Kigali
startimes

Rubavu:Ikamyo igonganye na Moto abantu 4 bahita bahasiga ubuzima

Amakuru   Yanditswe na: Dusingizimana Remy 15 February 2020 Yasuwe: 5485

Ku gicamunsi cyo kuri uyu wa Gatandatu taliki ya 15 Gashyantare,mu Kagari ka Nengo mu Mudugudu wa Gikarani, Umurenge wa Gisenyi,mu karere ka Rubavu ku ikorosi ryo ku bitaro bya Gisenyi habereye impanuka ikomeye aho ikamyo itwara kontineri yagonganye na moto bituma abantu 4 bahasiga ubuzima abandi narenga 5 barakomereka.



Iyi kamyo yari itwaye kontineri irimo amafi bivugwa ko yavaga I Kigali yagonganye n’iyi moto yavaga ruguru y’ibitaro bya Gisenyi abantu 4 bahita bapfa mu gihe abandi bahise bakomereka.

Ababonye iyi mpanuka babwiye Umuryango.rw ko iyi kamyo ifite Plaque yo muri Tanzania, yacitse feri igonga urukuta rw’ibitaro bya Gisenyi nyuma yo kugonga iyi moto.Biravugwa kandi ko kontineri y’iki gikamyo yagwiriye abagenzi bari hafi aho.

Abashinzwe umutekano babwiye itangazamakuru ko baragira icyo batangaza nyuma yo gutabara.

Abakomerekeye muri iyi mpanuka bivugwa ko bagera kuri 6 bahise bajyanwa kuvurirwa mu bitaro bya Gisenyi gusa ababonye iyi mpanuka bavuga ko nabo bameze nabi.

Mu mwaka ushize kuwa 02 Ukwakira 2019 nabwo mu ikorosi ryo kuri ibi bitaro bya Gisenyi habereye impanuka y’ikamyo yagonze ibitaro ihitana umukozi w’Urwego rw’Igihugu rw’Ubugenzacyaha (RIB) wakoreraga mu Karere ka Rubavu mu Murenge wa Gisenyi.

Kuri ibi bitaro bya Gisenyi hakunze kubera impanuka bitewe n’ikorosi ribi cyane rihari gusa benshi bavuga ko izi mpanuka ziterwa n’uburangare bw’abashoferi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

RBC igiye gutangira gusuzuma COVID-19 abantu binjira mu mujyi wa...

Ikigo cy’igihugu gishinzwe Ubuzima [RBC] cyatangaje ko kigiye gutangira...
5 July 2020 Yasuwe: 338 0

Habonetse abantu 11 banduye Coronavirus mu Rwanda hakira abandi...

Minisiteri y’Ubuzima yatangaje ko mu bipimo 3,414 byafashwe uyu munsi tariki...
4 July 2020 Yasuwe: 836 0

RURA yatangaje igabanuka ry’ibiciro bya Lisansi na Mazutu

Urwego Ngenzuramikorere (RURA) rwatangaje ko guhera ku wa 4 Nyakanga...
3 July 2020 Yasuwe: 1198 0

Abantu 18 basanganywe Coronavirus, 19 ni bo bakize

Minisiteri y’Ubuzima yatangaje ko mu bipimo 2,216 byafashwe uyu munsi tariki...
3 July 2020 Yasuwe: 833 0

Inzobere mu by’Ubuzima yavuze ko abagore bazana amavagingo mugihe...

Amazina ye ni Mugenzi Theodore akaba afite Bacheror Degree muri Biomedical...
3 July 2020 Yasuwe: 13445 0

Habonetse abantu 21 banduye Coronavirus mu Rwanda hakira abandi...

Minisiteri y’Ubuzima yatangaje ko kuri uyu wa Kane tariki ya 2 Nyakanga...
2 July 2020 Yasuwe: 553 0