skol
Kigali
startimes

Nyamasheke: Umugabo yagiye kwiba itaka mu kirombe kiramugwira arapfa

Amakuru   Yanditswe na: Dusingizimana Remy 26 October 2020 Yasuwe: 972

Umugabo witwa Fatisuka Jean Pierre wari utuye mu Mudugudu wa Mutusa mu Kagari ka Rwesero mu Murenge wa Kagano, mu karere ka Nyamasheke,yagiye gucukura itaka aryibye kuko bitemewe maze agira ibyago ikirombe kiramugwira kiramutaba akurwamo n’abandi baturage yapfuye.


Ibi byabaye kuri uyu wa Mbere tariki ya 26 Ukwakira mu masaha ya saa tatu zishyira saa yine aho yari agiye gucukura ingwa basiga ku nzu.

Amakuru y’uko aho yaricukuraga haridutse hakamugwaho, yamenywe bwa mbere n’abana bari hafi aho.

Ntakirutimana Éliphas ati “Bampamagaye ngo nze ntabare, abantu benshi dukuraho itaka tuza kumugeraho. Batubwiye ko yari amaze isaha bimugwiriye gusa ntabwo byemewe bacukuraga bibye uwo musaza nyiraho.”

Kagiraneza Simon yunzemo ati “Yaguye mu kirombe kuko yari yagiye gutwara itaka, abana bari hirya bari gukina nibo babimenye.”

Aba baturage bavuga ko nubwo bagize ibyago ariko bibahaye isomo ku buryo batazongera kurenga ku mategeko.

Murekatete Daphrose ati “Nubwo twagize ibyago ariko biduhaye isomo ryo kuhirinda. Twabonye ko nta muntu wemerewe kujyamo adafite ibyangombwa, ni mu rupfu.”

Umunyamabanga Nshingwabikorwa w’Umurenge wa Kagano, Niyitegeka Jérôme, yavuze ko bafashe ingamba zo gusiba uwo mwobo kugira ngo hatazagira abandi bagwamo, asaba n’abaturage kwirinda gucukura muri iki gihe cy’imvura.

Ati “Icyo dusaba abaturage ni ukwitondera ahantu hose hashobora guteza impanuka cyane cyane muri ibi bihe by’imvura kubera ko ubutaka bworoshye. Ni ukuhitondera.”

Fatisuka Jean Pierre w’imyaka 34 asize umugore n’abana babiri, umurambo we wajyanwe ku bitaro bya Kibogora ngo ukorerwe isuzumwa mbere y’uko ushyingurwa.

Inkuru ya IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Kagame yakiriye Irage yahawe n’umubyeyi w’Intwaza uherutse...

Kuri uyu wa Kabiri tariki 24 Ugushyingo 2020, nibwo Umuyobozi w’Umuryango...
24 November 2020 Yasuwe: 2352 0

RBC igiye gutangira gupima COVID-19 ikoresheje imbwa

Ikigo cy’Igihugu cyita ku Buzima (RBC) gitangaza ko mu kwezi kumwe kizaba...
24 November 2020 Yasuwe: 730 0

Abantu 61 banduye Covid-19 mu Rwanda abandi 33 barayikira

Minisiteri y’Ubuzima yatangaje ko uyu munsi tariki ya 23 Ugushyingo 2020,...
23 November 2020 Yasuwe: 1637 0

Polisi y’u Rwanda yashyikirije ya mafaranga Umunyarwandakazi...

Polisi y’u Rwanda uyu munsi yatangaje ko yashyikirije amafaranga yatoraguwe...
23 November 2020 Yasuwe: 4220 1

Burera: Umugabo yiyahuye kubera kubana nabi n’umugore we asiga ibaruwa igira...

Umugabo witwa Twizerimana Innocent wari usanzwe ari umwarimu ku ishuri...
23 November 2020 Yasuwe: 5586 1

Covid-19 yahitanye umuntu wa 47 mu Rwanda abandi 45 barayandura

Minisiteri y’Ubuzima yatangaje ko uyu munsi tariki ya 22 Ugushyingo...
22 November 2020 Yasuwe: 1432 0