Kigali

Njya nifuza ko uyu mwanya mwampaye ubutaha wazatwarwa n’umugore-Perezida Kagame

Amakuru   Yanditswe na: Dusingizimana Remy 19 December 2019 Yasuwe: 2927

Nyakubahwa perezida Kagame yatangaje ko yishimiye intambwe ikomeye imaze kugerwaho mu buringanire kuko ibyo rumaze kugeraho bipimirwa ku rwego rw’isi anaboneraho gutangaza ko yifuza ko uwamusimbura ku buyobozi yazaba ari umugore.



Mu ijambo rye atangiza ku mugaragaro inama y’umushyikirano ya 17,Perezida Kagame yasabye abagore bateye imbere kurushaho gufatanya n’abagabo guteza imbere igihugu ndetse avuga ko kubera intambwe imaze kugerwaho mu buringanire yifuza ko uwamusimbura yazaba umugore.

Yagize ati “Intambwe ya mbere tumaze gutera ishimishije nuko mu buzima bwacu,u Rwanda ibyo rukora cyangwa rumaze kugeraho bisigaye bipimirwa ku rwego rw’isi.Ntabwo bikiri bya bindi byo kuzunguruka hagati aha ngaha gusa byarangiza,abantu bakiruka hagati aha barangiza bakazengerezwa bakicara hasi.Ntabwo ariko bikimeze.

Mwabonye muri iyi minsi ibijyanye n’uburinganire.Abagore n’abagabo ku isi yose mu bihugu ijana na mirongo turi mu ba mbere 10 ku isi.Mu byukuri hari aho abantu bagera bakarambirwa u Rwanda bagashaka kurugabanyiriza aho rukwiriye kuba ruri.Ubundi twagakwiriye kuba turi mu ba mbere 5,ariko badushyize mu ba mbere 10 .Kugira ngo tugere mu ba mbere 5 haracyari akazi dushobora gukora.Nta kibazo kutwibutsa ko hari akazi tugomba gukora tukagakora.Twari aba 6 ubu dusigaye turi 9 ariko birashoboka ko twakomeza.



Iyo politiki tumaze imyaka dukora,twayikoze tuyemera kandi biragaragara ko ifite umusaruro kandi bigaragarira n’abandi mu bipimo bakoresha iyo politiki.

Dukore n’ibindi tuzamuke tuve mu ba mbere 10 tugere muri 5.Abadamu dufatanyije n’abagabo.Abadamu ariko bamaze kugira aho bagera,mwongeremo umuvuduko,dufatanye yaba mu bucuruzi,mu buyobozi,Ubutabera,abashinzwe umutekano,abashinzwe byose.Mube muhari.

Nifuza rimwe ko uyu mwanya mwampaye,ubukurikira uzatwarwe n’umugore .Abagabo bari hano niba ndi bubakire simbizi ariko nabo wasanga aribyo bashaka.”



Nyakubahwa perezida wa Repubulika,Paul Kagame,yavuze ko igihugu kimeze neza mu ngeri zitandukanye ariko hakwiriye gushyirwamo ingufu kuko hakiri akazi kenshi ko gukora ngo igihugu gikumeze kuba mu bya mbere ku isi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Rusizi: Abana babiri barohamye mu Kivu ubwo bari bavuye gushaka...

Abana babiri b’imyaka 12 barimo uwitwa Bibwireyesu Joram n’Umuhire Alexis,...
5 April 2020 Yasuwe: 965 0

Gasabo:Abayobozi b’umudugudu wa Ndera 2 bafunzwe bazira kunyereza ibyokurya...

Urwego rw’igihugu rw’ubugenzacyaha RIB rwataye muri yombi umuyobozi...
5 April 2020 Yasuwe: 894 0

Abanduye Coronavirus mu Rwanda babaye 102…Kuri uyu wa Gatandatu habonetse...

Minisiteri y’Ubuzima yatangaje ko kuri uyu wa Gatandatu hagaragaye abantu 13...
4 April 2020 Yasuwe: 1300 0

Karongi: Abadivantiste bakijijwe 65 bafashwe bari gusengera mu cyumba banga...

Kuri uyu wa Gatandatu tariki ya 04 Mata 2020,Abadivantiste bavuguruye bo mu...
4 April 2020 Yasuwe: 3334 4

Ruhango:Umugabo yagerageje kwiyahura kubera kubura icyo agaburira umuryango...

Umugabo witwa Ndabasanze Felicien yatangaje ko mu minsi ishize yafashe...
4 April 2020 Yasuwe: 7195 0

Abanduye Coronavirus mu Rwanda babaye 89…Habonetse abantu 5 kuri uyu wa...

Kuri uyu wa Gatanu tariki ya 03 Mata 2020,Minisiteri y’Ubuzima yatangaje ko...
3 April 2020 Yasuwe: 2197 0