startimes
Kigali
startimes

COVID-19:Umuryango nyarwanda uharanira uburenganzira bwa muntu wishimiye uburyo washoboye kurinda inzara abagenerwabikorwa bawo

Amakuru   Yanditswe na: Martin Munezero 9 July 2020 Yasuwe: 271

Umuryango nyarwanda utari uwa Leta uharanira Uburenganzira bwa Muntu n’Ubuzima ’AMAHORO HUMAN RESPECT ORGANISATION’ uherereye mu karere ka Nyarugenge,Umurenge wa Nyamirambo,Akagari ka Mumena,wishimiye uburyo wabashije kurinda inzara abagenerwabikorwa bawo muri ibi bihe bitoroshye byo kurwanya no kwirinda ikwirakwizwa ry’icyorezo cya Coronavirus.


Sponsored Ad


Amahoro Human Respect Organisation ’A.H.R’,Umuryango nyarwanda utari uwa Leta washinzwe n’umuhanzi nyarwanda Kayitare Emmanuel wamenyekanye ku izina ry’ubuhanzi nka Kayitare Wayitare Dembe ari nawe washinze Umuryango utari uwa Leta Uharanira Uburenganzira bwa muntu n’Ubuzima yishimiye uburyo bagerageje kurinda inzara abagenerwa bikorwa baBo baturuka impande zose z’umujyi wa Kigali.

Kayitare Wayitare Dembe washinze akaba ari na we muyobozi w’AMAHORO HUMAN RESPECT

Nkuko umuyobozi w’AMAHORO HUMAN RESPECT yabitangarije ikinyamakuru UMURYANGO, ngo Icyorezo cya Coronavirus cyagaragara mu Rwanda Leta igafata ingamba zigamije kwirinda no kurwanya ikwirakwizwa ry’Iki cyorezo,guhera ku itariki 28 Werurwe kugeza magingo aya bakaba bamaze kugoboka ibyiciro by’abantu batandukanye.

Muri ibi byiciro hakaba harimo,Abagore b’Abapfakazi,Imfubyi za Genocide yakorewe abatutsi yabaye mu 1994,Abakobwa babyariye mu rugo,Abakobwa bicuruza,Ababana bahuje ibitsina ’LGBTI’,Ababana n’Ubwandu bw’agakoko gatera SIDA n’abana bahunga mu miryango ku bw’amakimbirane y’Ababarera.

Ibi byiciro by’aba bantu twababwiye haruguru ngo bakaba barabahaye Ibiribwa bigizwe n’Umuceri,Kawunga,Amavuta yo Gutekesha,Ibishyimbo,Umunyu,Isukari ndetse ngo bakaba barahabwaga n’amafaranga yo kugura amakara yo kubitekesha,hanyuma mu bikoresho by’isuku ho ngo bahawe Isabune,Impapuro zikoreshwa mu bwiherero,impapuro z’isuku ku bakobwa n’abagore bakoresha bari mu mihango ndetse batanga n’udupfukamunwa kuri ibi byiciro byose twababwiye.

Guhera ku itariki 28 Werurwe AMAHORO HUMAN RESPECT umaze kugoboka abagenerwa bikorwa bayo ibifite gaciro ka 41,626,850 z’amafaranga y’u Rwanda

Kayitare Emmanuel akomeza yavuze ko ibi byiciro by’aba bantu bose hamwe bagera ku 1547,ngo bikaba byarabagahagaze agaciro k’amafaranga y’u Rwanda 41,626,850.

Mu Gusoza Kayitare yashimiye byimazeyo abafatanyabikorwa babateye inkunga kugira ngo bashobora kugoboka abagenerwa bikorwa babo ntibicwe n’inzara,ndetse akaba yanavuze ko ibi byose babigezeho kubera Politiki Nziza ya Leta y’Ubumwe bw’Abanyarwanda.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kigali:Amasibo 4 muri Kicukiro yakuwe muri Guma mu rugo imidugudu 3 ya...

Minisiteri y’Ubutegetsi bw’Igihugu yakuye muri gahunda ya Guma mu Rugo...
9 August 2020 Yasuwe: 233 0

Rwamagana:Umugore yapfiriye mu buvumo yari yagiye gusengeramo...

Mu gitondo cyo ku munsi w’ejo tariki ya 8 Kanama 2020 ahagana saa mbiri za...
9 August 2020 Yasuwe: 2935 0

Umugabo wo mu mujyi wa Kigali yabaye umuntu wa 06 wahitanwe na Coronavirus...

Minisiteri y’Ubuzima yatangaje ko kuri uyu waa Gatandatu tariki ya 08 Kanama...
8 August 2020 Yasuwe: 3277 0

Habonetse abantu 17 banduye Coronavirus mu Rwanda hakira abandi...

Uyu munsi tariki ya 07 Kanama 2020, mu Rwanda habonetse abantu 17 banduye...
7 August 2020 Yasuwe: 1247 0

Covid-19: Abantu 21 bakize mu Rwanda abandi 7 bashya barayandura

Minisiteri y’Ubuzima yatangaje ko kuri uyu wa Kane tariki ya 06 Kanama 2020,...
6 August 2020 Yasuwe: 870 0

Rubavu: Wa mubyeyi wabyariye mu bitaro ari kuvurwa Covid-19 yasezerewe...

Umubyeyi witwa Cyizanye Marie Béata umaze iminsi 20 abyariye mu Kigo cyita...
6 August 2020 Yasuwe: 1220 0