Kigali
startimes

Nyamasheke: Umukingo wagwiriye inzu abantu 4 muri 11 bari bayirimo bahasiga ubuzima

Amakuru   Yanditswe na: Dusingizimana Remy 4 December 2019 Yasuwe: 1997

Mu ijoro ryo kuri uyu wa 3 Ukuboza 2019, mu mudugudu wa Mugohe,akagari ka Kabuga mu murenge wa Karambi, Akarere ka Nyamasheke,inzu yagwiriwe n’umukingo abari bayirimo urabarengera biviramo abantu 4 kuhasiga ubuzima.



Ibi byabaye saa moya n’igice z’umugoroba,ubwo abakirisitu b’itorero Méthodiste Libre bari baje gusengera muri iyi nzu ari itsinda ry’abantu 15, batandatu bo bakaba ngo bari bamaze gutaha.

Abatabazi babakuyemo basanga umwana w’imyaka 2.5 y’amavuko yamaze kwitaba Imana, abandi 3 bagwa mu bitaro bya Kibogora.

Imirambo yabo yose ikaba yaraye mu buruhukiro bw’ibitaro bya Kibogora, abandi 6 basigaye bari kwitabwaho n’abaganga.

Nk’uko Bwiza.com dukesha iyi nkuru yabitangarijwe n’Umunyamabanga Nshingwabikorwa w’Akagari ka Kabuga byabereyemo witwa Ntihemuka Elias, yavuze ko aba bantu 9 bagwiriwe n’uwo mukingo ubwo bari mu cyumba cy’uruganiriro rw’inzu ya Mukashema Immaculée. Wasenye kandi n’icyumba abana bararagamo gusa ku bw’amahirwe bari mu gikoni.

Hari abandi 2 barimo Mukashema bari mu kindi cyumba ariko cyo nticyagwiriweho n’uyu mukingo, gusa umwe muri bo ubwo yahungaga asohoka, itafari ryamuguye ku mutwe. Mukashema we yagize ihungabana, ajyanwa ku kigo nderabuzima cya Gatare kugira ngo yitabweho.

Abitabye Imana ni uwo mwana w’imyaka 2.5 y’amavuko witwa Uzayisenga Germaine, Nyirigira Judith w’imyaka 45, Nyirakamana Julienne w’imyaka 70 na Kabanyana Elina w’imyaka 65.

Umuyobozi w’akarere ka Nyamasheke, Mukamasabo Appolonie yatangarije Bwiza.com ko bababajwe cyane n’urwo rupfu.

Imvura yabahitanye ngo ikaba yari yatangiye kugwa mu ma saa kumi n’ebyiri y’umugoroba. Ashima abaturage bahise batabara bagakura abaturage muri icyo gitengu cyari cyabarengeye bakagira abo barokoramo, bakabageza no ku bitaro bya Kibogora aho bakomeje kwitabwaho n’abaganga gusa muri bo, umugore umwe ni we wakomeretse mu mutwe, abandi nta bikomere bagaragaza.

Ubu abayobozi bari kuganira n’abaturage babihanganisha ndetse banategura uburyo bazashyingura ba nyakwigendera.

Imvura iri kugwa ari nyinshi cyane muri aka karere ku buryo hari n’amazu 4 iherutse kwangiza mu murenge wa Macuba, ikaba imaze no kwangiza imihanda mu duce twinshi tw’aka karere ku buryo mu mirenge nk’uyu wa Karambi, Cyato na Rangiro ubuhahirane hagati y’abaturage bwatangiye kuba ikibazo gikomeye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Utugari tumwe two muri Nyamasheke na Nyamagabe twasubijwe muri gahunda ya...

Minisiteri y’Ubutegetsi bw’Igihugu (MINALOC) yatangaje ko kubera icyorezo cya...
14 July 2020 Yasuwe: 1422 0

Habonetse abarwayi 38 ba Coronavirus bashya mu Rwanda hakira...

Kuri uyu wa Kabiri tariki ya 14 Nyakanga 2020, abanduye Coronavirus bashya...
14 July 2020 Yasuwe: 1429 1

Habonetse abantu 48 banduye Coronavirus mu Rwanda hakira 26

Uyu munsi tariki ya 13 Nyakanga 2020,abanduye Coronavirus bashya mu Rwanda...
13 July 2020 Yasuwe: 1781 1

Habonetse abantu 38 banduye Coronavirus mu Rwanda hakira abandi...

Uyu munsi tariki ya 12 Nyakanga 2020, abanduye Coronavirus mu Rwanda...
12 July 2020 Yasuwe: 1591 0

Covid-19 yahitanye umuntu wa Kane mu Rwanda, yari umusaza w’imyaka...

Uyu munsi tariki ya 11 Nyakanga 2020,habonetse undi muntu wa Kane...
11 July 2020 Yasuwe: 12277 0

Abantu 42 banduye Coronavirus mu Rwanda abandi 12 barayikira

Uyu munsi tariki ya 10 Nyakanga 2020, habonetse abanduye Coronavirus bashya...
10 July 2020 Yasuwe: 1712 0