Kigali

Madamu Jeannette Kagame yahaye inama ikomeye abashakanye yatuma bubaka umuryango mwiza

Amakuru   Yanditswe na: Dusingizimana Remy 12 January 2020 Yasuwe: 2454

Madamu wa Perezida wa Repubulika, Jeannette Kagame,yagiriye inama ikomeye abashakanye ko ibanga ryatuma barambana ari ugushyira hamwe ndetse bagahora bazirikana ko ibibazo mu muryango bitabura.



Ibi Madamu Jeannette Kagame yabitangarije mu biganiro byahuje abayobozi batandukanye byari bigamije gusengera igihugu, guhugurana no gushima Imana byateguwe n’umuryango, Rwanda Leaders Fellowship.

Madamu Jeannette Kagame yabajijwe uko ahuza inshingano nyinshi afite no kwita ku muryango we,asubiza ko ibanga rya mbere rimufasha ari ugufatanya n’uwo bashakanye ariwe perezida Kagame ndetse agira inama abashakanye yo gufatanya muri byose.

Yagize ati “Gufatanya n’uwo mwashakanye byoroshya byinshi, ndifuza kurema agatima abakiri bato, mukwiriye kumenya ko buri rugo rugira umwihariko.

Natwe turi abantu basanzwe, ntabwo turi ibitangaza. Ubuzima bwacu natwe ni nk’ubw’indi miryango. Ibibazo bigora indi miryango duhura nabyo. Hari abavuga bati umwe ni umutwe w’urugo undi ni umutima ariko umuntu akwiye kuba yuzuye, mukuzuzanya. Mugomba kubana muri byose no gusangira byose, mutavuga ngo abana beza ni aba se. Nta shema riri mu kumva ufite abana utita abawe kuko batitwaye neza.”

Madamu Jeannette Kagame yavuze ko iyo abashakanye bashyize hamwe mu gutoza indangagaciro abana babo,bagira umuryango mwiza kandi abana babo bagakurana uburere bwiza.

Ibi biganiro byari bifite insanganyamatsiko igira iti "Kubaka umuryango muzima nk’ishingiro kamere ry’igihugu cyizima".

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble masozera

    Ibyo Madame Kagame yavuze ni byizaAriko ahantu nyamukuru abashakanye bagomba gukura ubuyobozi bwiza,ni muli bible.Urugero,bible isaba abashakanye gukundana,kwihanganirana,kubabarirana no kugirana imishyikirano.Bakirinda gucana inyuma no gupingana,kubera ko imana ishaka ko baba umwe.Abantu bose bumvira izi nama bose,nta kabuza babana neza kugeza bashaje.Turamutse twumviye imana,iyi si yaba nziza cyane,ibibi byose bikavamo,urugero intambara,akarengane,ruswa,....Ikibazo nuko agarageza kumvira imana aribo bake cyane.Abo nibo bazahabwa ubuzima bw’iteka.

    2 weeks ago

Inzindi nkuru

Dr Vuningoma wari umuyobozi wa RALC yashyinguwe

Kuri uyu wa Gatandatu taliki 25, Mutarama, 2020 nibwo uwari umuyobozi...
25 January 2020 Yasuwe: 2684 1

Nyanza: Kanyamuhanda uherutse kwica umugore we yarashwe arapfa ubwo...

Umugabo witwa Kanyamuhanda Jean Bosco wo mu Karere ka Huye ukekwaho icyaha...
22 January 2020 Yasuwe: 2484 0

MINISANTE yaburiye abanyarwanda ku cyorezo cyadutse mu bihugu byo muri...

Minisiteri y’Ubuzima irasaba abaturarwanda bose, cyane cyane abakora ingendo...
21 January 2020 Yasuwe: 1691 0

Bamwe mu mpunzi zaturutse muri Libya barifuza gusubizwa iwabo muri...

Bamwe mu mpunzi zaturutse muri Libya baratangaza ko nubwo bishimiye ko nta...
21 January 2020 Yasuwe: 3206 0

Umunyamabanga Nshingwabikorwa wa RALC yitabye Imana azize uburwayi

Umunyamabanga w’Inteko Nyarwanda y’Umuco n’Ururimi Dr Vuningoma James yitabye...
20 January 2020 Yasuwe: 1974 1

Abakingira Ebola bavuze ku bihuha bisebya urukingo rwayo n’impamvu bataruha...

Hagiye havugwa ibihuha byinshi ku rukingo rwa Ebola ko rutera abantu...
17 January 2020 Yasuwe: 1573 0