Kigali
startimes

RBC ihangayikishijwe nuko mu barwayi 6 babonetse mu mujyi wa Kigali harimo abamotari 2

Amakuru   Yanditswe na: 22 June 2020 Yasuwe: 454

Umuyobozi w’Ikigo cy’Igihugu gishinzwe ubuzima (RBC), Dr. Sabin Nsanzimana yavuze ko bahangayikishijwe bikomeye n’abamotari 2 basanganwe icyorezo cya Coronavirus mu mujyi wa Kigali kuko ngo bashobora kuba baranduje benshi.



Mu kiganiro Dr.Sabin Nsanzimana yagiranye na Radio Rwanda mu gitondo cyo kuri uyu wa mbere tariki ya 22 Kamena 2020, yasobanuye ko igihangayikishije ari abarwayi babonetse mu bamotari kuko ngo kugenda kuri moto bishobora kuba ikiraro gikomeye cyo gukwirakwira kwa Coronavirus.

Yagize ati " Nibyo koko ejo twabonye abarwayi bagera 26, muri bo rero 6 bagaragaye mu Mujyi wa Kigali. Harimo abo mu Karere ka Kicukiro ndetse no mu Karere ka Nyarugenge.

Muri abo barwayi 6, harimo 2 bakora umurimo wo gutwara abagenzi kuri za moto ari nabo navuga ko bahangayikishije cyane kuko ni icyiciro cyafunguriwe imirimo nyuma y’ibindi byiciro byose ku buryo biduhangayikishije mu buryo bwo kuvuga ngo za moto turi kugendaho , tugomba kwitwararika cyane kugira ngo bitaba ikiraro yo gukwirakwiza coronavirus.Abandi 4 n’abafite aho bahuriye n’umuntu wari urwaye,n’ubundi bakaba bari bari gukurikiranwa…”

Umuyobozi wa RBC yavuze ko aba bamotari basanzwe mu bipimo bamaze iminsi 5 bafata mu bamotari bo mu mujyi wa Kigali ndetse yemeza ko bataramenya aho bakuye ubu burwayi cyangwa niba bahuye n’abo bantu 4 ari nako kazi ngo itsinda ribishinzwe ryatangiye.

Yemeje ko bagikurikirana aho aba bamotari bakuye ubu burwayi ndetse akangurira abantu bagenda kuri moto kwitwararika bakubahiriza amabwiriza yo kwirinda Coronavirus kuko buri wese ngo akwiriye kumenya ko uwo bicaranye atazi uko ahagaze niba arwaye Covid-19 cyangwa atayirwaye kuko ngo abantu benshi nta bimenyetso bari kugaragaza.

Dr.Sabin yavuze ko Abanyarwanda bubahirije amabwiriza bahabwa ku kwirinda Coronavirus iki cyorezo kitakwirakwira atanga urugero ko abamotari bakoresheje imiti irinda kasike n’ibindi niyo umuntu yaba yanduye atakwanduza abandi.

Abamotari banduye bahura n’abagenzi benshi,yaba abagize umuryango we, abo asaba kumuvunjira,bajya kuri station, banyura mu iduka guhaha,bajya muri restaurant,Bank n’ahandi.

Kuri iki Cyumweru habonetse abarwayi 26 babonetse mu bipimo 3.252,abamaze kwandura Coronavirus bose hamwe mu Rwanda ni 728.

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kigali: Imwe mu midugudu yari muri Guma mu rugo kubera COVID-19...

Minisiteri y’Ubutegetsi bw’Igihugu [MINALOC] yatangaje ko yakuye muri gahunda...
10 July 2020 Yasuwe: 1009 0

Perezida Kagame yavuze ku ifunguro akunda n’ukuntu ajya asiba amafunguro ya...

Nyakubahwa Perezida wa Repubulika,Paul Kagame yavuze ko atagira ibyokurya...
10 July 2020 Yasuwe: 4308 0

Zawadi na Mugenzi bahishuye uburyo umugabo udatera akabariro aheranwa...

Umutoni Zawadi wize amashuri makuru mu gihugu cya Cameroon aminuriza mu...
10 July 2020 Yasuwe: 2834 1

Habonetse abarwayi 16 ba Coronavirus mu Rwanda hakira abantu...

Kuri uyu wa Kane tariki ya 09 Nyakanga 2020,mu Rwanda habonetse abarwayi...
9 July 2020 Yasuwe: 1159 0

COVID-19:Umuryango nyarwanda uharanira uburenganzira bwa muntu wishimiye...

Umuryango nyarwanda utari uwa Leta uharanira Uburenganzira bwa Muntu...
9 July 2020 Yasuwe: 241 0

Ngoma: Imfungwa 4 zari zirwaye Coronavirus zacitse ibitaro ziburirwa...

Imfungwa enye zari ziri kwitabwaho mu kigo ASPEK kiri kuvurirwamo abarwayi...
9 July 2020 Yasuwe: 1193 0