addresiya
Kigali
startimes

Habonetse abarwayi bashya 3 ba Coronavirus mu Rwanda hanakira abandi 3 kuri uyu wa Kane

Amakuru   Yanditswe na: Dusingizimana Remy 7 May 2020 Yasuwe: 709

Minisiteri y’Ubuzima yatangaje ko kuri uyu munsi tariki ya 07 Gicurasi 2020,mu Rwanda habonetse abanduye Coronavirus bashya 3. Abamaze kwandura iyi virusi mu Rwanda babaye 271. Ku rundi ruhande uyu munsi hakize abantu 3 bituma abamaze gukira Covid -19 baba 133. Abakirwaye ni 138.



Mu bipimo 1,519 bya Coronavirus byafashwe uyu munsi, hagaragayemo abarwayi 3 batumye umubare w’abamaze kwandura iyi ndwara mu Rwanda ugera kuri 271 gusa 133 bamaze gukira harimo 3 bakize uyu munsi, abakiri kwa muganga ni 138.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.

Mu gihe abasaga ibihumbi 260 bamaze guhitanwa n’icyorezo cya Coronavirus ku isi, ibihugu icyenda byonyine birimo n’u Rwanda ni byo bitaragira umuntu n’umwe wishwe n’iki cyorezo.

Ibyo bihugu ni Vietnam, u Rwanda, ibirwa bya Faroe, Madagascar, Cambodia, Nepal, Uganda, Repubulika ya Centrafrique na Mozambique.

Imibare y’abamaze kwicwa na Coronavirus yerekana no nibura umuntu umwe muri 14 banduye yishwe n’iki cyorezo. Abamaze gukira bangana na 34% ni ukuvuga ko batatu mu 10 banduye bakize.

Mu birwa bya Feroe, abantu babiri gusa mu 187 banduye nibo bakivurwa ni ukuvuga ko 99% bakize. Muri Cambodia hamaze gukira 98% by’abanduye, muri Vietnam hakize 86%, Madagascar hakize 64%, Uganda ni 55%, naho mu Rwanda ni 49%.

Inzobere zisanga ubushobozi bwo gupima abantu benshi, kubahiriza amabwiriza ya guma mu rugo ndetse n’ikigero cy’imyaka y’abandura ari bimwe mu bituma nta bapfa benshi muri biriya bihugu.

Mu Rwanda, kugeza kuri uyu wa Gatatu hari hamaze gufatwa ibipimo 37 315 aho abagera kuri 268 ari bo basanzwemo icyorezo cya Coronavirus. Umubare w’abamaze gukira ni 130, abagera ku 138 baracyari kwitabwaho n’abaganga mu gihe ntawe urahitanwa n’iki cyorezo.

Kuva kuwa 21 Werurwe, hafashwe ingamba zirimo gufunga imipaka, abantu badafite ibikorwa byihutirwa bakaguma mu ngo mu rwego rwo gukumira ikwirakwira ryacyo. Gusohoka mu rugo nta mpamvu zihutirwa byarabujijwe, keretse abajya gutanga no gushaka serivisi z’ingenzi harimo kwivuza, guhaha, serivizi za banki n’izindi.

Izi ngamba zorohejwe nyuma y’iminsi 40, ibikorwa bya leta n’iby’abikorera, amasoko na hoteli byemererwa gusubukura imirimo guhera ku wa Mbere tariki ya 04 Gicurasi 2020.

Guverinoma yemeje ko gahunda yo gupima abantu izakomeza mu gihugu hose, ndetse ko udupfukamunwa tugomba kwambarwa igihe cyose umuntu agiye aho ahurira n’abandi naho serivisi zemerewe kongera gukora zikubahiriza amabwiriza atangwa n’inzego z’ubuzima arimo gukaraba intoki, kwambara udupfukamunwa, gusiga intera hagati y’umuntu n’undi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Covid-19: Habonetse abantu 7 bashya banduye Coronavirus mu Rwanda hakira...

Minisiteri y’Ubuzima mu Rwanda yatangaje ko Kuri uyu wa Gatatu tariki 27...
27 May 2020 Yasuwe: 420 0

Polisi y’u Rwanda yatangaje impamvu 4 zatumye ifunga igitaramo cyo kuri You...

Umuvugizi wa Polisi y’u Rwanda,CP John Bosco Kabera,yatangaje ko yafunze...
27 May 2020 Yasuwe: 776 0

Habonetse abantu 9 bashya banduye Coronavirus mu Rwanda hakira umuntu...

Minisiteri y’Ubuzima mu Rwanda yatangaje ko Kuri uyu wa Mbere tariki 25...
25 May 2020 Yasuwe: 516 0

Perezida Kagame yageneye ubutumwa AFURIKA kuri uyu munsi wayihariwe

Perezida Kagame yageneye ubutumwa bukomeye Umugabane wa AFURIKA kuri uyu wa...
25 May 2020 Yasuwe: 462 0

Minisitiri Shyaka yavuze impamvu Leta yafunguye gahunda yo gusezeranya ku...

Minisitiri w’Ubutegetsi bw’igihugu,Prof.Shyaka Anastase yatangaje ko impamvu...
25 May 2020 Yasuwe: 906 2

Covid-19: Hakize abantu 10 mu Rwanda abandi 2 basanganwa icyorezo kuri iki...

Minisiteri y’Ubuzima mu Rwanda yatangaje ko Kuri iki Cyumweru tariki ya 24...
24 May 2020 Yasuwe: 767 0