skol
Kigali
startimes

Habonetse abantu 19 banduye Coronavirus mu Rwanda hakira abantu 15

Amakuru   Yanditswe na: Dusingizimana Remy 15 July 2020 Yasuwe: 1271

Kuri uyu wa Gatatu tariki ya 15 Nyakanga 2020,abanduye coronavirus bashya mu Rwanda ni 19 barimo aba Nyamasheke 12 (bapimiwe mu tugari turi mu kato), Kigali:3, Nyamagabe:2, Rusizi:2.


Abamaze kwandura boseni 1,435. Uyu munsi hakize 15, abamaze gukira bose baba 752. Abakirwaye:679. Kugeza ubu abamaze gupfa ni 4.

Abaturarwanda barasabwa gukomeza kubahiriza amabwiriza yo kwirinda Coronavirus arimo gusiga intera ya metero hagati y’abo, kwambara udupfukamunwa no gukaraba intoki kenshi bakoresheje amazi meza n’isabune cyangwa arukoro yabugenewe.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Sosiyete y’Abanyamerika Moderna izatangira igerageza rya nyuma ry’urukingo rwa COVID-19 guhera ku itariki ya 27 Nyakanga kugeza ku itariki ya 27 Ukuboza 2020. Hafi abantu 30 000 ni bo bazagira uruhare mu kugeragerezwaho urwo rukingo mu kiciro cyarwo cya nyuma.

Igeragezwa rizamara amezi 5, igikorwa kizatangira ku itariki ya 27 Nyakanga kizagee ku ya 27 Ukuboza. Sosiyete Moderna yabitangaje ejo hashize ku wa Kabiri tariki ya 14 Nyakanga ko igerageza ry’urukingo rwa COVID-19 ruzatangira ikiciro cyarwo cya nyuma ku itariki ya 27 Nyakanga, ikaba ari cyo kigo kibaye icya mbere kugera ku kiciro giheruka.

Abantu 30 000 ni bo biteganyijwe ko bazageragerezwaho muri Leta zunze ubumwe z’Amerika nk’uko byatangajwe na radio mpuzamahanga y’u Bufaransa. Hagiye gusuzumwa akamaro k’urwo rukingo, kuko hari hasohowe ibyavuye mu kiciro cya mbere k’igerageza cyasuzumaga niba urukingo rwizewe rukaba ruha umubiri ubwirinzi.

Abashakashatsi batangaza kandi ko bazakomeza gukurikirana abaruhawe mu gihe k’imyaka 2, ngo harebwe niba urukingo rurwanya ubwandu. Nubwo hagaragara ibimenyetso, urukingo rushobora gufatwa nk’urwizewe ubwo rwagira akamaro ko gukumira ko habaho kuremba bitewe na Covid-19.

Nk’uko byatangajwe n’ikinyamakuru kibanda ku buvuzi, New England Journal of Medicine, ibyavuye mu igerageza ry’ikiciro cya mbere rya Moderna, ni uko urukingo rwageragejwe rwakoze ubudahangarwa bw’umubiri ku bantu 45 bakingiwe.

Amesh Adalja, impuguke ku ndwara zandura muri kaminuza ya Johns-Hopkins yavuze ko urwo rukingo rutanga ikizere kuko rwongereye ubwirinzi bw’umubiri ku barutewe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 15 bakize Covid-19 mu Rwanda mu gihe abandi 3 bayanduye

Minisiteri y’Ubuzima yatangaje ko kuri iki cyumweru tariki ya 18 Ukwakira...
18 October 2020 Yasuwe: 1192 0

Abantu 104 bakize Covid-19 mu Rwanda abandi 06 barayandura

Minisiteri y’Ubuzima yatangaje ko kuri uyu wa Gatandatu tariki ya 17...
17 October 2020 Yasuwe: 1661 0

Umugabo w’imyaka 39 yabaye umuntu wa 34 wahitanwe na Covid-19 mu Rwanda mu...

Minisiteri y’Ubuzima yatangaje ko kuri uyu wa Gatanu tariki ya 16 Ukwakira...
16 October 2020 Yasuwe: 1830 0

Abantu 203 bakize Covid-19 mu Rwanda mu gihe abandi 13 biganjemo abo mu...

Minisiteri y’Ubuzima yatangaje ko kuri uyu wa Kane tariki ya 15 Ukwakira...
15 October 2020 Yasuwe: 1618 0

Umuntu wa 33 yishwe na Covid-19 mu Rwanda mu gihe abandi 32 biganjemo abo...

Minisiteri y’Ubuzima yatangaje ko kuri uyu wa Gatatu tariki ya 14 Ukwakira...
14 October 2020 Yasuwe: 1768 0

Abagabo bateye inda abakobwa bakihakana abana babyaye bagiye gupimwa...

Kuri uyu wa 14 Ukwakira, impuzamiryango Pro-Femmes Twese hamwe yatangije...
14 October 2020 Yasuwe: 2082 0