addresiya
Kigali
startimes

Munyengango umusaza w’imyaka 102 wasezeranye kubana akaramata na Nyirarugwiza bamaranye imyaka 45 babana amafoto yabo akomeje guca ibintu ku mbuga nkoranyambaga[AMAFOTO]

Amakuru   Yanditswe na: Martin Munezero 2 May 2019 Yasuwe: 4080

Umusaza w’imyaka 102 witwa Munyengango Berckmas yasezeranye kubana akaramata na Nyirarugwiza Rose w’imyaka 75 bamaze igihe kirekire babana nk’umugabo n’umugore.



Ubukwe bw’akataraboneka bw’aba bombi bwabereye mu Murenge wa Kageyo mu Karere ka Gatsibo ku wa 27 Mata 2019. Umukwe n’umugeni bari bagaragiwe n’abantu batandukanye biganjemo inshuti n’abagize imiryango ya bombi.

Basezeraniye hafi y’aho batuye mu gasanteri ka Kabacuzi bitewe nuko umusaza ageze mu zabukuru ndetse atorohorerwa no gukora ingendo ndende kubera uburwayi butuma agendera ku kabando.

Isezerano ryabo ryahamijwe na Padiri mukuru wa Paruwasi ya Nyagahanga muri Diyosezi ya Byumba, Nshimiyimana Deogratias.

Marraine waherekeje Nyirarugwiza yari mu kigero kimwe n’abuzukuru be, ikintu cyashimishije benshi kuba uyu muryango wafashe icyemezo cyo gusezerana ugeze mu zabukuru.

Munyengango mu kiganiro yagiranye n’ Igihe dukesha iyi nkuru yavuze ko yahisemo gusezerana imbere y’Imana n’uwo yihebeye kuko yifuza ‘gusaza ndi umuntu w’Imana no guha agaciro umugore wanjye.’

Munyengango yasezeranye na Nyirarugwiza bamaranye imyaka irenga 45 babana. Batuye mu Mudugudu wa Kabacuzi, Akagari ka Gituza mu Murenga wa Kageyo muri Gatsibo.

Abaturanyi b’uyu muryango bishimiye kubona Munyengango ahamya kubana no gusazana n’umugore we Nyirarugwiza ndetse ibirori byabo byitabiriwe n’abantu benshi. Bwitabiriwe n’abarimo ababyeyi baserutse bambaye ingori, banakenyeye bya Kinyarwanda.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble gatare

    Ni bake cyane bageza ku myaka 100 (Centenarians).Abantu bayigezaho kenshi ni aba Japanese.
    Impamvu twese dusaza kandi tugapfa,nuko duturuka kuli DNA/ADN ya Adamu yanduye amaze gukora icyaha.Ariko nk’abakristu,tujye twemera tudashidikanya ko abantu bose bapfa bumviraga Imana,ntibibere mu byisi gusa,ahubwo bagashaka n’Imana bakiriho nkuko Yesu yadusabye,azabazura ku munsi wa nyuma akabaha ubuzima bw’iteka muli Paradizo.Ni Yesu ubwe wabivuze muli Yohana 6,umurongo wa 40.Muli Matayo 6 umurongo wa 33,Yesu yasize adusabye “gushaka mbere na mbere ubwami bw’Imana”.Aho kutabyemera cyangwa gushidikanya,dukore kugirango tubeho,tubifatanye no gushaka Imana kugirango izatuzure kuli uwo munsi utari kure.Ntabwo iyo dupfuye tuba twitabye Imana nkuko benshi bavuga.Siko bible ivuga.Ahubwo abumvira Imana izabazura kuli uwo munsi.Abakora ibyo Imana itubuza,kimwe n’abibera mu byisi gusa,Bible yerekana ko batazazuka.

    June 2019

Inzindi nkuru

Abadipolomate 2 b’Ububiligi basubiye iwabo kubera igikorwa bakoze...

Abadipolomate 2 b’Ababiligi basubijwe iwabo nyuma yo gutegura umuhango wo...
2 June 2020 Yasuwe: 2199 0

Hashyizweho ikoranabuhanga rihanitse rizakumira abashoferi batwara amakamyo...

Ibihugu bihuriye mu muryango wa Africa y’uburasirazuba byamaze kwemeranywa...
2 June 2020 Yasuwe: 1332 0

Abantu barindwi banduye Coronavirus mu Rwanda, batandatu barayikira kuri...

Minisiteri y’ubuzima yatangaje ko uyu munsi tariki ya 01 Kamena 2020, mu...
1 June 2020 Yasuwe: 1131 0

Rusizi: Abaturage bahiye ubwoba nyuma y’abantu 5 basanganwe Covid-19 muri...

Abaturage bo mu karere ka Rusizi batangaje ko bahiye ubwoba nyuma yo...
1 June 2020 Yasuwe: 2076 0

Abaraye muri Gare ya Nyabugogo bategereje gutaha iwabo bababajwe nuko...

Abaturage benshi baraye muri gare ya Nyabugogo abandi bazinduka mu gicuku...
1 June 2020 Yasuwe: 3497 0

Umuntu wa mbere wahitanywe na Coronavirus mu Rwanda yashyinguwe mu buryo...

Ku isaha ya saa cyenda z’amanywa , nibwo umurambo wa Gisaka Hassan...
1 June 2020 Yasuwe: 4526 0