skol
Kigali
startimes

Tuyisenge w’imyaka 23 yishe umugore we Claudine w’imyaka 32 bapfa Telefone

Amakuru   Yanditswe na: Martin Munezero 19 September 2020 Yasuwe: 8223

Mu Mudugudu wa Mikingo, Akagari ka Mudakama, Umurenge wa Gataraga mu Karere ka Musanze, umugabo w’imyaka 23 witwa Tuyisenge, yishe umugore we w’imyaka 32 witwa Uwurukundo Claudine amuteye icyuma, uyu mugabo ahita atoroka.


Ni amakuru yamenyekanye ahagana saa cyenda z’ijoro kuri uyu wa 18 Nzeri 2020, akaba yatanzwe n’umwana wa nyakwigendera uri mu kigero cy’imyaka icyenda wabimenye agahita yiruka atabaza irondo rya nijoro. Bahageze basanga umurambo mu mbuga, ariko bashatse umugabo we basanga yahise atoroka.

Uyu nyakwigendera Uwurukundo yabanaga n’uyu mugabo mu buryo butemewe n’amategeko, kuko umugabo we wa mbere yari yaritabye Imana, amusigira abana batatu ari nabo asize ubu.

Umunyamabanga nshingwabikorwa w’Umurenge wa Gataraga Kabera Canisius yavuze ko mu makuru bamenye, ubu bwicanyi bwatewe n’amakimbirane yabanjirijwe no gutongana hagati y’umugabo n’umugore bapfa telefone, gusa ngo bakundaga kugirana amakimbirane ariko adakabije. Yagize ati:

Umwana mukuru wa nyakwigendera niwe watanze amakuru abimenyesha irondo bamaze kwica nyina. Yatubwiye ko mu gihe bari ku meza umugabo yatonganye n’umugore we, bapfa telefone, biza kurangira bajya kuryama. Nyuma ngo uyu mugabo yishe umugore, mu gihe arimo gusohora umurambo, uyu mwana yabyumvise asohoka buhoro yiruka atabaza irondo, bahageze basanga umurambo mu mbuga n’amaraso menshi mu nzu.

Kugeza ubu ntiturabasha kumenya aho uyu mugabo yahise arengera, gusa dufatanije n’abaturage n’inzego z’umutekano turacyakomeje gushakisha aho yatorokeye. Turasaba abaturage gukomeza gufatanya mu guhanahana amakuru ku wamubona cyangwa akeka aho aherereye kugira ngo afatwe.

Umurambo wa nyakwigendera woherejwe ku Bitaro bikuru bya Ruhengeri kugira ngo ukorerwe isuzuma.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble vava

    aBAGANGA BADUFASHIJE KOKO BAKATUMENYERA IMPAMVU ABANYARWANDA BAKOMEZA GUTINYUKA NO GUKINISHA KWICA BAGENZI BABO.

    1 month ago

Inzindi nkuru

Abantu 02 banduye Coronavirus mu Rwanda ntihakira n’umwe

Minisiteri y’Ubuzima yatangaje ko mu bipimo 1725 byafashwe kuri uyu wa 29...
29 October 2020 Yasuwe: 803 0

Abantu 45 biganjemo abo mu nkambi y’impunzi banduye Covid-19 mu...

Kuri uyu wa Gatatu tariki ya 28 Ukwakira 2020,Minisiteri y’Ubuzima yatangaje...
28 October 2020 Yasuwe: 1802 0

Covid-19 yahitanye umubyeyi w’imyaka 88 mu Rwanda abandi 11 barayandura

Kuri uyu wa Kabiri tariki ya 27 Ukwakira 2020,Minisiteri y’Ubuzima yatangaje...
27 October 2020 Yasuwe: 1130 0

Abantu 18 bakize Covid-19 mu Rwanda abandi 7 barayandura

Minisiteri y’Ubuzima yatangaje ko kuri uyu wa Mbere tariki ya 26 Ukwakira...
26 October 2020 Yasuwe: 882 0

Nyamasheke: Umugabo yagiye kwiba itaka mu kirombe kiramugwira...

Umugabo witwa Fatisuka Jean Pierre wari utuye mu Mudugudu wa Mutusa mu...
26 October 2020 Yasuwe: 953 0

Abantu 08 biganjemo abo mu mujyi wa Kigali banduye Coronavirus

Minisiteri y’Ubuzima yatangaje ko kuri uyu wa Gatandatu tariki ya 24...
24 October 2020 Yasuwe: 1266 0