Kigali

Bamwe mu mpunzi zaturutse muri Libya barifuza gusubizwa iwabo muri Somalia

Amakuru   Yanditswe na: Dusingizimana Remy 21 January 2020 Yasuwe: 3286

Bamwe mu mpunzi zaturutse muri Libya baratangaza ko nubwo bishimiye ko nta ngorane bafite ubu ariko batifuza kuguma mu Rwanda aho bamwe bagifite icyifuzo cyo kujya I Burayi mu gihe impunzi 2 zatunguranye zivuga ko zishaka gusubira muri Somalia.



Ku munsi w’ejo kuwa mbere Joran Kallmyr, minisitiri w’ubutabera wari unashinzwe iby’impunzi mu gihugu cya Norvege mbere y’uko asimbuzwa ejo, yasuye inkambi y’izi mpunzi zaturutse muri Libya iherereye I Gashora mu Bugesera.

Leta y’u Rwanda yakiriye izi mpunzi mu gikorwa yise icy’ubutabazi kubera akaga zari guhura nako mu ntambara iri muri Libya.

U Rwanda rwemereye izi mpunzi zigera kuri 299 rwakiriye zivuye muri Libya ko zemerewe kuba zasaba uburenganzira bwo gutura mu Rwanda gusa nta n’umwe ngo urabisaba.

Nkuko BBC ibitangaza,izi mpunzi zivuga ko mu Rwanda zimerewe neza ariko atari cyo gihugu bifuza guturamo.

Babiri mu mpunzi 299 bari i Gashora batunguye ishami rya ONU ryita ku mpunzi basaba ko basubizwa iwabo muri Somalia.

Ubwo Kallmyr yari i Gashora yashimangiye ko Norway ifite ubushake bwo gutwara impunzi 600 zirimo n’izi ziba mu Rwanda

Mu Rwanda,izi mpunzi zikunze kuba zihugiye mu bikorwa bitandukanye birimo nk’imikino, muzika n’ibindi, mu gihe zitegereje kumenya ejo hazaza h’ubuzima bwazo.

Bwana Kallmyr avuga ko igihugu cye mbere yo kwakira izi mpunzi hari ibyo kizagenzura.

Ati: " Tuzareba neza niba abagomba kuza ari impunzi koko atari abimukira b’impamvu z’ubukungu kuko n’ubundi abo ntibabona uburenganzira bwo kuguma iburayi, babagarura n’ubundi.

Ni ingenzi rero kubabwira ko batagomba kujya muri Libya, niba bashaka ko ubusabe bw’ubuhungiro bwabo bwigwaho ahubwo baza mu Rwanda aho kujya muri Libya kuko batazagera iburayi muri buriya buryo".

Olivier Kayumba Umunyamabanga wa Leta muri Ministri ishinzwe ubutabazi avuga ko iki gikorwa cyo kujyana izi mpunzi I burayi nacyo gishobora gufata ikindi gihe.
Mu nkambi ya Gashora ubu hamaze kugera impunzi 299 muri 500 u Rwanda rwemeye kwakira.

Uretse Norvege, Canada yemeye kwakira 800 muri izi mpunzi ziri muri Libya, Ubufaransa bwemeye kwakira 200, Sweden 150 harimo barindwi (7) bamaze kugerayo na 30 bari kwitegura kugenda.

Mu bari mu Rwanda, babiri basabye gusubira iwabo muri Somalia, UNHCR ivuga ko ikigenzura niba nta kibazo bagira basubiye aho bahunze mbere yo kubasubizayo.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kizito Mihigo yiyahuriye muri Kasho arapfa

Umuhanzi Kizito Mihigo wakunzwe cyane mu ndirimbo zitandukanye zirimo...
17 February 2020 Yasuwe: 15006 5

Musanze: Umugore yabyariye umwana munsi y’ikiraro ahita amuta bamusanga...

Munsi y’ikiraro kimwe mu Mudugudu wa Bukane, Akagari ka Cyabagarura, mu...
15 February 2020 Yasuwe: 4635 0

Rubavu:Ikamyo igonganye na Moto abantu 4 bahita bahasiga ubuzima

Ku gicamunsi cyo kuri uyu wa Gatandatu taliki ya 15 Gashyantare,mu Kagari...
15 February 2020 Yasuwe: 5184 0

Ikamyo yari ipakiye Lisansi yaguye mu Kivu shoferi wayo arokoka mu buryo...

Ikamyo yari itwaye Lisansi yavaga i Kigali yerekeza i Bukavu muri...
13 February 2020 Yasuwe: 10725 0

Kamonyi: Abantu 7 baguye mu mpanuka y’imodoka 3 zirimo Coaster...

Mu gitondo cyo kuri uyu wa Gatatu taliki ya 13 Gashyantare 2020, mu muhanda...
13 February 2020 Yasuwe: 5885 0

Bunani watabaye umwana wari ugiye gutwarwa n’amazi yahawe akazi ahishura...

Umugabo witwa Bunani Jean Claude w’imyaka 26 watabaye umwana wari ugiye...
12 February 2020 Yasuwe: 7472 0