliette Karitanyi wanyujije kuri Twitter ubutumwa avuga ko uwitwa Mushingwamana akiri mu mirimo y’Inteko nyamara hari ibyaha ashinjwa.

Yagize ati “Juliette mbere na mbere, ndisegura ku kuba ntabashije gusubiriza ku gihe ukutanyurwa gukomeje ku bijyanye n’aho iki kibazo kigeze. Ndakumenyesha ko ukekwa yagejejwe mu rukiko ndetse ari gukurikiranwa.”



Mu gitekerezo cye Karitanyi yandikiye Mutangana ariko abimenyesha na Perezida wa Repubulika Kagame Paul agaragaza ko hejuru yo kuba uyu mugabo yarafashe ku ngufu ndetse agahohotera umukobwa w’Umurundi akiri mu kazi ke.

Yagize Ati “Nyakubahwa Perezida Kagame Paul hashize igihe umugabo witwa Mushingwamana Evode agikora mu Nteko Ishinga Amategeko kandi ashinjwa gufata ku ngufu, kugerageza kwica, guhatira gukuramo inda ndetse n’icuruza ry’impunzi y’Umurundi. Ikirego kiri mu rukiko.”

Ni ikibazo ku ikubitiro cyagaragajwe n’uwitwa Remy Baho aho yagarutse ku makosa y’uyu mugabo ananenga kuba atarakurwa mu mirimo hejuru y’ibyaha yakoze.



Ati “Mushingwamana Evode yashimuse, afata ku ngufu, arakubita ndetse agerageza kwica impunzi y’Umurundikazi y’imyaka 19 ariko yashinjwe gufata ku ngufu gusa.

Ntarahagarikwa ku mirimo ye y’Ibaruramari mu Nteko Ishinga Amategeko n’ubwo ibizamini bya DNA byerekanye ko umwana wavutse muri uko gufatwa ku ngufu ari uwe. Ni gute mushobora kureka uyu mugabo agakomeza kwidegembya mu Nteko hejuru y’ibi bikorwa by’ubunyamaswa? Kuba atakwirukanwa igihe hategerejwe ubutabera biragayitse ntibinakwiye.”

Mutangana yatanze icyizere ko inkiko zizasuzumana ubushishozi icyo kirego ndetse zigatanga ubutabera bukwiye.

Umwanzuro w’urukiko kuri iki kirego cya Mushingwamana ukekwaho gufata ku ngufu Umurundikazi uzatangazwa ku wa 23 Ukuboza 2019.


Inkuru ya IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble DUMBULI

    Azakora uburoko kuko ntaho yahungira uburoko cgaibihano nkurikijeibyo aregwa n’ibizamini byo kwa muganga.Mikino
    umuntu yaransekeje ngo ntazongera kuvugisha abana babandi ngo azajya aganiriza ababyeyi babo gusa.

    4 months ago
  • chat_bubble coco wa nyamidjos

    Arko aba bantu nabimitwe uzajya aterwa inda kubera irari ritandukanye afite ubukure azajya yitwaza ko murwanda batajya bajenjekera abasambanya abana babigire iturufu.?

    4 months ago

Inzindi nkuru

Kamonyi:Polisi yataye muri yombi abagabo 3 bafashwe bagiye kwiba iduka...

Abantu Batatu bafungiye mu karere ka Kamonyi nyuma y’aho Polisi y’u Rwanda...
4 April 2020 Yasuwe: 1900 0

RIB yataye muri yombi abandi bantu babiri bakubise Niyonzima bamuziza kwiba...

Urwego rw’igihugu rw’Ubugenzacyaha bwatangaje ko rwamaze gufata abandi bantu...
4 April 2020 Yasuwe: 1488 0

RDF yatangiye iperereza ku basirikare bayo bashinjwa guhohotera...

Mu gitondo cyo kuri uyu wa gatanu i Nyarutarama mu mudugudu wa Kangondo II...
3 April 2020 Yasuwe: 1653 1

Gasabo: RDF yasezeranyije ubutabera bwihuse abaturage bavuga ko bahohotewe...

Bamwe mu baturage bo mu mudugudu wa Kangondo ya kabiri mu karere ka Gasabo...
2 April 2020 Yasuwe: 7845 2

Polisi y’u Rwanda yafashe abantu 3 barimo n’Umupolisikazi bafashwe amashusho...

Polisi y’u Rwanda yatangaje ko yataye muri yombi abantu batatu barimo...
2 April 2020 Yasuwe: 23313 6

Bamwe mu bafungiwe muri za Kasho zitandukanye bagiye kurekurwa kubera...

Umushinjacyaha Mukuru,Havugiyaremye Aimable, yandikiye ibaruwa...
2 April 2020 Yasuwe: 3303 1