skol
Kigali
startimes

Umuntu wa 42 yahitanwe na Covid-19 mu Rwanda abandi 43 barayandura

Amakuru   Yanditswe na: Dusingizimana Remy 13 November 2020 Yasuwe: 4199

Minisiteri y’Ubuzima yatangaje ko uyu munsi tariki ya 13 Ugushyingo 2020,umubare w’abahitanwe na Covid-19 mu Rwanda wiyongereye uba 42 nyuma y’aho umugabo w’imyaka 72 wo mu karere ka Rwamagana ahitanwe n’iki cyorezo.Uyu abaye umuntu wa 6 uhitanwe n’iki cyorezo muri iki cyumweru.

Iyi Minisiteri yatangaje ko uyu munsi kandi mu bipimo 2,759 byafashwe ,abagaragaweho ubwandu bashya ari 43 mu gihe abandi bantu 19 bayikize.

Umubare w’abamaze kwandura iki cyorezo mu Rwanda ni 5,362 naho abamaze kugikira bose hamwe ni 4,993.Abakirwaye:328.

Abanduye basanzwe I Kigali:1, Kirehe:1, Muhanga:36 (abapimwe muri Gereza ya Muhanga/testing in Muhanga Prison), Nyamagabe:2, Rubavu:2, Rwamagana:1.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Ku munsi w’ejo nibwo Ministeri y’ubuzima mu Rwandayavuze ko habonetse undi mubare munini w’abanyururu banduye COVID 19 noneho bakaba batahuwe muri Gereza ya Mageragere iri mu mujyi wa Kigali.

Aba banyururu banduye baje bakurikira abandi batahuwe muri gereza ya Nsinda iri mu burasirazuba bw’igihugu.

Nta gihe kinini cyari gishize kandi inkambi y’impunzi ya Mahama na yo ivugwamo imibare yiyongera y’abandura.

Ministeri y’ubuzima ivuga ko ibi bipimo bishya biteye impungenge kuko abanduye babana n’abandi benshi.

Kuri ubu Ministeri y’ubuzima ivuga ko yashyize imbaraga nyinshi mu magereza yamaze kugaragaramo ubwandu.

Mu itangazo, Ministeri y’ubuzima ivuga ko amatsinda y’abaganga yoherejwe muri aya magereza yombi ndetse no mu duce tuyegereye kugira ngo hagaragare abamaze kwandura.

Umubare w’abandura ukomeje kwiyongera mu magereza wateye impungenge ko ibi bigo bicumbikiye imfungwa bishobora kuba byugarijwe by’umwihariko.

Iyi mibare yerekanye ko ubwandu bushya muri iki gihe buri kwibasira ibigo bicumbikiye abantu benshi nk’amagereza ndetse n’inkambi z’impunzi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Prof.Shyaka yahumurije Abanyarwanda batewe ubwoba n’inzara muri Guma mu...

Mu gihe Kigali yose yashyizwe muri Guma mu Rugo bikaba bituma hari ababura...
19 January 2021 Yasuwe: 3521 0

Covid-19: Hapfuye abandi bantu 4 mu Rwanda, abanduye bashya ni...

Minisiteri y’Ubuzima yatangaje ko uyu munsi tariki ya 18 Mutarama...
18 January 2021 Yasuwe: 3901 0

Abantu 02 bahitanwe na Covid-19 mu Rwanda abandi 182 barayandura

Minisiteri y’Ubuzima yatangaje ko uyu munsi tariki ya 17 Mutarama...
17 January 2021 Yasuwe: 4078 1

Ibitaro bya Leta byose byategetswe kuvura abarwayi ba Covid-19 hakoreshejwe...

Minisiteri y’Ubuzima yategetse ibitaro byose bya Leta ko guhera kuri uyu wa...
17 January 2021 Yasuwe: 3717 0

Covid-19 yahitanye abantu 2 mu Rwanda,Imibare y’abanduye iracyatumbagira

Minisiteri y’Ubuzima yatangaje ko uyu munsi tariki ya 16 Mutarama...
16 January 2021 Yasuwe: 4418 0

Abagabo 5 bo mu mujyi wa Kigali bahitanwe na Covid-19 abandi bantu 257...

Minisiteri y’Ubuzima yatangaje ko uyu munsi tariki ya 15 Mutarama...
15 January 2021 Yasuwe: 4537 1