Kigali

Musanze:Abaturage bakubise Dasso wababwiraga kubahiriza amabwiriza yo kwirinda Coronavirus

Amakuru   Yanditswe na: Martin Munezero 26 March 2020 Yasuwe: 4613

Umukozi w’Urwego rwunganira akarere mu by’umutekano (DASSO) wo mu Karere ka Musanze, Maniriho Martin, yakomerekejwe n’abaturage ubwo yabasangaga mu gasantere akabasaba gusubira mu ngo zabo, mu rwego rwo kubahiriza amabwiriza ya Leta hagamijwe kwirinda icyorezo cya Coronavirus.



Maniriho Martin yakubiswe ubwo yarimo abwira abaturage kubahiriza amabwiriza yo kwirinda Coronavirus.

Byabaye ku mugoroba wo ku itariki 25 Gashyantare 2020 mu gasantere kitwa ku Ngagi, mu Murenge wa Cyuve, mu Karere ka Musanze, gakunze kugaragaramo umubare munini w’abaturage mu masaha y’umugoroba kubera ubucuruzi bw’inzoga z’amoko anyuranye.

CIP Alexis Rugigana, Umuvugizi wa Polisi mu Ntara y’Amajyaruguru, yabwiye Kigali Today dukesha iyi nkuru ko abo baturage bakubise DASSO ubwo yari abasanze mu gasantere ababuza gufungura amazu, abasaba kujya mu ngo zabo.



Agira ati “Ahitwa mu Gashangiro mu Murenge wa Cyuve, hari abakubise DASSO aho yabasabaga kujya mu ngo zabo, ababuza gufungura amazu. Bamwe twabafashe tubashyikiriza RIB kugira ngo bakorerwe idosiye”.

CIP Rugigana yasabye abantu kubahiriza amabwiriza n’amategeko ya Leta, cyane cyane muri ibi bihe igihugu kirimo byo guhangana n’icyorezo cya Coronavirus, avuga ko abakomeza kurenga kuri ayo mabwiriza bafatirwa ibihano.

Ati “Nk’ubu abakubise DASSO ari mu kazi ke ko kubahiriza umutekano, buriya mu gihe icyaha cyabahama bazahanishwa igifungo kiri hejuru y’umwaka kubera ko bakoze urugomo baranamukomeretsa. Abantu bagomba kumva ko kubahiriza amabwiriza n’amategeko ari ingenzi kugira ngo dufatanyirize hamwe gukumira Coronavirus”.

CIP Rugigana yavuze ko DASSO Maniriho Maritin ubu nta kibazo gikomeye afite kuko abaganga bamuhaye ubufasha.



Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Hatangiye gutangwa ibyokurya ku miryango itishoboye igowe n’ingamba zo...

Leta y’u Rwanda yatangiye gutanga ibiribwa n’ibindi bikoresho by’ibanze ku...
28 March 2020 Yasuwe: 3424 0

Minisitiri Shyaka Anastase wa MINALOC yatangaje uko ubufasha Leta yageneye...

Nyuma y’aho Perezida wa Repubulika,Paul Kagame, atangaje ko hagiye...
28 March 2020 Yasuwe: 2444 0

IFOTO Y’UMUNSI: Umucuruzi w’I Musanze yakoze benshi ku mutima kubera uburyo...

Umucuruzi witwa David Kwizera ukorera mu mujyi wa Byangabo mu murenge wa...
27 March 2020 Yasuwe: 18899 0

Nyarugenge: Abagiraneza bishyize hamwe bagoboka imiryango 20 yari igowe no...

Bamwe mu bagore bo mu karere ka Nyarugenge bihurije hamwe imbaraga bagoboka...
27 March 2020 Yasuwe: 3466 0

Impamvu abantu benshi barwaye Covid-19 mu Rwanda baturutse I...

U Rwanda rumaze kugira abantu 50 bamaze kwandura coronavirus mu gihugu aho...
27 March 2020 Yasuwe: 4076 0

Covid-19:Min Prof. Shyaka Anastase yagaragaje ibyiyumviro bye ku bana bo mu...

Hagamijwe kwirinda ikwirakwizwa ry’icyorezo cya Coronavirusi, Minisitiri...
27 March 2020 Yasuwe: 2897 0