dnd

Umunyemari Habumugisha wakubitiye umukobwa mu ruhame yagarutse mu Rwanda yishyikiriza RIB

Amakuru   Yanditswe na: Dusingizimana Remy 13 December 2019 Yasuwe: 3223

Umunyemari Dr. Francis Habumugisha washinze TV ya Goodrich waburiwe irengero nyuma y’aho ubushinjacyaha busabye ko yongera gufatwa agafungwa,nyuma akaza kugaragara mu mujyi wa Paris,yagarutse mu Rwanda ahita yishyikiriza RIB.



Kuwa Mbere taliki ya 23 Nzeri 2019,umucamanza yasabye ko Dr. Francis Habumugisha uregwa gukubita umukobwa witwa Kamali Diane no kwandagaza mugenzi we witwa Mary Magdalene Nzaramba bari mu nama, arekurwa by’agateganyo kubera impamvu zirimo ingwate y’imitungo ye n’abishingizi gusa Ubushinjaha ntibwanyuzwe n’iyi mikirize y’urubanza buhita bujurira mu rukiko rwisumbuye rwa Nyarugenge ko uregwa agomba kuburana afunzwe.

Ubushinjacyaha bwavuze ko umwanzuro wo kongera gufunga uyu mugabo utarashyizwe mu bikorwa kuko yaburiwe irengero gusa uyu Habumugisha yifotoje kuwa 05 Ukuboza 2019 ari mu mujyi wa Paris mu Bufaransa.

Mu ijoro ryakeye,Minisitiri w’Ubutabera,Busingye Johnston abinyujije kuri Twitter ye,yavuze ko Dr.Habumugisha Francis yageze mu ijoro ryakeye agahita yishyikiriza RIB.

Yagize ati “Habumugisha Francis yaraye ageze mu Rwanda ahita yishyikiriza RIB.ubutabera burahita bukora akazi kabwo.”

Inkuru y’uko Dr Habumugisha yakubitiye Kamali mu ruhame yasakaye ku mbuga nkoranyambaga ku wa 5 Nzeri 2019, ubwo uyu mukobwa yanyuzaga ubutumwa kuri Twitter buherekejwe n’amashusho yafashwe na CCTV, yarangiza akabimenyesha perezida Kagame na Madamu we cyane ko ngo yari amaze amezi abiri atarabona ubutabera.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Musanze: Umugore w’uwahoze ari Visi Meya yatakambiye perezida Kagame ko...

Umugore witwa Kamariza Olive wa Ndabereye Augustin wahoze ari Visi Meya wa...
14 January 2020 Yasuwe: 10424 0

Bugesera: Umugabo yatawe muri yombi azira gutema abana be b’impanga ku...

Umugabo witwa Ndayambaje Faustin,utuye mu mudugudu wa Kiruhura, akagari ka...
3 January 2020 Yasuwe: 4499 0

Gasabo: Umusaza waragiraga ingurube yishe umwana w’imyaka 4 amusambanyije...

Umusaza witwa Mathias uri mu kigero cy’imyaka 60 yatawe muri yombi akekwaho...
3 January 2020 Yasuwe: 9871 0

Gicumbi: Gitifu w’akagari yatawe muri yombi akekwaho kunyereza...

Umunyamabanga nshingwabikorwa w’Akagari ka Rwaruyumbu gaherereye mu murenge...
2 January 2020 Yasuwe: 1871 1

Gatsibo: Polisi yafashe abasore babiri batwaye imodoka irimo amasashi...

Kuri uyu wa mbere tariki ya 30 Ukuboza, Polisi ikorera mu karere ka Gatsibo...
1 January 2020 Yasuwe: 2063 0

Urubanza rwa Bazeye na Abega rwasubitswe kubera impamvu zitandukanye zirimo...

Urukiko ruburanisha imanza mpuzamahanga n’iz’iterabwoba ruri i Nyanza mu...
31 December 2019 Yasuwe: 1285 1