Kigali

Rwamagana: Umugore yamenye amazi ashyushye ku mugabo we arashya bikomeye

Amakuru   Yanditswe na: Dusingizimana Remy 30 January 2020 Yasuwe: 8674

Umugabo witwa Nyirurugo Theobard arembeye mu bitaro kubera amazi ashyushye bivugwa ko yasutsweho n’umugore we, ubwo yari aryamye.



Nkuko amakuru abitangaza,ku cyumweru taliki ya 26 Mutarama 2020 nibwo uyu mugabo utuye mu ntara y’uburasirazuba mu karere ka Rwamagana, umurenge wa Kigabiro akagari ka Sibagire, umudugudu wa Bacyura,yamenyweho aya mazi n’umugore we witwa Umurerwa.

Uyu mugore ngo yacaniriye amazi arabira niko guhita ahamagara umugabo we Theobard ayamusuka mu isura no mu gatuza arashya cyane gusa ,kubw’amahirwe ntiyapfa.

Ubu uyu mugabo arembeye mu bitaro bya Rwamagana, naho uyu mugore we ari mu maboko y’Ubugenzacyaha [RIB] iri kumukoraho iperereza kuri iki cyaha akekwaho.

Abaturage batuye muri uyu mudugudu wabereyemo aya mahano,barasaba ko ubutabera bwakubahirizwa uyu mugore yahamwa n’iki cyaha agahanwa.

Uyu muturage wamenweho aya mazi ashyushye arimo kwitabwaho n’abaganga b’ibi bitaro ndetse amakuru aravuga ko arimo koroherwa.

Abaturanyi ba Theobard babwiye ikinyamakuru Bwiza ko uyu mugore yari atetse amazi y’umuceri,abonye amaze kubira,ahamagara uyu mugabo we, ahindukiye ahita ayamumena mu maso arashya cyane.

Abaturage bavuze ko uyu mugore yaba yakoze aya mahano kubera gufuhira uyu mugabo we bafitanye abana 3.

Aba baturage bavuga ko uyu mugabo bari bamuzi nka Agronome cyane ko n’uyu mugore we yacuruzaga imiti y’amatungo.

Bivugwa ko uyu mugabo yigishaga abantu umukino njyarugamba wa Karate ndetse ngo aba bombi barize.

Uyu mugore wakoze aya mahano ngo yasuzuguraga cyane abaturanyi be yaba n’abayobozi b’Isibo rye yababwiye ko ngo ari abantu basuzuguritse ntacyo bamubwira.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


  • chat_bubble karekezi

    Gushwana kw’abashakanye biteye ubwoba.Muli Mexico,hicwa abagore barenga 9 buri munsi bishwe n’abagabo.Muli Africa y’epfo,buri masaha atatu hicwa umugore.Ikindi kandi,abashakanye bacana inyuma babarirwa muli za millions nyinshi ku isi hose. IMPAMVU mu ngo habamo ibibazo,nuko abashakanye badakurikiza inama dusanga muli bible twahawe n’Imana.Idusaba ko dukundana,tukababarirana,tukihanganirana,tukubahana,etc... Nguwo umuti rukumbi wo gushwana kw’abashakanye.Imana yaduhaye bible kugirango abantu babane mu mahoro.Turamutse dukoze icyo bible idusaba,ibi byose byavaho:Gushwana kw’abashakanye,ibiyobyabwenge,Intambara,kurwana,gucana inyuma,kwiba,gusambana,gucurana ibyisi,akarengane,etc...Abanga kumvira Imana,izabakura mu isi bose ku munsi wa nyuma.

    3 weeks ago

Inzindi nkuru

Musanze: Abana babiri bavukana batwikiwe mu nzu umwe arapfa

Mu Murenge wa Cyuve, Akagari ka Rwebeya, Umudugudu wa Marantima mu karere...
23 February 2020 Yasuwe: 4900 2

Umubyeyi wa Kizito Mihigo yasabye ikintu gikomeye abitabiriye umuhango wo...

Umubyeyi wa Kizito Mihigo witwa Iribagiza Placidie, yabwiye abitabiriye...
23 February 2020 Yasuwe: 13145 0

Nyarugenge: Umushoferi yashyize ubuzima bwe mu kaga kugira ngo arokore...

Kuri uyu wa Kabiri taliki ya 18 Gashyantare 2020,ku mbuga nkoranyambaga...
19 February 2020 Yasuwe: 33190 1

Abanyarwanda barekuwe na Uganda bageze mu Rwanda mu rukerera...

Mu rucyerera rwo kuri uyu wa Gatatu taiki ya 19 Gashyantare 2020i nibwo...
19 February 2020 Yasuwe: 2655 0

Igihe umuhanzi Kizito Mihigo azashyingurirwa cyamaze kumenyekana

Umuryango w’umuhanzi Kizito Mihigo watangaje ko azashyingurwa kuwa...
19 February 2020 Yasuwe: 11055 3

Nyamagabe: Umwarimukazi yasanzwe mu cyumba yiyahuye nyuma yo...

Umwarimukazi witwa Irikujije Christine w’imyaka 26 bivugwa ko yigishaga ku...
18 February 2020 Yasuwe: 6396 3