addresiya
Kigali
startimes

Covid-19:Min Prof. Shyaka Anastase yagaragaje ibyiyumviro bye ku bana bo mu muhanda bazwi ku izina rya Mayibobo

Amakuru   Yanditswe na: Martin Munezero 27 March 2020 Yasuwe: 3006

Hagamijwe kwirinda ikwirakwizwa ry’icyorezo cya Coronavirusi, Minisitiri w’ubutegetsi bw’igihugu Prof. Shyaka Anastase yagaragaje ibyiyumviro bye ku bana bo mu muhanda bamenyerewe kenshi ku izina rya mayibobo, aho avuga ko imihanda itabyara abana.



Ibyo yabigaragaje mu gihe yari abajijwe ku kibazo kijyanye n’uko ubuzima bw’abo bana buza kumera mu gihe abajyaga bagobokwa bagafashwa n’abahisi n’abagenzi, kuri ubu bahawe amabwiriza y’uko bagomba kuguma mu rugo muri iki gihe igihugu gihanganye n’icyorezo cya Coromavirus.

Nyuma y’uko Abanyarwanda bose basabwe kuguma mu rugo, ababishoboye bakahakomereza akazi abandi bakibera aho mu gihe kingana n’ibyumweru 2 bishobora no kurenga, Prof. Shyaka mu gusubiza yagize ati:“Imihanda ntibyara, abana bagomba kuba mu miryango. Twifuza kubamenya no kubona aho baba mu mihanda bagashakirwa igisubizo, imihanda n’inzira byacu ntibigomba kugira abana.

Nta munyarwanda, nta mwana w’u Rwanda wari ukwiye kuba atekereza ko ubuzima bwe buzaba ku mihanda akahakurira akaba ari naho arererwa.”

Min. Prof. Shyaka akaba yizeza ko hamwe n’inzego zose mu gihugu, zifatanyije ngo zahagurukiye icyo kibazo kugirango zirebe uburyo cyakemurwa burundu.

Nk’uko abigarukaho asubiza niba abo bana nabo bazagumishwa mu mihanda cyangwa mu biraro bararamo, cyane ko hari n’impungenge z’uko hari ababahaga ubufasha bashobora kubasigira icyo cyorezo ugasanga baragikwirakwizanya hagati yabo, Prof. Shyaka akomeza avuga ati:“Simbabazwa no kuba abahaga ubwo bufasha batakijya ku muhanda kugira ngo abo bana babone ifunguro, ahubwo mbabazwa no kuba abana bakiri ku mihanda bidakwiye.”

Minisitiri w’ubutegetsi bw’igihugu Prof. Shyaka Anastase yagaragaje kandi ibyiyumviro bye ku bana bo mu muhanda bamenyerewe kenshi ku izina rya mayibobo.

Kuri we ku bufatanye n’izindi nzego, asanga abana bagomba kubanza gushakirwa aho baba, hanyuma bakanaherwaho bafashwa muri ya gahunda yo kureba abo icyorezo cyasanze batiteguye neza.

Uretse iki kibazo cy’aba bana anakomoza ku bavuga ko bitabiroheye kuguma mu ngo kubera ko barya ari uko bakoze, avuga ko hari ibitagereranywa ngo bishyirwe ku munzani umwe.

Ati: “Niba icyorezo cyaje gisabwa kukirinda ntibikwiye ko hari uvuga ko atabashije kubahiriza ibisabwa kubera arya ari uko yakoze ngo ashishikazwe no kwibonera ifunguro gusa. Icya mbere ni ukwirinda bikabanza bikubahirizwa, icya 2 n’uguhangana n’ingaruka z’icyo cyorezo.”

Akangurira abafite umuco n’umutima byo gufasha nk’uko bisanzwe mu migirire n’imigenzereze by’abanyarwanda kureba abo baturanye batameze neza bakaba babagoboka ariko bigakorwa binyuze mu mucyo n’inzira byemewe biyambaza ubuyobozi bukabibafashamo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

IFOTO Y’UMUNSI: Umugenzi yaciye ibintu kubera ukuntu yahoberanye ubwuzu Moto...

Ku mbuga nkoranyambaga zitandukanye hakwirakwiriye ifoto y’umugenzi...
3 June 2020 Yasuwe: 3843 0

Umupolisikazi yabaye umunyarwanda wa kabiri wahitanwe n’icyorezo cya...

Umuntu wa kabiri yishwe na COVID19 mu Rwanda. Ni umupolisi wari waragiye mu...
3 June 2020 Yasuwe: 3311 1

Abadipolomate 2 b’Ububiligi basubiye iwabo kubera igikorwa bakoze...

Abadipolomate 2 b’Ababiligi basubijwe iwabo nyuma yo gutegura umuhango wo...
2 June 2020 Yasuwe: 2514 0

Hashyizweho ikoranabuhanga rihanitse rizakumira abashoferi batwara amakamyo...

Ibihugu bihuriye mu muryango wa Africa y’uburasirazuba byamaze kwemeranywa...
2 June 2020 Yasuwe: 1533 0

Abantu barindwi banduye Coronavirus mu Rwanda, batandatu barayikira kuri...

Minisiteri y’ubuzima yatangaje ko uyu munsi tariki ya 01 Kamena 2020, mu...
1 June 2020 Yasuwe: 1155 0

Rusizi: Abaturage bahiye ubwoba nyuma y’abantu 5 basanganwe Covid-19 muri...

Abaturage bo mu karere ka Rusizi batangaje ko bahiye ubwoba nyuma yo...
1 June 2020 Yasuwe: 2126 0