Kigali
startimes

Minisitiri Evode Uwizeyimana yasabye imbabazi umusekirite yahohoteye ari mu kazi ke

Amakuru   Yanditswe na: Ubwanditsi 3 February 2020 Yasuwe: 23794

Umunyamabanga wa Leta muri Minisiteri y’Ubutabera ushinzwe Itegeko Nshinga n’andi mategeko, Uwizeyimana Evode yasabye imbabazi nyuma yo gukubita umukobwa w’umusekirite washakaga kumusaka ubwo yari yinjiye muri Grand Pension Plaza iba mu karere ka Nyarugenge.



Uyu mukobwa ukora akazi ko gucunga umutekano muri kompanyi ya ISCO wasakaga abinjira muri uyu muturirwa wa Grand Pension Plaza yasunitswe na Uwizeyimana yikubita hasi ubwo yamuhagarikaga ashaka kumusaka nkuko yabigenzaga ku bandi.

Nkuko amakuru agera ku Umuryango abitangaza,uyu munsi Minisitiri Evode yinjiye muri uyu muturirwa agiye kubikuza amafaranga ku cyuma [ATM] cya Bank of Kigali kiwubamo, ntiyaca mu cyuma gisaka nkuko bisanzwe ku binjira mu nyubako zikomeye zo mu mujyi wa Kigali.

Uyu mukobwa ashobora kuba atamenye ko uwo yahagarikaga ari minisitiri ariyo mpamvu yamusabye akomeje kunyura mu cyuma gisaka (scanner) nk’abandi undi ahita amuhirika yitura hasi ahaguruka ari kurira kubera ko yari ahohotewe.

Bamwe mu bantu bari hafi aho bari bazi ko Evode ari Minisitiri bagerageje kumwegera bamubwira ko ahohoteye uyu mukozi wari mu kazi ke ndetse bamwumvisha ko ibyo yakoze atari byo, birangira amwegereye we n’ushinzwe abasekirite ba ISCO muri iyi nyubako abatwara mu modoka ye gusa ibyo baganiriye ntabwo twabimenye.

Mu butumwa Miniitiri Evode Uwizeyimana yanyujije kuri Twitter,yasabye imbabazi abakozi ba ISCO,ndetse n’abanyarwanda muri rusange

Ati “Ndicuza mbikuye ku mutima ibyabaye.Ntabwo byakabaye byakozwe nkanjye nk’umuyobozi n’imboni ya rubanda.Namaze gusaba imbabazi abakozi ba ISCO,n’ubu mbikoze imbere ya rubanda.Nsabye imbabazi buri wese.”

Umuryango wahamagaye uyu musekirite wahohotewe inshuro nyinshi ariko ntabwo yabashije kutwitaba.



Evode yasabye imbabazi umusekirite yahohoteye muri Grande Pensin Plaza

Author : Ubwanditsi

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble rusingiza

    Azisabye mbere na Mbere Musenyeri NZAKAMWITA byaba byiza kuko niwe yahemukiye cyane kurusha abandi amubaza ngo abwirwa n’iki iby’urugo atagira abana? Musenyeri muzima ukamubwira utyo? Icyambere akuruta ubukuru, akurusha experience, akurusha amashuri, akurusha byose mu buzima ukamwandagaza kuriya? Ikindi wagereranyije igitekerezo cye ukirutisha icyatanzwe n’umwana w’uruhinja kandi urangije uraseba kijya mu myanzuro y’inama nk’igitekerezo cyiza! Urakabya Evode we. Nkabona bakwita vodavoda aka ya mvugo ngo kuvodavoda!

    5 months ago
  • chat_bubble dusabe

    Nuko muli Africa bakunda ibyubahiro n’amafaranga,naho ubundi uyu akwiye KWEGURA,kubera ko yakoze ikosa rikomeye kandi si ubwa mbere.Ndibuka ko Minister Habineza Joseph (JO) yeguye kubera gukora ikosa ryo kujya mu bagore ku mugaragaro.

    5 months ago
  • chat_bubble NKOTANYI

    Aliko ubwo kumujyana mu modoka ??? bisobanuyeko yamuhaye akantu kugira ngo aceceke. nabyo yarakwiye kubibazwa.(corruption)

    5 months ago
  • chat_bubble

    Evode ni umukozi ariko agira ingeso yo guhubuka

    5 months ago
  • chat_bubble mwizerwa

    Kagame amufasheeee

    5 months ago
  • chat_bubble

    Ndibazina was minister ariko ndi namugenzi wa security ubwo rero buri wese agomba kubaha akazi buri wese ashinzwe kuko kamubeshejeho .

    5 months ago
  • chat_bubble karani

    Aliko uyu muyobozi afite uburere bugerwa kumashyi :ninde wasebeje musenyeri muruhame ni Evode,ninde watutse umukozi wa star time ni Evode ,ninde wateye ibyondo abagenzi ni Evode ,ninde wakubise umusecurite ni Evode.ibibintu birakabije pe.

    5 months ago
  • chat_bubble gakuba

    Mbere yo kuba Mnst Uwizeyimana nu muntu.nkabandi ushobora kwibeshya ushobora kugwa mwikosa nkabandi ikinanira abantu benshi nukihana no gusaba imbabazi ntampamvu yo gutuma abantu bamucira.urubanza kandi we yakoze ibitunanira akiyoroshya agasaba imbabazi uwo yakoreye ikosa umuntu numuntu amakosa abaho kuyakosora nibyo bigomba kubaho

    5 months ago
  • chat_bubble gakuba

    Mbere yo kuba Mnst Uwizeyimana nu muntu.nkabandi ushobora kwibeshya ushobora kugwa mwikosa nkabandi ikinanira abantu benshi nukihana no gusaba imbabazi ntampamvu yo gutuma abantu bamucira.urubanza kandi we yakoze ibitunanira akiyoroshya agasaba imbabazi uwo yakoreye ikosa umuntu numuntu amakosa abaho kuyakosora nibyo bigomba kubaho

    5 months ago
  • chat_bubble Ivan

    Oya rwose yakoze amakosa ntagaciro yihaye nkumunyarwanda kd uyoboye abandi mubuyobozi the agaciro ictubahiro

    5 months ago
  • chat_bubble

    Ndabashimira kubw’iyo nkuru mwakoze, niba ari impamo baratangaje. ariko mbabaza niba mbere yo gusaba imbabazi hari icyakozwe kuri Evo cg se rubanda rugufi duhore twiteguye kurenganwa n’abakomeye tubyakire dutyo ? nk’umuntu uzi amategeko aho yabikoreye muruhame yagombye no gusaba imbabazi muruhame.

    5 months ago
  • chat_bubble Fayi

    Uyu Muyobozi ngo ni Evode nawe yarananiranye, ahorana guhubuka ameze nk’umwana utararezwe neza, President afite ingorane muri Gouvernement ye afitemo abantu badashobotse bataniyubaha nk’uyu ni urugero rufatika rw’abishongora.

    5 months ago
  • chat_bubble kamizikunze mahoro

    Igikorwa cyo gusaba imbabazi ni indangagaciro y’umunyarwanda uyu muyobozi yumviye umutimanama we,iyabaga buri muntu yahiraga umuco wo gusaba imbabazi ku ikosa yakoreye indi isi yaba paradizo

    5 months ago
  • chat_bubble Fayi

    Uyu Muyobozi ngo ni Evode nawe yarananiranye, ahorana guhubuka ameze nk’umwana utararezwe neza, President afite ingorane muri Gouvernement ye afitemo abantu badashobotse bataniyubaha nk’uyu ni urugero rufatika rw’abishongora.

    5 months ago
  • chat_bubble justin habimana

    Twizere ko ntawatinyuka guhana Evode kuko guhutaza umugore umwe no kunyereza za miliyari, icyaha cyoroshye ni uguhutaza umuntu umwe! Kuko abanyereza imari ya Leta bahorana fully impunity!! na Evode rwose ramba sugira sagamba!! Gusa ngo si ubwambere uhohotera abantu mu ruhame nuko gusa uri hejuru y’Itegeko nshinga!!! Allelua, Amen!

    5 months ago
  • 1 | 2

Inzindi nkuru

Abantu 42 banduye Coronavirus mu Rwanda abandi 12 barayikira

Uyu munsi tariki ya 10 Nyakanga 2020, habonetse abanduye Coronavirus bashya...
10 July 2020 Yasuwe: 1596 0

Kigali: Imwe mu midugudu yari muri Guma mu rugo kubera COVID-19...

Minisiteri y’Ubutegetsi bw’Igihugu [MINALOC] yatangaje ko yakuye muri gahunda...
10 July 2020 Yasuwe: 1379 0

Perezida Kagame yavuze ku ifunguro akunda n’ukuntu ajya asiba amafunguro ya...

Nyakubahwa Perezida wa Repubulika,Paul Kagame yavuze ko atagira ibyokurya...
10 July 2020 Yasuwe: 5647 0

Zawadi na Mugenzi bahishuye uburyo umugabo udatera akabariro aheranwa...

Umutoni Zawadi wize amashuri makuru mu gihugu cya Cameroon aminuriza mu...
10 July 2020 Yasuwe: 3351 1

Habonetse abarwayi 16 ba Coronavirus mu Rwanda hakira abantu...

Kuri uyu wa Kane tariki ya 09 Nyakanga 2020,mu Rwanda habonetse abarwayi...
9 July 2020 Yasuwe: 1181 0

COVID-19:Umuryango nyarwanda uharanira uburenganzira bwa muntu wishimiye...

Umuryango nyarwanda utari uwa Leta uharanira Uburenganzira bwa Muntu...
9 July 2020 Yasuwe: 245 0