addresiya
Kigali
startimes

Nyarugenge: Abaturage barwanye n’abayobozi bapfa ibyokurya byo gufasha abatishoboye

Amakuru   Yanditswe na: Dusingizimana Remy 8 April 2020 Yasuwe: 6561

Abayobozi n’abaturage bo mu Mudugudu wa Ruhango, Akagari ka Ruliba, Umurenge wa Kigali ho mu Karere ka Nyarugenge, Umujyi wa Kigali, barwanye bapfa ibyokurya Leta yatanze ngo bigoboke abatishoboye bagizweho ingaruka n’ingamba za Guverinoma zo kuguma mu rugo mu rwego rwo kwirinda ikwirakwira rya Coronavirus.



Amakuru aravuga ko umuyobozi w’Umudugudu afatanije n’abashinzwe umutekano barwanye n’abaturage ngo bashakaga kubambura imfashanyo bari bafite ikubiyemo ibyo kurya biza kurangira bafatanye mu mashati bamwe barakomereka.

Ibi byabaye kuri uyu wa Mbere tariki ya 6 Mata 2020, abaturage bavuga ko abayobozi bitwikiriye ijoro kugira ngo banyereze imfashanyo yabo, ari nabyo ngo byaje guteza imvururu kugera ubwo hitabazwaga Polisi ikorera muri aka gace (Mont Kigali).

Abaturage bavuga ko ibi biribwa byatangwaga ahagana saa Mbiri z’ijoro isaha badahuzaho n’ubuyobozi bwo buvuga saa kumi n’ebyiri (18:00) na saa kumi n’Ebyiri n’igice (18:30).

Mu kiganiro aba baturage bagiranye na Bwiza.com dukesha iyi nkuru, abaturage bavuze ko babonye uku kwitwikira ijoro bihatse amanyanga y’abayobozi bari bagamije kunyereza imfashanyo abatishoboye bagenewe muri ibi bihe bikomeye buri Munyarwanda asabwa kuguma mu rugo hirindwa icyorezo cya Coronavirus.

Umuntu umwe utifuje ko amazina ye atangazwa yagize ati "Habaye imirwano induru ziravuga, abaturage batera amabuye ubuyobozi hiyambazwa Polisi ikorera muri aka gace ni uko iraza ifata ibyo biribwa niho byaraye".

Abaturage bavuga ko ibiribwa bihari ariko abayobozi bashaka kubirigisa, ati "Bitwikiriye ijoro kugira ngo babirigise, intonde zirahari abayobozi b’amasibo bakoze Lisiti zijyanwa no ku Kagari ariko biri kuza ntibitangwe n’abayobozi b’amasibo bafatanije na Mudugudu n’abashinzwe irondo kugira ngo babinyereze babihe abo mu miryango yabo".

Undi ati "Ibiribwa byahageze kare birindiriza ijoro, umuyobozi w’umudugudu witwa Emile n’abashinzwe irondo nibo babitangaga, abaturage bigumuye bavuga ngo mwahaye abandi natwe nimuduhe ni uko mudugudu afata umwase atangira gukubita abaturage n’abanyerondo bafatiraho barabakubita, ubu hari abantu bafite ibikomere".

Yakomeje avuga ko hari ibiribwa aba bayobozi bari bahishe nyuma biza kuboneka aho byahiswe. Polisi niyo yaje guhosha iyi mirwano ibaka ibyo byokurya.

Umuyobozi w’Umudugudu wa Ruhango, Habineza Emile ntiyemera ko ibi biribwa byatanzwe n’ijoro ariko akemera ko hari ahagana saa kumi n’Ebyiri n’igice (18:30), ngo n’ubwo bwose haburaga abantu batandatu mu bo bagombaga guha ibi biribwa.

Ati "Ikipe yari iturutse mu isibo twari tuvuyemo yadutangiriye ishaka kutwaka ibyo twari tugiye guha abaturage bo mu yindi sibo, yari irimo abadamu n’abagabo,...batunyanyagiyemo bacakirana n’abanyerondo tugezaho turiruka dore ko hari abanyerondo bari baryamye hasi bakubiswe, amabuye yari menshi baduteraga".

Yakomeje avuga ko yakomeretse hamwe n’abanyerondo batatu, nyuma yo kuzindukira kuri RIB kuri uyu wa Kabiri ngo bakaba basabwe kubanza kujya kwivuza ku Kacyiru. Uyu muyobozi ahakana gukubita abaturage "Nanjye nacikaga njya gutabaza polisi, nta muturage nakubise".

Umuyobozi w’Umurenge wa Kigali, Niyibizi J. Claude avuga ko ari insoresore zasagariye ikipe y’abayobozi bagezaga ibiribwa ku bo byagombaga guhabwa bityo haba akavuyo ku buryo harimo abahakomerekeye.

Ati ’Babateye amabuye umuyobozi w’Umuduguddu baramukomeretsa ariko bitari cyane, Umwe muri izo nsoresore twamufashe ari kuri RIB abandi bahise batoroka, abanyerondo batatu bakomerekejwe bajyanwe kwa muganga,...".

Uyu muyobozi akomeza avuga ko nk’ubuyobozi barimo gushaka uburyo baganira n’aba baturage bo mu Mudugu wa Ruhango kugira ngo bagaragarizwe abo inkunga igomba kugeraho ngo mu gihe hari n’abagaragaza ko bayikeneye kandi bigaragara ko bishoboye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Patapata

    Abo baturage bareke inda nini.Iyo barwanira ibyo kurya bigaragara ko bashyize inda imbere ndetse ubona biteye ubwoba ukibaza niba batakwicana.
    Abo bantu ni danger

    1 month ago
  • chat_bubble nihatari wallhah Imana idufashe kuko inzara yatuma umuntu around kabsa!!

    ntabwo byoroshye inzara nimbi irarya utayiyi yayimbaza wary numwan wumuntu

    1 month ago

Inzindi nkuru

Covid-19:Handuye abantu 13 mu Rwanda hakira abandi 2 kuri uyu wa...

Imibare ya Minisiteri y’Ubuzima yagaragaje ko kuri uyu wa 03 Kamena 2020...
3 June 2020 Yasuwe: 1132 0

Perezida Kagame yitabiriye inama ya OACPS yize ku ngamba zo gukomeza...

Kuri uyu wa Gatatu,tariki ya 03 Kamena 2020, Perezida Kagame yitabiriye...
3 June 2020 Yasuwe: 581 0

IFOTO Y’UMUNSI: Umugenzi yaciye ibintu kubera ukuntu yahoberanye ubwuzu Moto...

Ku mbuga nkoranyambaga zitandukanye hakwirakwiriye ifoto y’umugenzi...
3 June 2020 Yasuwe: 5092 0

Umupolisikazi yabaye umunyarwanda wa kabiri wahitanwe n’icyorezo cya...

Umuntu wa kabiri yishwe na COVID19 mu Rwanda. Ni umupolisi wari waragiye mu...
3 June 2020 Yasuwe: 3587 1

Abadipolomate 2 b’Ububiligi basubiye iwabo kubera igikorwa bakoze...

Abadipolomate 2 b’Ababiligi basubijwe iwabo nyuma yo gutegura umuhango wo...
2 June 2020 Yasuwe: 2551 0

Hashyizweho ikoranabuhanga rihanitse rizakumira abashoferi batwara amakamyo...

Ibihugu bihuriye mu muryango wa Africa y’uburasirazuba byamaze kwemeranywa...
2 June 2020 Yasuwe: 1551 0