addresiya
Kigali
startimes

Habonetse abandi bantu 7 banduye Coronavirus hakira umuntu umwe

Amakuru   Yanditswe na: Dusingizimana Remy 6 May 2020 Yasuwe: 1348

Minisiteri y’Ubuzima yatangaje ko kuri uyu munsi tariki ya 06 Gicurasi 2020, mu Rwanda habonetse abantu 7 bashya duye Coronavirus . N’ukuvuga ko abamaze kwandura iyo ndwara mu Rwanda babaye 268. Ku rundi ruhande uyu munsi hakize umuntu 1 bityo abamaze gukira baba 130. Abakirwaye ni 138.



Mu bipimo 1,323 byafashwe uyu munsi hagaragayemo abarwayi 7 byatumye umubare w’abantu bamaze kugaragarwaho na Coronavirus mu Rwanda 🇷🇼 ugera kuri 268 gusa 130 bamaze gukira harimo 1 wakize uyu munsi, abakiri kwa muganga ni 138.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.

Kugeza ubu igihugu cy’u Bwongereza ni cyo kiri imbere ku mugabane w’i Burayi, mu kugira abantu benshi bamaze kwicwa na Coronavirus, kurenza igihugu cy’u Butaliyani.

Minisitiri w’Ububanyi n’Amahanga w’u Bwongereza, Dominic Raab, yatangaje ko kugeza ubu abantu 29 427 ari bo bamaze gupfa kubera Coronavirus, naho abandi 194 990 bamaze kwandura mu gihe 1 559 barembye.

Iyi mibare irimo n’abapfuye kubera iki cyorezo kuri uyu wa Mbere bagera kuri 693 mu masaha 24 gusa.

Kugeza ubu imibare igaragaza ko abantu 29 315 ari bo bari bamaze kwicwa na Coronavirus mu Butaliyani.

CNN ivuga ko mu minsi ishize, ibihugu by’u Butaliyani na Espagne ari byo byari imbere ku mugabane w’i Burayi mu gupfusha abantu benshi, ariko ubu byatangiye kugenda bigabanya ingamba byari byarafashe mu guhangana nacyo.

Iyi mibare y’u Bwongereza isohotse mu gihe ku Cyumweru Minisitiri w’Intebe w’u Bwongereza, Boris Johnson, azageza ijambo ku gihugu ryerekeranye n’ingamba nshya.

CNN ivuga ko hari amakuru yagaragazaga ko iki gihugu gishobora koroshya zimwe mu ngamba zikomeye zafashwe, ariko ibintu bishobora guhinduka.

Raab yagize ati “Ubu birumvikana ko mu cyiciro gikurikira hazakorwa ibindi bitandukanye, dukeneye gusesengura ingamba nshya, turashaka kureba ko izindi ngamba zizaba ziboneye, ariko ntitugomba gukora ikosa, icyiciro gikurikira ntikigomba kuzoroha.”

Kugeza ubu hari amakuru avuga ko imwe mu mibare yabahitanwe na Coronavirus mu Bwongereza muri Mata, ishobora kuba itandukanye n’iy’abagiye bapfa kuko ngo hatangazwaga gusa abaguye kwa muganga.

Ikigo gishinzwe ibarurishamibare mu Bwongereza, kivuga ko abapfuye muri iki gihugu bashobora kuba ari 32 313.

Dr Claudia Paoloni, uhagarariye ishyirahamwe ry’inzobere mu by’ubuvuzi mu Bwongereza, avuga ko “Kuba u Bwongereza bufite imibare iri hejuru mu Burayi, bigaragaza ko abaminisitiri mu gihugu bafite byinshi byo gusubiza, no kuba baragaragaje intenge nke mu gukemura ikibazo.”

Guverinoma ya Boris Johnson kandi inengwa kuba itarashyize ingufu mu gupima Coronavirus mu bantu no kunanirwa gutanga ibikoresho bihagije byo guhangana n’iki cyorezo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Covid-19:Handuye abantu 13 mu Rwanda hakira abandi 2 kuri uyu wa...

Imibare ya Minisiteri y’Ubuzima yagaragaje ko kuri uyu wa 03 Kamena 2020...
3 June 2020 Yasuwe: 1139 0

Perezida Kagame yitabiriye inama ya OACPS yize ku ngamba zo gukomeza...

Kuri uyu wa Gatatu,tariki ya 03 Kamena 2020, Perezida Kagame yitabiriye...
3 June 2020 Yasuwe: 587 0

IFOTO Y’UMUNSI: Umugenzi yaciye ibintu kubera ukuntu yahoberanye ubwuzu Moto...

Ku mbuga nkoranyambaga zitandukanye hakwirakwiriye ifoto y’umugenzi...
3 June 2020 Yasuwe: 5112 0

Umupolisikazi yabaye umunyarwanda wa kabiri wahitanwe n’icyorezo cya...

Umuntu wa kabiri yishwe na COVID19 mu Rwanda. Ni umupolisi wari waragiye mu...
3 June 2020 Yasuwe: 3597 1

Abadipolomate 2 b’Ububiligi basubiye iwabo kubera igikorwa bakoze...

Abadipolomate 2 b’Ababiligi basubijwe iwabo nyuma yo gutegura umuhango wo...
2 June 2020 Yasuwe: 2553 0

Hashyizweho ikoranabuhanga rihanitse rizakumira abashoferi batwara amakamyo...

Ibihugu bihuriye mu muryango wa Africa y’uburasirazuba byamaze kwemeranywa...
2 June 2020 Yasuwe: 1551 0