addresiya
Kigali
startimes

Gasabo:Baraye hanze nyuma yo gusenyerwa n’ushinzwe ubwubatsi mu murenge

Amakuru   Yanditswe na: Dusingizimana Remy 30 April 2020 Yasuwe: 4571

Umuryango utuye mu ka Nyakariba mu kagari ka Musezero mu murenge wa Gisozi mu karere ka Gasabo uravuga ko waraye hanze kubera gusenyerwa n’ushinzwe ubwubatsi muri uyu murenge nyuma yaho usohorewe mu nzu wari ucumbitsemo kubera kubura amafaranga yo kwishyura ubukode.



Uwasenyewe witwa Igihozo Jasmine wasenyewe inzu akarara hanze we ‘umugabo we Ndikumwenayo Sali n’abana babo 3 barimo uruhinja rw’amezi 9, yabwiye Radio na TV1 ko ushinzwe ubwubatsi mu murenge wa Gisozi yazanye n’abandi bagabo 2 atazi baramusenyera.

Yagize ati “Injenyeri yaje ari kumwe n’abagabo 3 ejo.Narababajije nti “ese ko munsenyeye ntaho kujya mfite,nta cyerekezo ndabigenza gute?.Nta kintu bigeze bansubiza.

Uyu mubyeyi ubarizwa mu kiciro cya kabiri cy’ubudehe,yavuze ko mbere yo kuza kubaka aha hantu bafite isambu bari basohowe mu nzu bari bacumbitsemo kubera kubura amafaranga y’ubukode ndetse asaba ubufasha ubuyobozi kuko ngo n’umugabo we arwaye.

Yagize ati “Nishakiye igisubizo kuko aka kabanza n’akanjye naguze kera.Naravuze nti nta buhungiro mfite,sinajya gucumbika kuko barakubwira ngo uzanye indwara.Nitabaje abaturage kuko n’amabati ejo bikoreye n’abaturage bayampaye kuko babonaga ndi hano hanze.Nta kintu nari mfite mu by’ukuri.Byaje kugera aho mudugudu araza,azana n’umurenge basanga ibyo bibati nabishinze ndanabibasobanurira dusubirana kwa nyiri inzu bampa iminsi 11 ngo nzabahe inzu yabo.

Nasubiyeyo ndabyubahiriza,ndahaba.Ya minsi 11 hasigaye 2 nyiri inzu ajya kundega ku ukuriye isibo aravuga ati “Nshaka inzu yanjye namaze kwakira amafaranga y’abandi bapangayi,bariya ntibari kunyishyura bampe inzu yanjye.Mudukoreye ubuvugizi batureka tukaba nk’abihengetse wenda ibi byavamo umuntu akaba yajya gushaka aho gutura ariko tutaraye hanze turi kunyagirwa.”

Umuyobozi w’umurenge wa Gisozi,Musasangohe Providence yavuze ko batakwemerera uyu muryango kubaka mu manegeka ahubwo bagiye kureba aho baba bawucumbikiye.

Yagize ati “N’ubundi hariya hantu bari bari n’imvura ikomeje kugwa bajya mu kaga.Ntabwo twamurekera hariya kuko n’inzu itujuje ibyangombwa,isaha n’isaha yamugwaho.Hariya hantu ntabwo hemerewe guturwa ariko nidusanga nta bushobozi afite,turamufasha nkuko dufasha abandi banyarwanda bose batishoboye.

Ndibaza umuntu ufite ubushobozi bwo kubaka yakodesha.Nitubona nta bushobozi afite turamufasha gukodesha.Ntabwo twakwemera ko we n’abana be bato baguma ku gasozi

Umurenge wa Gisozi wasabye abafite abapangayi kubihanganira btibabishyuze bakazabikora ubwo Coronavirus izaba irangiye,hakuweho gahunda ya Guma mu rugo yo kwirinda iki cyorezo.


Source: TV1

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umupolisikazi yabaye umunyarwanda wa kabiri wahitanwe n’icyorezo cya...

Umuntu wa kabiri yishwe na COVID19 mu Rwanda. Ni umupolisi wari waragiye mu...
3 June 2020 Yasuwe: 2651 0

Abadipolomate 2 b’Ububiligi basubiye iwabo kubera igikorwa bakoze...

Abadipolomate 2 b’Ababiligi basubijwe iwabo nyuma yo gutegura umuhango wo...
2 June 2020 Yasuwe: 2469 0

Hashyizweho ikoranabuhanga rihanitse rizakumira abashoferi batwara amakamyo...

Ibihugu bihuriye mu muryango wa Africa y’uburasirazuba byamaze kwemeranywa...
2 June 2020 Yasuwe: 1504 0

Abantu barindwi banduye Coronavirus mu Rwanda, batandatu barayikira kuri...

Minisiteri y’ubuzima yatangaje ko uyu munsi tariki ya 01 Kamena 2020, mu...
1 June 2020 Yasuwe: 1152 0

Rusizi: Abaturage bahiye ubwoba nyuma y’abantu 5 basanganwe Covid-19 muri...

Abaturage bo mu karere ka Rusizi batangaje ko bahiye ubwoba nyuma yo...
1 June 2020 Yasuwe: 2115 0

Abaraye muri Gare ya Nyabugogo bategereje gutaha iwabo bababajwe nuko...

Abaturage benshi baraye muri gare ya Nyabugogo abandi bazinduka mu gicuku...
1 June 2020 Yasuwe: 3511 0