addresiya
Kigali
startimes

Karongi: Abadivantiste bakijijwe 65 bafashwe bari gusengera mu cyumba banga guhagarika amasengesho

Amakuru   Yanditswe na: Dusingizimana Remy 4 April 2020 Yasuwe: 3887

Kuri uyu wa Gatandatu tariki ya 04 Mata 2020,Abadivantiste bavuguruye bo mu Kagari ka Kibirizi mu murenge wa Rubengera,mu karere ka Karongi, bafashwe bishe amabwiriza ya Leta yo kuguma mu rugo bajya gusengera mu cyumba gito ari 65 hanyuma inzego zishinzwe umutekano zije kubasohora baranga bavuga ko bari kubahiriza umunsi w’isabato.



Mu kiganiro RBA yagiranye n’ umuyobozi w’akarere ka Karongi,Madamu Mukarutesi Vestine, yavuze ko aba Badivantiste bavugaga ko bakijijwe bafatiwe mu cyumba gito bacucitse bari gusenga muri iki gihe Leta y’u Rwanda yategetse abantu bose kuguma mu rugo kubera kwirinda ko Coronavirus ikwirakwira.

Yagize ati “ Abantu 65 bari mu rugo rumwe bari mu cyumba kitari kinini ku buryo wabonaga begeranye barimo basenga.Ni abantu bavugaga y’uko ari Abadivantiste ariko bakijijwe.”

Aba badivantiste bakijijwe bavuze ko amabwiriza yo kurwanya Coronavirus bayazi ariko badashobora kwica itegeko rya Bibiliya ryo kubahiriza Isabato.

Aba badivantiste bakimara gufatwa n’ubuyobozi ngo banze gusohoka muri iki cyumba biba ngombwa ko hakoreshwa izindi ngufu ariko Meya yavuze ko nta muntu wahutajwe.

Ku bijyanye n’ibihano bagomba gufatirwa,Meya Mukarutesi yavuze ko kugeza ubu bamaze kujyanwa mu kigo ngororamuco kugira ngo batozwe .

Meya yagize ati “Nyuma yo kubafata,bavugaga ko bagomba guterana ku isabato nkuko Bibiliya ibivuga.Twasanze ari ngombwa ko dukomeza kubigisha no gukomeza kubahugura,ubu bajyanwe mu kigo ngororamuco aho tuzakomeza kubakangurira kubahiriza amabwiriza ya Leta yo kwirinda iki cyorezo no kugikumira.”

Aba bantu byavugwaga ko badakoresha ibikoresho by’ikoranabuhanga n’Indangamuntu ariko umuyobozi w’akarere yahakanye aya makuru avuga ko benshi bari bafite telefoni gusa ngo ntabwo babajije byinshi kuko uyu munsi icyari kigenderewe ari ukubumvisha ibyo kurwanya Coronavirus .

Abafashwe barimo abagore n’abana n’abagabo bake ndetse ngo babwiye ubuyobozi ko indi minsi bagomba kubahiriza amabwiriza yo kuguma mu rugo ariko bagaterana ku munsi w’ isabato.

Umuyobozi w’akarere ka Karongi yabwiye RBA ko basaba abaturage ba Karongi gukomeza kuguma mu rugo bakubahiriza amabwiriza yose yo kwirinda Coronavirus arimo gukaraba intoki no gushyira intera ya metero hagati y’umuntu n’undi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble hitimana

    Nkuko bibiliya ivuga,bene aba ni Satani ibahuma amaso ngo batamenya ukuri kw’ibyo bible ivuga.
    Aba ntibumva ko Leta irimo kuturinda Coronavirus.Ni nka babandi b’Abaslamu birirwa bica abantu ku isi yose (Jihad),bavuga ko bakorera Imana.Imana idutegeka “Kumvira abayobozi”.Kereka gusa iyo badutegetse gukora ibyo Imana ibuzanya nkuko Ibyakozwe 5:29 havuga.Ntawe Leta yabujije gusenga.Ariko dusengera imuhira.Ikintu cya mbere Abanyamadini bakwiye gukora muli iki gihe,nukwereka abayoboke babo ubusobanuro bw’iyi Coronavirus.Nkuko Yesu yavuze muli Luka 21:11,26,mu minsi y’imperuka hazabaho indwara z’ibyorezo,bitume abantu bagira ubwoba,bibaza ibyenda kuba ku isi (umurongo wa 26).Bakwiye kubereka ko ibi bintu byinshi bibi birimo kubera ku isi kandi bifite ubukana buruta ubwo mu myaka yashize,byerekana ko Imperuka iri hafi.NTA KINDI CYOREZO CYAKWIRIYE ISI YOSE MU KANYA GATO.Bakwiye gusaba abayoboke babo guhinduka bagashaka Imana cyane.Iki ni igihe cyo gushaka Imana cyane no KWIHANA.Mwibuke ko millions z’abantu bari batuye isi ku gihe cya NOWA,bazize kwanga Kwihana,ubwo Nowa yababwirizaga.Harokotse gusa abantu 8 bumviraga Imana.Yesu wavuze iyo nkuru muli Matayo 24:36,37,yerekanye ko ariko bizagenda nagaruka ku Munsi w’Imperuka wegereje.

    1 month ago
  • chat_bubble Map

    Abadiventists bakijijwe se kandi ni abameze bate?

    1 month ago
  • chat_bubble Afer Afer.

    Vuga bayobye. Umuntu warokotse yica amategeko? Mujye mutanga inkuru mwizina ryayo.

    1 month ago
  • chat_bubble Afer Afer.

    Abakijijwe nibande? Abatarakijijwe nibande? Vuga bayobye.

    1 month ago
  • chat_bubble Byigero Erivan

    Ngo Abadivantisiti bakijijwe? Bakijijwe iki ra? Cyangwa bayobye kuva badakurikiza Amabwiriza ya Leta!

    1 month ago

Inzindi nkuru

Minisitiri Shyaka yavuze impamvu Leta yafunguye gahunda yo gusezeranya ku...

Minisitiri w’Ubutegetsi bw’igihugu,Prof.Shyaka Anastase yatangaje ko impamvu...
25 May 2020 Yasuwe: 521 2

Covid-19: Hakize abantu 10 mu Rwanda abandi 2 basanganwa icyorezo kuri iki...

Minisiteri y’Ubuzima mu Rwanda yatangaje ko Kuri iki Cyumweru tariki ya 24...
24 May 2020 Yasuwe: 735 0

Perezida Kagame yifurije Abayisilamu umunsi mwiza wa Eid Mubarak

Perezida Paul Kagame yifurije abayoboke b’Idini ya Islam umunsi mwiza wo...
24 May 2020 Yasuwe: 506 0

Abantu 4 basanganywe Coronavirus mu Rwanda abandi 5 barayikira kuri uyu wa...

Minisiteri y’Ubuzima yatangaje ko kuri uyu wa Gatandatu tariki ya 23...
23 May 2020 Yasuwe: 748 0

BOSENIBAMWE Aimé wayoboraga NRS yitabye Imana azize uburwayi

Uwari umuyobozi mukuru w’ikigo cy’igihugu gishinzwe igororamuco (National...
23 May 2020 Yasuwe: 6707 2

Rwamagana: Abana 4 barohamye mu Kiyaga cya Gatoki ubwo barimo kurya...

Abana bane bo mu Mudugudu wa Kanserege, mu Kagari ka Kibare, Umurenge wa...
23 May 2020 Yasuwe: 1492 0