Kigali

Nyamagabe: Umuvu w’amazi wishe abantu 5 wasanze bari gusengera mu buvumo

Amakuru   Yanditswe na: Dusingizimana Remy 6 March 2020 Yasuwe: 6064

Abantu 11 basengeraga rwihishwa mu buvumo,batewe n’umuvu ukaze w’amazi y’imvura yaraye iguye bituma abagera kuri 5 bahasiga ubuzima mu gihe 6 aribo babashije kuvamo ari bazima.



Mu ijoro ryakeye,nibwo mu karere ka Nyamagabe haguye imvura nyinshi yateye uyu muvu mwinshi gusanga aba bantu muri ubu buvumo bari bari gusengeramo bituma abagera kuri batanu bahita bapfa.

Umuvugizi wa Polisi y’ u Rwanda mu Ntara y’ Amajyepfo CIP Twajamahoro yemeje aya makuru y’urupfu rw’aba bantu.

Yagize ati “Ayo makuru niyo, polisi irimo gushakisha imirambo. Hamaze kuboneka imirambo ibiri indi ntabwo iraboneka”.



Ababashije gusohoka muri ubu buvumo nibo bavuze ko bari 11, ndetse ko ubwo amazi yinjiraga muri ubu buvumo bo babashije gusohokamo bagenzi babo batanu baheramo.

Amakuru avuga ko aba bantu basengeraga muri ubu buvumo rwihishwa basanzwe basengera muri EAR ya Kirambi mu Karere ka Nyanza. Abapfuye bose uko ari batanu bakomoka mu Karere ka Nyanza.

Ibi byago byaraye bibereye mu Murenge wa Cyanika mu Mudugudu wa Kamuhirwa, Akagari ka Ngoma mu mvura yaguye ku mugoroba mu masaha ya 18h00’.



Abaguye muri ubu buvumo ni:

1. Munyengabe Anastase w’imyaka 25 y’amavuko,
2. Havugimana Jean Laurent w’imyaka 28
3. Mukeshimana Jeannette w’imyaka 24, n’umwana we Irakoze Dro Bella w’umwaka umwe

5. Mukamazera Verdianne w’imyaka 70.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Havugimana Theophile

    ARIKO mumuryango muge muba professionals nibyo ibyago byabaye ariko se nk’iyi foto yubuvumo mwagaragaje niho habereye ikibazo? Ahantu harimo n’amashanyarazi?, bigaragaza ko inkuru zanyu muzifata mu magambo ariko ntimujye ahari inkuru. Nyamagabe nta buvumo bumeze kuriya buhari

    3 weeks ago
  • chat_bubble kimonyo

    Bene wabo nibihangane.Gusa abantu benshi bazira UBUJIJI.Aho wasengera Imana hose,irakumva.Hariya mu Buvumo,ushobora gusangamo INZOKA ikakurya ugapfa.Gusa ntaho bitaniye no kujya gusengera I Maka cyangwa I Kibeho.Urugero,Abaslamu bavuga ko ugiye gusengera I Maka aba ari intangarugero mu kwemera Imana.Ngo ugiye i Maka,ahanagurwaho ibyaha byose yakoze.Ngo uramutse upfiriyeyo,uhita ujya mu ijuru.Murumva ko byose ari ubuyobe,wibeshya ko Imana ikwemera.

    3 weeks ago
  • chat_bubble Menyimana

    Ariko rwose abanyamadini babwije ukuri abayoboke babo bakareka ibikorwa byubujiji barimo.
    ubwose aba nabo bahowe Imana?
    Abana bato kuriya koko?

    3 weeks ago

Inzindi nkuru

Ngororero:Umugabo ushinjwa kwigomeka ku buyobozi yafashwe ari gukoresha...

Umugabo witwa Rimenyande Jean Damascene w’imyaka 36 wo mu Murenge wa...
31 March 2020 Yasuwe: 4623 0

Nyabihu: Inkuba yakubise ababaji babiri bahasiga ubuzima

Abagabo 2 bakoraga akazi k’ububaji basanzwe bapfuye, kuri uyu wa Mbere...
31 March 2020 Yasuwe: 1903 0

Manchester United yiyemeje gushora miliyoni 135 z’amapawundi ku mukinnyi...

Ikipe ya Manchester United yatangiye gutekereza uko yaziyubaka mu mwaka...
30 March 2020 Yasuwe: 3193 0

Covid-19:Umuryango nyarwanda uharanira uburenganzira bwa muntu wagobotse...

Umuryango nyarwanda utari uwa Leta uharanira Uburenganzira bwa Muntu...
30 March 2020 Yasuwe: 1358 0

Abanyarwanda basabwe kwirinda gukoresha imiti aho itagenewe bagerageza...

Ikigo gishinzwe kugenzura ibiribwa n’imiti mu Rwanda (FDA) kibwira abaturage...
30 March 2020 Yasuwe: 890 0

Umuti ufasha abanduye Coronavirus ugiye kugeragerezwa mu Rwanda

Ubuyobozi bw’Ikigo gishinzwe kugenzura Ibiribwa n’Imiti mu Rwanda, Rwanda...
30 March 2020 Yasuwe: 13074 12