Kigali
startimes

Umujyi wa Kigali washyize mu bikorwa umwanzuro wo gusenyera abatuye mu manegeka

Amakuru   Yanditswe na: Dusingizimana Remy 15 December 2019 Yasuwe: 4261

Iki cyemezo Umujyi wa Kigali ugifashe nyuma y’uko ikigo cy’Igihugu gishinzwe iteganyagihe gitangaje ko kuva mu mpera z’Ukuboza kugeza tariki 30 Ukuboza hazagwa imvura nyinshi.



Tariki 29 Kamena 2019 kandi Minisitiri w’Ibidukikije yandikiye Uturere twose adusaba gushyiraho gahunda yihutirwayo guhagarika ibikorwa byose byangiza ibishanga no kubikuraho.

Nyuma y’aho mu 2017, Umujyi wa Kigali watangiye kwimura ibikorwa bitemewe n’ibyangiza ibishanga ku buryo kuva iyo gahunda yatangira hari ibyagezweho, gusa ugereranije n’uburemere bw’iki kibazo bigaragara ko hagikenewe imbaraga zidasanzwe kugira ngo ibishanga byose bikurwemo ibikorwa bibyangiza byashyizwemo.

Abaturage batandukanye batuye mu manegeka babwiye IGIHE dukesha iyi nkuru ko batiyumvisha uburyo ubuyobozi buri kubasenyera inzu bukanabimura ku ngufu mu gihe bwari bwabahaye integuza y’iminsi 15.

Bavuga ko babahangayishijwe n’ubuzima bwabo kuko batazi aho bagomba kwerekeza bo n’imiryango yabo.

Uwitwa Niyonsenga Theogene utuye mu Kagari ka Rukiri ya I mu Murenge wa Remera yagize ati “Nkodesha hano ubu ngubu umuntu arajya gushaka ahandi ariko ikibababaje n’abantu batuye hano bafite abana biga bafite n’abo batunze b’abasaza bahatuye mbere banahamaze nk’imyaka irenga 30 bari kuhirukanwa badahawe ingurane.”

Umusaza witwa Rudasingwa Eugene, avuga yahisemo kwisenyera inzu kugira ngo abashe kuramira amabati ye.

Ati “None se nabonye basenyera ahandi kuko baduhaye amabwiriza yo kwimuka cyangwa kwisenyera noneho nanjye nifatira icyemezo ndisenyera kugira ngo turebe ko twahungana utubati twacu.”

Akomeza avuga ko bahangayikishijwe n’uko nta mafaranga na make cayngwa ingurane z’ibyabo bahawe kandi ko iki cyemezo cyabatunguwe cyane kuko iminsi 15 y’integuza bahawe itari yashira.

Meya w’Umujyi wa Kigali, Rubingisa Pudence, avuga ko iyi gahunda yo bayishyizemo imbaraga mu rwego rwo kurinda abaturage, nyuma y’aho hagaragajwe ko hagiye kugwa imvura nyinshi.

Ati “Iyi gahunda yo gukura abantu n’ibikorwa byabo iby’ubucuruzi nk’inganda, amagaraje na za parikingi mu bishanga, imaze imyaka ibiri itangiye, twashyizemo imbaraga nyuma y’aho Meteo itangarije ko imvura iri kugwa ari nyinshi kandi hari n’abashobora kuhasiga ubuzima.”

Yongeyeho ko abakodeshaga inzu ziri mu manegeka bari guhabwa amafaranga ibihumbi 30 FRW yo kujya gukodesha ahandi mu gihe abari batuyemo bari guhabwa amafaranga y’amezi atatu kugira ngo bajye gukodesha ahandi mu gihe batari bahabwa ingurane z’ibyabo.

Inzu ziri mu bishanga zatangiye gusenywa ziherereye mu bice bitandukanye birimo ahitwa ku Mulindi, Bannyahe, Muhima no mu Rwampara mu Murenge wa Nyarugenge.

Ibikorwa byabaruwe biri mu bishanga mu bice bitandukanye by’Umujyi wa Kigali ni 7 222 mu gihe ibimaze kuvamo bingana na 2% gusa.

Ubusanzwe umujyi wa Kigali ungana na hegitari 73,000 (730Km2), hegitari zirenga 7,600, ni ibishanga, bingana 13.8%.

Inkuru ya IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Habonetse abantu 38 banduye Coronavirus mu Rwanda hakira abandi...

Uyu munsi tariki ya 12 Nyakanga 2020, abanduye Coronavirus mu Rwanda...
12 July 2020 Yasuwe: 1543 0

Covid-19 yahitanye umuntu wa Kane mu Rwanda, yari umusaza w’imyaka...

Uyu munsi tariki ya 11 Nyakanga 2020,habonetse undi muntu wa Kane...
11 July 2020 Yasuwe: 10979 0

Abantu 42 banduye Coronavirus mu Rwanda abandi 12 barayikira

Uyu munsi tariki ya 10 Nyakanga 2020, habonetse abanduye Coronavirus bashya...
10 July 2020 Yasuwe: 1698 0

Kigali: Imwe mu midugudu yari muri Guma mu rugo kubera COVID-19...

Minisiteri y’Ubutegetsi bw’Igihugu [MINALOC] yatangaje ko yakuye muri gahunda...
10 July 2020 Yasuwe: 1581 0

Perezida Kagame yavuze ku ifunguro akunda n’ukuntu ajya asiba amafunguro ya...

Nyakubahwa Perezida wa Repubulika,Paul Kagame yavuze ko atagira ibyokurya...
10 July 2020 Yasuwe: 7708 0

Zawadi na Mugenzi bahishuye uburyo umugabo udatera akabariro aheranwa...

Umutoni Zawadi wize amashuri makuru mu gihugu cya Cameroon aminuriza mu...
10 July 2020 Yasuwe: 3752 1