addresiya
Kigali
startimes

Ambasade ya Israel yahaye inkunga y’udupfukamunwa 4000 umuryango AVEGA n’abagore bacururiza mu isoko rya Kimironko

Amakuru   Yanditswe na: Dusingizimana Remy 27 April 2020 Yasuwe: 676

Ambasade ya Israel mu Rwanda yahaye inkunga y’udupfukamunwa ibihumbi 4000 abanyarwandakazi barimo Abanyamuryango ba AVEGA bahawe utugera ku bihumbi 2000 mu gihe utundi ibihumbi 2000 twahawe abagore bacururiza ibiribwa mu isoko rya Kimironko.



Kuwa 24 Mata 2020,nibwo Ambasade ya Israel mu Rwanda yahaye udupfukamunwa ibihumbi 2000 abagize Umuryango w’abapfakazi ba Jenoside yakorewe abatutsi mu mwaka wa 1994 [AVEGA].

Iyi nkunga yashyikirijwe umuyobozi wa AVEGA,Madamu Nyirabayire Valerie,washimiye iyi Ambasade kuko ngo iyi nkunga yaje ikenewe cyane.

Ambasaderi wa Israel mu Rwanda, Dr. Ron Adam,yavuze ko nyuma y’icyorezo cya Covid-19,bazicara bakareba icyo abanyamuryango ba AVEGA bakwigira ku gihugu cya Israel kikabagirira akamaro.

Ambasade ya Israel yahaye kandi utundi dupfukamunwa ibihumbi 2000 abagore bacururiza ibiribwa mu isoko rya Kimironko riherereye mu karere ka Gasabo mu mujyi wa Kigali, kugira ngo babashe kwirinda Coronavirus.

Iyi nkunga yahawe aba bacuruzi,yashyikirijwe umunyamabanga nshingwabikorwa w’umurenge wa Kimironko, KALISA Sauveur.

Bwana KALISA Sauveur yashimiye Ambasade ya Israel kubera iyi nkunga ikomeye yateye aba bagore ndetse ayizeza ko utu dupfukamunwa tuzahabwa abo twagenewe.

Ambasaderi wa Israel,Dr. Ron Adam yavuze ko utu dupfukamunwa twatanzwe na Ambasade ahagarariye mu rwego rwo gufasha abaduhawe kubahiriza amabwiriza ya Minisiteri y’ubuzima yo kuwa 18 Mata 2020 yategetse abanyarwanda bose kwambara udupfukamunwa mu rwego rwo kwirinda ikwirakwira rya Coronavirus.

Yagize ati “Twishimiye gufasha imiryango y’abagore bakora udupfukamunwa n’abadukeneye.”

Yongeyeho ko abagore n’abana bari mu bahungabanywa cyane n’ibyorezo bitandukanye birimo na Covid-19.

Ambasade ya Israel yaguze utu dupfukanwa twa miliyoni 2 FRW ku bagore bakorera ikigo cya Gahaya Links bahawe uburenganzira na FDA bwo gukora udupfukamunwa dukorewe mu Rwanda.

Udupfukamunwa twaguzwe twujuje ubuziranenge bwose bwasabwe n’ikigo cy’igihugu gishinzwe ibiribwa n’imiti [FDA].






Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

MINALOC yasabye Abanyarwanda kureka kwitwaza Covid-19 bagatanga ubwisungane...

Umunyamabanga wa Leta muri Minisiteri y’Ubutegetsi bw’Igihugu (MINALOC),...
5 June 2020 Yasuwe: 545 0

Covid-19: Habonetse abandi barwayi 13 bose bo mu karere ka Rusizi hakira...

Minisiteri y’Ubuzima yatangaje ko uyu munsi mu Rwanda habonetse abanduye...
4 June 2020 Yasuwe: 1499 0

Umujyi wa Kamembe uri kugaragaramo abarwayi ba COVID-19 benshi wasubijwe...

Minisiteri y’Ubutegetsi bw’igihugu yamaze gutangaza ko umujyi wa kamembe...
4 June 2020 Yasuwe: 2156 1

Polisi y’u Rwanda yatangaje byinshi kuri wa mupolisikazi uheruka kwicwa na...

Polisi y’u Rwanda yatangaje ko umupolisikazi uheruka kwicwa na coronavirus...
4 June 2020 Yasuwe: 8983 1

Covid-19:Handuye abantu 13 mu Rwanda hakira abandi 2 kuri uyu wa...

Imibare ya Minisiteri y’Ubuzima yagaragaje ko kuri uyu wa 03 Kamena 2020...
3 June 2020 Yasuwe: 1307 0

Perezida Kagame yitabiriye inama ya OACPS yize ku ngamba zo gukomeza...

Kuri uyu wa Gatatu,tariki ya 03 Kamena 2020, Perezida Kagame yitabiriye...
3 June 2020 Yasuwe: 662 0