addresiya
Kigali
startimes

Ruhango: Umukecuru w’imyaka 80 yatawe muri yombi kubera amagambo yuzuyemo ingengabitekerezo ya Jenoside yabwiye uwayirokotse

Amakuru   Yanditswe na: Dusingizimana Remy 10 April 2020 Yasuwe: 4050

Umukecuru w’imyaka 80 witwa Mukamushumba Sarah utuye mu karere ka Ruhango mu Murenge wa Bweramana yatawe muri yombi azira kubwira amagambo yuzuyemo ingengabitekerezo uwarokotse Jenoside baturanye witwa Afazari Speciose w’imyaka 68.



Uyu mukecuru w’imyaka 80 yitwa Mukamushumba Sarah yatawe muri yombi kuri uyu wa kane nyuma yo kubwira umuturanyi we Afazari Sipeciose w’imyaka 68 warokotse Genocide yakorewe Abatutsi ngo ntamurateho abo bapfu be ntibaruta abe bapfuye.Arongera ngo ntateze kugira umuryango uzamukikiza nk’uwo afite.

Umunyamabanga Nshingwabikorwa w’Umurenge wa Bweramana, Muhire Floribert, yabwiye IGIHE ko uwo mukecuru ayo magambo ngo yayavuze ku mugoroba wo ku wa 8 Mata 2020.

Ati “Ayo magambo yemera ko yayavuze akayasabira imbabazi. Yashyikirijwe RIB kuri Sitasiyo ya Kabagari.”

Mu karere ka Ruhango hakomeje kugaragara ingengabitekerezo ya Jenoside ikabije kuko Kuwa 06 Mata 2020, abagizi ba nabi biraye mu myaka y’uwitwa Nyiramporampoze Chantal warokotse Jenoside yakorewe abatutsi barayitemaguza bayararika hasi.

Imyaka yangijwe n’aba bagizi ba nabi igizwe n’urutoki aho batemye insina 43, batemagura imyumbati ndetse bangiza Soya.

Mu kiganiro umuyobozi w’Akarere ka Ruhango,Habarurema Valens,yahaye abanyamakuru yemeje ko amakuru y’ubu bugome bwakorewe Nyiramporamboze Chantal,ari ukuri gusa harigukurikirana ababikoze ngo batabwe muri yombi.

Nyiramporampoze w’imyaka 31 yarokotse Jenoside yakorewe Abatutsi muri Mata 1994, imyaka ye ihinze yari ihinze ku buso bwa m 30/ m 20.

Yasanze abantu bataramenyekana bamutemeye insina 43, imyumbati ndetse na soya byari mu murima we birangizwa cyane.

Uyu wangirijwe imyaka yarahungabanye, biba ngombwa ko afashwa n’abajyanama mu ihungabana.

Akenshi mu Rwanda havugwa ubugome nk’ubu mu gihe u Rwanda n’Isi byatangiye iminsi 100 yo kwibuka Jenoside yakorewe Abatutsi, ikaba irimo icyumweru (iminsi 7) k’icyunamo ndetse kuri ubu Urwego rw’igihugu rw’ubugenzacyaha rumaze kwakira ibirego byinshi by’abafite ingengabiterezo muri iki gihe gito gishize hatangiye icyumweru cyo kwibuka.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Tuyize Sylvain

    Birababaje kumva umukecuru nkuwo usazanye umutima mubi nkaho yagakwiye gusenka Imana ikazamuha iherozo Ry’iza

    1 month ago
  • chat_bubble lg

    Ubundise ko numva agiye kuzapfa nabi aho kwihana mubyo yakoze mu myaka 80 none akaba agiye gupfa nabi apfanye ingengabitekezo y ubwicanyi

    1 month ago

Inzindi nkuru

Umuntu wa mbere wahitanywe na Coronavirus mu Rwanda yashyinguwe mu buryo...

Ku isaha ya saa cyenda z’amanywa , nibwo umurambo wa Gisaka Hassan...
1 June 2020 Yasuwe: 3025 0

Leta y’u Rwanda yasubitse igitaraganya ingendo zambukiranya intara n’umujyi...

Habura amasaha make ngo ingendo zambukiranya intara zose z’igihugu n’umujyi...
1 June 2020 Yasuwe: 4523 0

COVID19:Habonetse abarwayi 11 bashya mu Rwanda, hakira 6 kuri iki...

Minisiteri y’ubuzima yatangaje ko uyu munsi tariki ya 31 Gicurasi 2020, mu...
31 May 2020 Yasuwe: 837 0

Umuntu wa mbere yahitanwe na COVID-19 mu Rwanda handura 4 hakira abandi 3...

Kuri uyu wa Gatandatu tariki ya 30 Gicurasi 2020,nibwo habonetse umuntu wa...
30 May 2020 Yasuwe: 2842 0

Hamazwe impungenge ku bibazaga kuba hagiye gufungurwa ingendo hagati...

Umuyobozi w’ikigo cy’igihugu cy’ubuzima Dr. Nsanzimana Sabin yatangaje ko u...
30 May 2020 Yasuwe: 4552 0

Covid-19: Abantu 6 banduye Coronavirus mu Rwanda hakira 2 kuri uyu wa...

Minisiteri y’Ubuzima mu Rwanda yatangaje ko Kuri uyu wa Gatanu tariki 29...
29 May 2020 Yasuwe: 518 0