startimes
Kigali
startimes

Musanze: Imvura idasanzwe yarituye umusozi wasenye amazu 13 yo mu mirenge 2

Amakuru   Yanditswe na: Dusingizimana Remy 5 December 2019 Yasuwe: 3397

Amazu 13 yo mu mirenge ya Muko na Kimonyi mu karere ka Musanze yasenywe n’umusozi munini warituwe n’imvura idasanzwe yaguye mu ijoro ryo kuri uyu wa 4 rishyira ku wa 5 Ukuboza 2019.


Sponsored Ad


Iyi mvura idasanzwe yaguye mu karere ka Musanze yateye inkangu ikomeye yasenye amazu inangiza imyaka y’ abaturage.

Abaturage bo muri iyi mirenge bavuga ko uwo musozi waridutse mu gicuku saa saba, barara bahagaze, gusa ku bw’ amahirwe nta muturage wahasize ubuzima nubwo hasenyutse amazu 13.

Abakuwe mu byabo n’ iyi nkangu barasaba guhabwa ubutabazi bw’ ibanze kuko ibikoresho byabo byose byangijwe n’ iyi nkangu yanabangirije imyaka bari bafite mu mirima.

Umwe muri bo yagize ati “Twasaba ubuyobozi kugira ngo twe dutuye mu manegeka barebe ahantu batwerekeza, kuko nk’ ubu kugera izi saha hari andi mazu yitse, bareba ahantu badushyira bakadutuza nko mu mudugudu”.

Kazungu Mugabo Cyprien, Umukozi w’ akarere ka Musanze ushinzwe imiyoborere myiza yabwiye RBA ko barimo kubarura ibyangijwe n’ iyi nkangu byose. Avuga ko abadafite aho bakinga umusaya baracumbikirwa na bagenzi babo nk’ uko bisanzwe mu muco nyarwanda.

Yagize ati “Nk’ ubuyobozi bw’ akarere mpagarariye twasabye ubuyobozi bw’ umurenge wa Muko n’ umurenge wa Kimonyi kugira ngo babarure byihuse ibyangiritse ariko nk’ uko bisanzwe mu muco nyarwanda abaturage baracumbikirwa na bagenzi babo. Abadafite ubushobozi bwo gukodesha akarere kafatanya n’ umurenge kugira ngo babakodeshereze mu gihe batabona aho batura”.

Igikorwa cyo kubarurwa ibyangijwe n’ iyi nkongi ntabwo kirarangira gusa magingo aya ibimaze kubarurwa byagijwe n’ iyi nkangu bifite agaciro ka miliyoni 17.

Abahanga mu by’ ubumenyi bw’ ikirere barabura ibihugu byo mu karere u Rwanda ruherereyemo birimo Kenya, Uganda n’ u Burundi ko bigiye kugusha imvura nyinshi izateza imyuzure.

Source: UKWEZI.RW

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kamali Karegesa wakoraga mu Bunyamabanga bwa FPR-Inkotanyi yahitanywe...

Umuryango FPR Inkotanyi watangaje ko Kamali Karegesa wigeze kuba...
11 August 2020 Yasuwe: 1434 0

Covid-19: Hakize abantu 46 mu Rwanda handura abandi 12

Kuri uyu wa Mbere tariki ya 10 Kanama 2020,mu Rwanda habonetse abantu...
10 August 2020 Yasuwe: 981 0

Gusiganwa n’isaha yo gutaha ya saa tatu byateje impanuka zahitanye abantu...

Polisi y’u Rwanda itangaza ko muri iki cyumweru dusoza, ahanini ngo...
10 August 2020 Yasuwe: 7404 2

Umusaza w’imyaka 77 yabaye umuntu wa 7 wahitanwe na Coronavirus mu...

Bwa mbere kuva icyorezo cya Covid-19 kigeze mu Rwanda kuwa 14 Werurwe 2020,...
9 August 2020 Yasuwe: 2329 0

Kigali:Amasibo 4 muri Kicukiro yakuwe muri Guma mu rugo imidugudu 3 ya...

Minisiteri y’Ubutegetsi bw’Igihugu yakuye muri gahunda ya Guma mu Rugo...
9 August 2020 Yasuwe: 458 0

Rwamagana:Umugore yapfiriye mu buvumo yari yagiye gusengeramo...

Mu gitondo cyo ku munsi w’ejo tariki ya 8 Kanama 2020 ahagana saa mbiri za...
9 August 2020 Yasuwe: 3760 0