addresiya
Kigali
startimes

Abayobozi bakuru muri Guverinoma y’u Rwanda bigomwe umushahara wabo w’ukwezi ushyirwa mu gufasha abatishoboye

Amakuru   Yanditswe na: Dusingizimana Remy 6 April 2020 Yasuwe: 2489

Abayobozi bakuru muri Guverinoma y’u Rwanda biyemeje kwigomwa umushahara w’ukwezi kwa Mata bawugenera gahunda yo gufasha abatishoboye bagizweho ingaruka n’ingamba zikarishye zo kuguma mu rugo, zafashwe mu guhangana n’ikwirakwira ry’icyorezo cya COVID-19.



Mu ijoro ryo kuri iki Cyumweru,ibiro bya Minisitiri w’Intebe,byashyize hanze itangazo rigira riti "Mu rwego rwo gukomeza kurwanya icyorezo cya Coronavirus, Leta y’ u Rwanda yemeje ko abagize Guverinoma bose, abanyamabanga bose, abanyamabanga bahoraho, abayobozi b’ibigo bya Leta ndetse n’abandi bayobozi bakuru mu nzego z’igihugu bazigomwa umushahara wabo w’ukwezi kwa Mata’’.

“Turakomeza gushimira Abanyarwanda bose ku bufatanye bakomeje kugaragaza ndetse no gukomeza kumvira amabwiriza yo kurwanya icyorezo cya Coronavirus.’’

Mu bigomwe umushahara harimo Perezida wa Repubulika, Perezida wa Sena, Perezida w’Umutwe w’Abadepite, Minisitiri w’Intebe, abaminisitiri, abanyamabanga ba Leta, abandi bagize Guverinoma bashobora gushyirwaho na Perezida, ba guverineri b’Intara n’Umujyi wa Kigali, Abasenateri n’Abadepite n’abandi bayobora ibigo bya Leta bitandukanye.

Gahunda yo gufasha abatishoboye muri iki gihe hafashwe ingamba zo kuguma mu rugo kubera icyorezo cya Coronavirus,yashimangiwe na perezida Kagame mu ijambo aheruka kugeza ku banyarwanda kuwa 27 Werurwe 2020, ryibandaga kuri Coronavirus.

Yagize ati “Tuzi neza ko ibi bihe bitoroshye,byahungabanyije imibereho y’abanyarwanda benshi ndetse mu gihugu hose.Turabasaba ko mwihangana.Turatera intambwe nziza ntabwo dukwiye gutezuka.Leta izakomeza gukora ibishoboka byose ngo ifashe abanyarwanda muri ibi bihe bitoroshye.

Taliki ya 22 Werurwe 2020, Minisitiri w’Ubutegetsi bw’Igihugu, Prof. Shyaka Anastase, yatangaje ko Leta igiye kureba abaturage barya ari uko bakoze ku munsi n’abandi bafite amikoro make bashobora kwicwa n’inzara kubera izi ngamba zikarishye ibagoboke.

Ku wa 25 Werurwe 2020 nibwo Leta yatangije gahunda yo gutanga ibikenerwa by’ibanze birimo ibiribwa ku baturage batishoboye, mu bihe abaturarwanda basabwa kuguma mu ngo mu kwirinda ikwirakwira rya Coronavirus.

Ibyokurya byatanzwe hirya no hino gusa hari bamwe mu bayobozi batangiye kubinyereza no kubiha abishoboye aho kuwa Gatandatu Urwego rw’igihugu rw’ubugenzacyaha RIB rwatangaje ko rwataye muri yombi umuyobozi w’Umudugudu n’ushinzwe umutekano bo mu Murenge wa Ndera, Akarere ka Gasabo bakekwaho kunyereza ibiribwa byari bigenewe abatishoboye muri iki gihe cyo kurwanya Koronavirusi.

Igikorwa cyo gutanga inkunga y’ingoboka cyakozwe ku buryo urugo ku rundi rugerwaho binyuze mu midugudu n’amasibo. Ingano y’ibigenerwa umuryango bishobora gutandukana bitewe n’umubare w’abawugize.

Prof Shyaka avuga ku bagaragaye bivovotera ibiribwa bahawe, yashimangiye ko hakenewe kubaho ubufatanye ngo ‘byumvikane ko ni ubutabazi bw’ibanze dutanga, si ibigega tuba duhunika. Umuntu nagukamira akaguha litiro uzavuga ko ntacyo akumariye kuko ataguhaye ijerekani?’’

Ati "Dutanga bike bishoboka ariko biramira umuntu, ku bafite ikibazo cy’amaramuko.’’

Guverinoma y’u Rwanda ku wa 1 Mata 2020 nibwo yongereye iminsi 15 ku ngamba zafashwe zo guhangana na Coronavirus zirimo no kuguma mu rugo.

Kuri uyu wa 5 Mata 2020, nibwo abantu bane ba mbere basezerewe mu Bitaro bya Kanyinya, nyuma yo gusuzumwa ibipimo bikerekana ko nta bwandu bwa Coronavirus bagifite mu mubiri. Mu Rwanda hamaze kuboneka abarwayi ba Coronavirus 104, kuva uwa mbere ahatahuwe ku wa 14 Werurwe 2020.

Leta y’u Rwanda ikoresha abakozi bagera kuri 3% by’abakora bose mu gihugu, imishahara y’abagize guverinoma n’abategeka ibigo ku kwezi yose hamwe ibarirwa muri miliyoni nyinshi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Patapata

    Ndashimira abiyemeje gutanga umushahara wose kuko byari bikenewe cyane.Kuri njye nari naratekereje ko bikwiye guhera kumuntu uhembwa 500000 akigomwa 100000 naho abahembwa 1000000 Baki gomwa 200000 abandi bakigomwa imishahars yabo kuko baba bafite saving ihagije.
    Mubyukuri imishahara abayobozi bihaye ni umuzigo kugihugu kuko biri mubituma igihugu kidatera imbere ngo hubakwe amavuriro ahagije amashuli ahagije imihanda myiza amazi agere hose kugiciro gito amashanyarazi agere hose kugiciro gito amasoko yubakwe neza n’ibindi byafasha igihugu gutera imbere nko kubaka imidugudu igezweho ikagurwa make ikajya yishyurwa mugihe kirekire.
    Hakwiye kunozwa imiturire kuko ibi byorezo kubinesha bisaba no kuba abantu batuye neza kugirango bagezweho ubufasha.
    Murakoze

    1 month ago

Inzindi nkuru

IFOTO Y’UMUNSI: Umugenzi yaciye ibintu kubera ukuntu yahoberanye ubwuzu Moto...

Ku mbuga nkoranyambaga zitandukanye hakwirakwiriye ifoto y’umugenzi...
3 June 2020 Yasuwe: 3815 0

Umupolisikazi yabaye umunyarwanda wa kabiri wahitanwe n’icyorezo cya...

Umuntu wa kabiri yishwe na COVID19 mu Rwanda. Ni umupolisi wari waragiye mu...
3 June 2020 Yasuwe: 3302 1

Abadipolomate 2 b’Ububiligi basubiye iwabo kubera igikorwa bakoze...

Abadipolomate 2 b’Ababiligi basubijwe iwabo nyuma yo gutegura umuhango wo...
2 June 2020 Yasuwe: 2513 0

Hashyizweho ikoranabuhanga rihanitse rizakumira abashoferi batwara amakamyo...

Ibihugu bihuriye mu muryango wa Africa y’uburasirazuba byamaze kwemeranywa...
2 June 2020 Yasuwe: 1533 0

Abantu barindwi banduye Coronavirus mu Rwanda, batandatu barayikira kuri...

Minisiteri y’ubuzima yatangaje ko uyu munsi tariki ya 01 Kamena 2020, mu...
1 June 2020 Yasuwe: 1155 0

Rusizi: Abaturage bahiye ubwoba nyuma y’abantu 5 basanganwe Covid-19 muri...

Abaturage bo mu karere ka Rusizi batangaje ko bahiye ubwoba nyuma yo...
1 June 2020 Yasuwe: 2126 0