Umubare w’abanduye Coronavirus mu Rwanda ukomeje kwiyomgera aho kuri uyu wa Gatatu tariki ya 01 Mata 2020,hagaragaye abandi 7 bituma umubare w’abanduye ugera kuri 82.

Sponsored Ad

Minisiteri y’Ubuzima yatangaje ko kuri uyu wa Gatatu, mu bipimo byafashwe habonetse abarwayi barindwi ba COVID-19, barimo umuntu umwe waje aturutse Dubai,umuntu umwe waje aturutse mu Bwongereza,abantu babiri baherutse kugirira ingendo mu bihugu byo mu Karere,abantu batatu batahuwe ko bahuye n’abandi barwaye Coronavirus mu Rwanda.

Aba bose bahise bashyirwa mu kato hatangira gushakishwa abo baba barahuye nabo kugira ngo bashyirwe mu kato.

Itangazo rya Minisante rigvuga ko abatahuweho Coronavirus bari kuvurirwa ahabugenewe kandi ubu bari koroherwa.Aba bose nta bimenyetso bya koronavirusi bagaragaza.

MINISANTE yongeye gusaba abanyarwanda kwitwararika bagakurikiza ingamba zose zafashwe zirimo kuguma mu rugo,kwirinda ingendo zitari ngombwa.

Abanyarwanda barasabwa gukomeza gukaraba intoki kenshi, kubahiriza intera ya metero imwe hagati yabo no guhamagara nimer 114 igihe umuntu yibonyeho ibimenyetso bya Coronavirus nk’inkorora,umuriro,guhumeka bigoranye.