skol
Kigali
startimes

U Rwanda rwanyomoje ibyatangajwe n’umuryango wa Rusesabagina uvuga ko arwaye

Amakuru   Yanditswe na: Dusingizimana Remy 13 November 2020 Yasuwe: 3879

Umuryango wa Paul Rusesabagina uvuga ko aho afungiye i Kigali yababwiye ko arwaye, kandi ubuzima bwe bukomeje kumera nabi kubera indwara asanganywe zisaba imiti ihoraho.


Rusesabagina, azwi cyane ku isi kubera film ’Hotel Rwanda’ - itavugwaho rumwe - ikina inkuru y’uko yarokoye Abatutsi barenga 1,000 muri jenoside.

Ubu afungiye mu Rwanda aregwa ibyaha by’iterabwoba, bishingiye ku bitero byiciwemo abantu mu 2018 na 2019 byakozwe n’umutwe wa FLN yemeye ko yashinze.

Urwego rushinzwe imfungwa n’abagororwa ruvuga ko Rusesabagina ari muzima, ko "nta n’igicurane arwaye".

Itangazo ryasohowe n’umuvugizi wa Hotel Rwanda Rusesabagina Foundation rivuga ko amafoto ya vuba y’itangazamakuru "agararagaza ko ubuzima bwe bumeze nabi."

Iryo tangazo rigira riti: "Mu biganiro aheruka kugirana n’umuryango we yababwiye ko agira kuzungerwa, kubabara umutwe, kwitura hasi agata ubwenge, bishobora kuba biterwa n’umuvuduko ukabije w’amaraso utagenzurwa, n’uburyo afunzemo".

Rusesabagina yatakaje 6Kg kandi yasabye gushyirwa mu bitaro inshuro eshatu, nk’uko iri tangazo ribivuga.

Rusesabagina aracyari kuburana ku ifungwa n’ifungurwa ry’agateganyo, mu mpamvu atanga asaba kurekurwa akaburana adafunze avugamo iy’uburwayi.

Pelly Gakwaya Uwera umuvugizi w’urwego rushinzwe imfungwa n’abagororwa yabwiye BBC ko ibyo bivugwa n’umuryango we nta kuri kurimo kuko "Rusesabagina ni muzima".

"Icyo nakubwira, Rusesabagina nta n’umuriro afite, nta n’igicurane. Nta kibazo afite habe na gito". - Senior Superintendent of Prisons Uwera.

Madamu Uwera, avuga ko ubuzima bwa Rusesabagina bwitaweho byihariye, kandi avugana n’umuryango we kuri telefone ya gereza nk’abandi bafunze, kuko bitemewe gusurwa kubera Covid.

Ati: "Tumuvuza nk’uko tuvuza abandi mu gihe barwaye, we noneho kubera umuvuduko w’amaraso, aravurwa byihariye."

Kuwa gatatu, minisiteri y’ubuzima yatangaje ko ku bantu 50 bari batahuweho Covid-19 mu Rwanda 27 muri bo bari muri gereza ya Kigali, aho na Rusesabagina afungiye.

Rusesabagina azongera kuburana ubujurire ku ifungwa n’ifungurwa ry’agateganyo tariki 20 z’uku kwezi. Imanza ze ubu ziba hifashishijwe ikoranabuhanga mu kwirinda coronavirus.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Urujya n’uruza muri Gare ya Nyabugogo ni rwose ruhunga Guma mu rugo ya...

Nyuma y’aho Inama y’abaminisitiri isubije muri Guma mu rugo kubera...
19 January 2021 Yasuwe: 6690 0

Prof.Shyaka yahumurije Abanyarwanda batewe ubwoba n’inzara muri Guma mu...

Mu gihe Kigali yose yashyizwe muri Guma mu Rugo bikaba bituma hari ababura...
19 January 2021 Yasuwe: 3537 0

Covid-19: Hapfuye abandi bantu 4 mu Rwanda, abanduye bashya ni...

Minisiteri y’Ubuzima yatangaje ko uyu munsi tariki ya 18 Mutarama...
18 January 2021 Yasuwe: 3918 0

Abantu 02 bahitanwe na Covid-19 mu Rwanda abandi 182 barayandura

Minisiteri y’Ubuzima yatangaje ko uyu munsi tariki ya 17 Mutarama...
17 January 2021 Yasuwe: 4080 1

Ibitaro bya Leta byose byategetswe kuvura abarwayi ba Covid-19 hakoreshejwe...

Minisiteri y’Ubuzima yategetse ibitaro byose bya Leta ko guhera kuri uyu wa...
17 January 2021 Yasuwe: 3718 0

Covid-19 yahitanye abantu 2 mu Rwanda,Imibare y’abanduye iracyatumbagira

Minisiteri y’Ubuzima yatangaje ko uyu munsi tariki ya 16 Mutarama...
16 January 2021 Yasuwe: 4420 0