addresiya
Kigali
startimes

Minisitiri Shyaka Anastase wa MINALOC yatangaje uko ubufasha Leta yageneye abaturage batishoboye buratangwa

Amakuru   Yanditswe na: Dusingizimana Remy 28 March 2020 Yasuwe: 2791

Nyuma y’aho Perezida wa Repubulika,Paul Kagame, atangaje ko hagiye kwihutishwa uburyo bwo gufasha abagizweho ingaruka n’ingamba za Leta zo kwirinda ikwirakwizwa rya Coronavirus,ibiribwa birimo Umuceri,akawunga,makaroni, ifu y’igikoma,amasabune,n’ibindi,byaraye bigeze hirya no hino.



Minisitiri w’Ubutegetsi bw’Igihugu,Prof.Anastase Shyaka yatangaje gahunda y’uko ibi byokurya byo kugoboka abaturage batishoboye iri buze gutangwa mu butumwa yanyujije ku rubuga rwe rwa Twitter.

Yagize ati “Uko Leta itanga ubufasha ku batishoboye muri ibi bihe duhanganye na #COVID19 : 1.

Haratangwa iki? Turatanga ibiribwa n’ibindi bikoresho by’ ibanze;

2. Biratangwa nande? Bitangwa na Komite ziri ku Mudugugudu no ku Kagari; iz’umurenge zikazunganira.

3. Biratangirwa he? Biratangwa bite?Turabitanga urugo ku rundi, bityo tunubahirize ingamba zo kwirinda koronavirusi. Turifashisha kandi ba Mutwarasibo, dore ko banazi ingo z’abagenerwabikorwa. Aho bikenewe bunganirwa n’izindi nyangamugayo zituye aho.Ibyakiriwe biremezwa.

4. Ubufasha bwa Leta busanzwe buhabwa abatishoboye (nka VUP), burakomeza kandi bwihutishwe.

5. Abaturage bashaka ubwabo kugoboka abandi, barabimenyesha ubuyobozi bw’ ibanze bubegereye kugira ngo twirinde akajagari n’akavuyo! Za komite zavuzwe ni zo zibigeza ku bo bigenewe.”

Perezida Kagame yavuze ko nubwo ibi bihe bitoroshye ndetse byahungabinyije imibereho y’abanyarwanda ariko Leta igiye gukora ibishoboka byose kugira ngo uburyo bwo gufasha abababaye bwihute.

Ati “Tuzi neza ko ibi bihe bitoroshye,byahungabanyije imibereho y’abanyarwanda benshi ndetse mu gihugu hose.Turabasaba ko mwihangana.Turatera intambwe nziza ntabwo dukwiye gutezuka.Leta izakomeza gukora ibishoboka byose ngo ifashe abanyarwanda muri ibi bihe bitoroshye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

IFOTO Y’UMUNSI: Umugenzi yaciye ibintu kubera ukuntu yahoberanye ubwuzu Moto...

Ku mbuga nkoranyambaga zitandukanye hakwirakwiriye ifoto y’umugenzi...
3 June 2020 Yasuwe: 3815 0

Umupolisikazi yabaye umunyarwanda wa kabiri wahitanwe n’icyorezo cya...

Umuntu wa kabiri yishwe na COVID19 mu Rwanda. Ni umupolisi wari waragiye mu...
3 June 2020 Yasuwe: 3302 1

Abadipolomate 2 b’Ububiligi basubiye iwabo kubera igikorwa bakoze...

Abadipolomate 2 b’Ababiligi basubijwe iwabo nyuma yo gutegura umuhango wo...
2 June 2020 Yasuwe: 2513 0

Hashyizweho ikoranabuhanga rihanitse rizakumira abashoferi batwara amakamyo...

Ibihugu bihuriye mu muryango wa Africa y’uburasirazuba byamaze kwemeranywa...
2 June 2020 Yasuwe: 1533 0

Abantu barindwi banduye Coronavirus mu Rwanda, batandatu barayikira kuri...

Minisiteri y’ubuzima yatangaje ko uyu munsi tariki ya 01 Kamena 2020, mu...
1 June 2020 Yasuwe: 1155 0

Rusizi: Abaturage bahiye ubwoba nyuma y’abantu 5 basanganwe Covid-19 muri...

Abaturage bo mu karere ka Rusizi batangaje ko bahiye ubwoba nyuma yo...
1 June 2020 Yasuwe: 2126 0