Kigali
startimes

Rusizi: Abaturage bahiye ubwoba nyuma y’abantu 5 basanganwe Covid-19 muri ako karere

Amakuru   Yanditswe na: Dusingizimana Remy 1 June 2020 Yasuwe: 2198

Abaturage bo mu karere ka Rusizi batangaje ko bahiye ubwoba nyuma yo kumenya amakuru yatangajwe na Minisiteri y’Ubuzima ko hari abantu 5 basanganwe Coronavirus ku munsi w’ejo tariki ya 31 Gicurasi 2020.



Nyuma y’aho Minisiteri y’ubuzima itangarije ko mu karere ka Rusizi habonetse abantu batanu banduye Coronavirus, abaturage benshi bo muri aka gace bagize ubwoba bityo basaba ko inzego z’umutekano zahagurukira ikibazo cy’abajya muri Repubulika iharanira Demokarasi ya Congo baciye mu nzira zitemewe.

Bamwe muri aba baturage babwiye RBA bati “Twabanje kugira ubwoba.Turasaba Leta ko yakongera umubare w’abantu bapimwa.Twatangiye kurushaho kubahiriza ingamba zo kwirinda dukaraba intoki neza aho dukorera dukoresheje isabune na ya miti yica udukoko.Twashyize imbaraga mu gusiga intera hagati y’umuntu n’undi.”

Undi yagize ati “Ubwoba ntibwari kubura kuko njyewe ndi umumotari nari kubyuka nsubira mu kazi ariko twumvise inkuru y’inshamugongo twumva ubwoba buratwishe ariko nkuko twabikanguriwe na mbere,tugomba gukurikiza ingamba.”

Abatuye mu mujyi wa Rusizi batangaje ko nyuma y’aba bantu 5 bagaragaye,byabateye kwitwararika ndetse ngo buri wese agiye kuba ijisho rya mugenzi we bamagane ibigare by’abantu bakunze kubona ijoro rije bagatangira gukora ibikundi byo kuganira.

Uyu munsi kandi,ingendo ziva n’izerekeza mu Karere ka Rusizi zabaye zihagaritswe mu rwego rwo kwirinda icyorezo cya Coronavirus.

Minisitiri w’Ubutegetsi bw’Igihugu, Prof. Shyaka Anastase, yabwiye RBA ko hagiye gushyirwa imbaraga mu kugabanya urujya n’uruza mu Karere ka Rusizi kugira ngo hasuzumwe uko icyorezo gihagaze.

Minisitiri w’ubuzima Dr Ngamije Daniel yavuze ko abantu banduye COVID-19 ku cyumweru tariki 31 Gicurasi 2020 ari 11 barimo batanu babonetse mu karere ka Rusizi. Aba bantu 5 babonetse I Rusizi nibo batumye abatuye aka karere bagira ubwoba dore ko bari bizeye ko batangiye kugira agahenge bashingiye ku byavugwaga n’inzego z’ubuzima ko nta bwandu bushya burimo kugaragara imbere mu gihugu.

Byari biteganyijwe ko kuri uyu wa Mbere tariki ya 01 Kamena aribwo ingendo hagati y’intara zitandukanye cyangwa Intara n’Umujyi wa Kigali zisubukurwa ndetse ko moto n’amagare aribwo nabyo byongera gutwara abagenzi ariko byabaye bihagaritswe.

Imyanzuro mishya izatangazwa mu nama y’abaminisitiri iteganyijwe ejo, kuwa 02 Kamena 2020

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Habonetse abarwayi 38 ba Coronavirus bashya mu Rwanda hakira...

Kuri uyu wa Kabiri tariki ya 14 Nyakanga 2020, abanduye Coronavirus bashya...
14 July 2020 Yasuwe: 1388 1

Habonetse abantu 48 banduye Coronavirus mu Rwanda hakira 26

Uyu munsi tariki ya 13 Nyakanga 2020,abanduye Coronavirus bashya mu Rwanda...
13 July 2020 Yasuwe: 1769 1

Habonetse abantu 38 banduye Coronavirus mu Rwanda hakira abandi...

Uyu munsi tariki ya 12 Nyakanga 2020, abanduye Coronavirus mu Rwanda...
12 July 2020 Yasuwe: 1583 0

Covid-19 yahitanye umuntu wa Kane mu Rwanda, yari umusaza w’imyaka...

Uyu munsi tariki ya 11 Nyakanga 2020,habonetse undi muntu wa Kane...
11 July 2020 Yasuwe: 12236 0

Abantu 42 banduye Coronavirus mu Rwanda abandi 12 barayikira

Uyu munsi tariki ya 10 Nyakanga 2020, habonetse abanduye Coronavirus bashya...
10 July 2020 Yasuwe: 1712 0

Kigali: Imwe mu midugudu yari muri Guma mu rugo kubera COVID-19...

Minisiteri y’Ubutegetsi bw’Igihugu [MINALOC] yatangaje ko yakuye muri gahunda...
10 July 2020 Yasuwe: 1639 0