skol
fortebet

Abantu 20 Bakize COVID-19 mu Rwanda abandi 06 barayandura

Yanditswe: Tuesday 06, Oct 2020

featured-image

Sponsored Ad

Kuri uyu wa Kabiri tariki ya 06 Ukwakira 2020, abantu 06 Barimo aba Kigali:2, Nyagatare:3 na Rubavu:1,basanzwemo COVID-19 mu bipimo 1,306 byafashwe, bituma umubare w’abamaze kwandura uba 4,873.

Sponsored Ad

Uyu munsi kandi hakize abantu 20. Abamaze gukira bose hamwe ni 3,246.Abakirwaye: 1,598. Abamaze gupfa baracyari 29.Inkuru y’uwahitanwe na Covid-19 mu Rwanda iheruka kuwa 25/9/2020.

Abanyarwanda barasabwa kutirara ngo bumve ko icyorezo cyarangiye.Bagirwa inama yo gukomeza kubahiriza amabwiriza yashyizweho, bibuka kwambara agapfukamunwa n’amazuru buri gihe bavuye mu ngo, bakaraba intoki kenshi no kwirinda amakoraniro n’ibindi bintu byose bishobora guhuriza hamwe abantu benshi.

Umuntu ugaragaza ibimenyetso bya Coronavirus birimo inkorora, guhumeka nabi, gucika intege n’ibindi, agirwa inama yo guhamagara umurongo utishyurwa wa 114 kugira ngo ahabwe ubufasha n’abaganga.

Nibura umuntu umwe mu bantu icumi birakekwa ko ashobora kuba yaranduye Coronavirus nk’uko Ubushakashatsi bwakozwe n’Ishami ry’Umuryango w’Abibumbye ryita ku Buzima bubigaragaza.

Ku Isi abantu barenga miliyoni 35 nibo bamaze kwandura Coronavirus, gusa hari ubwoba ko hari abandi benshi batazwi banduye iki cyorezo, aho OMS ibara nibura ubwandu bugera kuri miliyoni 800 z’abatuye Isi.

Hashize igihe abahanga mu by’ubuzima bagaragaza ko bishobora cyane ko umubare w’abantu bamaze kwandura Coronavirus ku Isi waba uruta kure utangazwa.

Nyuma y’amezi 10 iki cyorezo gikwiriye ku Isi, nta kimenyetso kigaragaza ko kiri kugana ku iherezo. Ibihugu bimwe na bimwe byatangiye kwibasirwa ku nshuro ya kabiri nyuma y’uko hari hashize iminsi icyorezo kidohotse, ariko ubu imibare y’ubwandu yongeye kwiyongera cyane.

Ku Isi abantu bamaze kwandura Coronavirus basaga miliyoni 35,7 mu gihe abamaze gukira bo ari barenga miliyoni 26,8. Kugeza ubu abapfuye ni 1,046049.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa