Ku gicamunsi cyo kuri uyu wa 21 Ugushyingo, Urukiko Rukuru rwasomye umwanzuro warwo ku bujurire bwa Diane Rwigara na nyina Adeline Rwigara ku ifungwa n’ifungurwa ry’agateganyo.
Kuwa Kane tariki 16 Ugushyingo 2017, mu iburanisha rishize uruhande rw’abaregwa n’Ubushinjacyaha bumviswe n’Urukiko, Ubushinjacyaha butanga impamvu z’uko ubujurire bwabo ku mwanzuro w’Urukiko rwisumbuye rwa Nyarugege nta shingiro bufite, bugaragaza ko aba baregwa ibyaha bikomeye.
Diane Rwigara washakaga kuba umukandida mu (...)

Sponsored Ad

Ku gicamunsi cyo kuri uyu wa 21 Ugushyingo, Urukiko Rukuru rwasomye umwanzuro warwo ku bujurire bwa Diane Rwigara na nyina Adeline Rwigara ku ifungwa n’ifungurwa ry’agateganyo.

Kuwa Kane tariki 16 Ugushyingo 2017, mu iburanisha rishize uruhande rw’abaregwa n’Ubushinjacyaha bumviswe n’Urukiko, Ubushinjacyaha butanga impamvu z’uko ubujurire bwabo ku mwanzuro w’Urukiko rwisumbuye rwa Nyarugege nta shingiro bufite, bugaragaza ko aba baregwa ibyaha bikomeye.

Diane Rwigara washakaga kuba umukandida mu matora ya Perezida wa Republika akurikiranyweho icyaha cyo gukoresha impapuro mpimbano.Diane Rwigara na nyina Mukangemanyi Adeline Rwigara bari bitabye urukiko rukuru ngo baburanishwe mu bujurire ku bijyanye n’ifungwa n’ifungurwa ry’agateganyo, nyuma y’uko bari bakatiwe gufungwa by’agateganyo iminsi 30 mu gihe iperereza ku byaha bakurikiranyweho rikomeje.

Kuri uyu wa Kabiri nibwo hasomwe imyanzuro y’urukiko rukuru, rwemeza ko ubujurire bwabo nta shingiro bufite maze rushimangira ibyari byafashweho icyemezo n’urukiko rwisumbuye rwa Nyarugenge. Diane Rwigara yari yitabiriye isomwa ry’urubanza rwe naho nyina Mukangemanyi ntiyahagaragaye, hari umwunganira mu mategeko Me Gatera Gashabana.

Kuwa Mbere tariki 23 Ukwakira 2017, nibwo mu rukiko rwisumbuye rwa Nyarugenge, hasomwe urubanza ku ifungwa n’ifungurwa ry’agateganyo, ruregwamo Mukangemanyi Adeline Rwigara, Uwamahoro Anne Rwigara na Diane Nshimiyimana Rwigara, umucamanza yemeza ko babiri mu baregwa bagomba gufungwa iminsi 30 y’agateganyo mu gihe iperereza rikomeje ngo hazabone gutangira kuburanisha urubanza mu mizi, naho umwe we asabirwa gufungurwa agakurikiranwa ari hanze.

Abacamanza bagaragaje ko Mukangemanyi Adeline Rwigara na Diane Nshimiyimana Rwigara, hari impamvu zikomeye zituma bakekwaho ibyaha bashinjwa n’Ubushinjacyaha kandi bakagaragaza ko ibisobanuro batanze bidafite ishingiro. Urukiko kandi rwagaragaje ko bashobora gutoroka cyangwa gusibanganya ibimenyetso. Byarangiye urukiko rutegetse ko aba bafungwa iminsi 30 y’agateganyo mu gihe iperereza rigikomeje, ibi biakaba ari nabyo byashimangiwe n’urukiko rukuru.

Adeline Rwigara nyina wa Diane Rwigara