Kigali

Hon.Bamporiki na Amb.Nduhungirehe Olivier bagiriye inama ikomeye amadini ari gusaba amaturo abayoboke muri ibi bihe bibi bya Coronavirus

Amakuru   Yanditswe na: Dusingizimana Remy 23 March 2020 Yasuwe: 2764

Nyuma y’aho leta y’u Rwanda ifatiye umwanzuro wo guhagarika insengero n’imisigiti mu rwego rwo guhangana na Coronavirus iri koreka imbaga,bamwe mu bapasiteri batangiye koherereza abayoboke babo ubutumwa burimo amakonti na nimero zo gushyiraho amaturo n’icyacumi.



Umunyamabanga wa Leta muri Minisiteri y’Urubyiruko n’Umuco,Hon.Bamporiki Edouard,akimara kubona ibaruwa ADEPR yandikiye abayoboke bayo ibasaba gukomeza gutanga amaturo n’icyacumi muri ibi bihe bibi bya Coronavirus,yayisabye gutera intambwe ikomeye yo gukora mu kigega igafasha intama zayo zitari kubona icyo kurya kubera ko imirimo imwe n’imwe yahagaritswe kubera Coronavirus.

Bamporiki yagize ati “Mushumba wacu @ADEPR, muri iyi minsi idasanzwe twari dukwiye gutekereza uko abashumba batunga intama, kurusha ko intama zatunga abashumba, kuko nizo zifite intege nkeya. Mubyiteho aho mubona bishoboka, mufashe abakene bo mu itorero ryacu. Tumaze imyaka dutura mukore mu kigega.”

Ubu butumwa bwa Hon.Bamporiki bwasembuye benshi kuri Twitter bituma benshi basaba ko aya matorero yagabanya kwaka amaturo ahubwo agahangayikishwa n’imibereho y’abayoboke byaba na ngomba bagafasha abarya ari uko bagiye guca inshuro batari kubona uburyo bwo gusohoka mu ngo zabo kubera ingamba Leta yafashe mu rwego rwo kurinda Abanyarwanda Coronavirus.



Mu bantu bunganiye Hon.Bamporiki harimo n’Umunyamabanga wa Leta muri Minisiteri y’Ububanyi n’amahanga,Amb.Nduhungirehe Olivier, nawe wavuze ko amatorero mu Rwanda yareba kure muri iki gihe abantu bari mu kato kubera Coronavirus,agafasha ababuraye n’abishwe n’inzara.

Yagize ati “Muri iyi minsi twugarijwe n’icyorezo cya Coronavirus, ntabwo amadini n’amatorero yari akwiriye gushaka kubyungukiramo, asaba abayoboke bayo amaturo cyangwa icya cumi. Ahubwo ayo madini yari akwiriye gushaka uburyo yafasha abayoboke bayo batakibona ikibatunga kubera COVID-19.

Mu minsi ishize n’itorero ry’Abadivantiste b’umunsi wa 7 ryasohoye itangazo rimenyesha abayoboke baryo uko bazajya batanga amaturo cyane ko batagishobora kugera ku rusengero ngo bature nkuko byari bisanzwe.




Ibaruwa ADEPR yandikiye abayoboke bayo

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble sezikeye

    Ariko ibi ni agahomamunwa.Abiyita ko ari "abakozi b’Imana",barimo gusonga abayoboke babo.Nta nubwo bagira isoni zo kubabeshya ko Icyacumi ari ik’Imana!!! Ese koko Abakristu bakwiye guha abanyamadini Icyacumi?Isezerano rya kera,rigira amategeko menshi yarebaga Abayahudi gusa, atareba Abakristu.Urugero,Imana yasabye Abayahudi "gukebwa",ndetse itegeka ko utazakebwa bazamwica nkuko Intangiriro 17:14 havuga.Ariko Isezerano Rishya,rivuga ko gukebwa atari itegeko (ku Bakristu).Bisome muli Abagalatiya 5:6.Icyacumi nacyo cyari kigenewe gusa ubwoko bw’Abalewi,kubera ko batagiraga amasambu nkuko Kubara 18:24 havuga.Yesu yasabye Abakristu "gukorera Imana ku buntu" nkuko Matayo 10:8 havuga.Abigishwa be tugenderaho,nta n’umwe wasabaga Icyacumi,ahubwo bajyaga mu nzira bose,bakabwiriza ku buntu,bakabifatanya no kwikorera bakitunga.Soma urugero rwa Pawulo muli Ibyakozwe 20:33.Iyo wabahaga amafaranga,barakubwiraga ngo "uragapfana n’ayo mafaranga yawe".Bisome muli Ibyakozwe 8:18-20.UMUKRISTU NYAWE,bisobanura gusa “umuntu wigana Yesu n’Abigishwa be”.

    1 week ago
  • chat_bubble eben

    Abazi icyo gutura bivuze bazatura naho abatabizi babireke kuko si agahato hatura ushaka.
    Namwe bayobozi Ku mishahara y imirengera muhebwa mutere iyo ntambwe.
    Murakoze

    1 week ago
  • chat_bubble Samuel

    Biba bitangaje kubona abantu bafungiranye mumazu batajya kukazi barangiza ngo nibazane amaturo nicyacumi !!!!! Mbese ubwo barayavanahe badakora? ndumva intama zaratunze abashumba igihe kirekire kandi bavugako ari ukubitsa aho inyenzi numugese bitagera ngo bibwangize igihe rero kirageze kugirango abo bashumba nabo batekereze kuntama nibiba ngombwa aho babikije nabo bababikurire. Aba bashumba bacu nabo bajye batugirira impuhwe.

    1 week ago

Inzindi nkuru

Ngororero:Umugabo ushinjwa kwigomeka ku buyobozi yafashwe ari gukoresha...

Umugabo witwa Rimenyande Jean Damascene w’imyaka 36 wo mu Murenge wa...
31 March 2020 Yasuwe: 4534 0

Nyabihu: Inkuba yakubise ababaji babiri bahasiga ubuzima

Abagabo 2 bakoraga akazi k’ububaji basanzwe bapfuye, kuri uyu wa Mbere...
31 March 2020 Yasuwe: 1882 0

Manchester United yiyemeje gushora miliyoni 135 z’amapawundi ku mukinnyi...

Ikipe ya Manchester United yatangiye gutekereza uko yaziyubaka mu mwaka...
30 March 2020 Yasuwe: 3182 0

Covid-19:Umuryango nyarwanda uharanira uburenganzira bwa muntu wagobotse...

Umuryango nyarwanda utari uwa Leta uharanira Uburenganzira bwa Muntu...
30 March 2020 Yasuwe: 1347 0

Abanyarwanda basabwe kwirinda gukoresha imiti aho itagenewe bagerageza...

Ikigo gishinzwe kugenzura ibiribwa n’imiti mu Rwanda (FDA) kibwira abaturage...
30 March 2020 Yasuwe: 885 0

Umuti ufasha abanduye Coronavirus ugiye kugeragerezwa mu Rwanda

Ubuyobozi bw’Ikigo gishinzwe kugenzura Ibiribwa n’Imiti mu Rwanda, Rwanda...
30 March 2020 Yasuwe: 12995 12