Kigali
startimes

Umuntu wa mbere wahitanywe na Coronavirus mu Rwanda yashyinguwe mu buryo bwihariye [AMAFOTO]

Amakuru   Yanditswe na: Dusingizimana Remy 1 June 2020 Yasuwe: 4623

Ku isaha ya saa cyenda z’amanywa , nibwo umurambo wa Gisaka Hassan umunyarwanda wa mbere wishwe n’indwara ya Covid19 wagejejwe ku irimbi ry’i Nyamirambo aje gushyingurwa.



Itsinda ry’abakozi ba minisiteri y’ubuzima rishinzwe kwita ku barwayi banduye koronavirus, mu mpuzankano zabo z’umweru nizo bagaragayemo ubwo bakuraga umurambo wa nyakwigendera mu modoka yari imuzanye, bamukomezanya mu irimbi ndetse aba aribo bakora imihango yose yo kumushyingura, abandi bose barebera uko igikorwa kiri kugenda.

Mu irimbi ry’abayislam, imihango ya kislam irangwa no kururutsa umurambo mu mva no kumushyira mu mfuruka iba yatunganyijwe izwi nka Mwanandani, byose byakozwe n’itsinda ryabyambariye ryaje rimuherekeje, mubyo yakorewe harimo nko kumuryamisha urubavu rwe rw’iburyo nkuko bisanzwe bikorerwa abandi bayislam bitabye Imana.

Nyuma y’iki gikorwa cyo kumushyira mu mfuruka, abakozi ba minisiteri y’ubuzima bemereye abaje kumushyingura b’abayislam bari baje kumushyingura bisanzwe bashyira itaka mu mva.

Nyuma y’iki gikorwa itsinda ryazanye nyakwigendera ryahise rikurikizaho igikorwa cyo kwiyambura imyenda ariko buri umwe akabanza guterwa imiti yabugenewe ndetse hanaterwa imiti, agatanda baje bamuzanyeho ndetse imodoka itwara abapfuye nayo iterwa umuti inajyanwa kozwa mu kinamba.

Amakuru dukesha abashoferi bagenzi b’uyu musaza batangaje ko yabaga muri Tanzania ari ho ari gukorera ariko agatwara imodoka zo mu Rwanda, yarwariye muri Tanzania aba ari naho arembere aho yari ahitwa Benako, yinjira mu Rwanda tariki ya 28 z’uku kwezi kwa gatanu arembye cyane.

Mu nyigisho nto zatangiwe ku irimbi, zagaragaje ko umuryango wa nyakwigendera Hassan ushimira cyane byimazeyo abaganga bamwitayeho ku buryo bwose bushoboka ariko ko coronavirus yari yaramurembeje cyane.

Gisaka Hassan yari atuye ahitwa mu gatare hafi y’amarimbi y’i Nyamirambo ,mu karere ka Nyarugenge, asize abana batandatu, cyane ko n’umugore we nawe amaze imyaka 3 yitabye Imana.

Kugeza ubu mu Rwanda abamaze kwandura virusi ya korona ni 370, muri aba 256 bamaze gukira mu gihe abagirwaye ari 113 , muri iyi minsi abarwayi benshi minisiteri y’ubuzima ivuga ko ari abashoferi bava mu gihugu cya Tanzania.






SOURCE: UMUYOBORO.RW

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Habonetse abarwayi 38 ba Coronavirus bashya mu Rwanda hakira...

Kuri uyu wa Kabiri tariki ya 14 Nyakanga 2020, abanduye Coronavirus bashya...
14 July 2020 Yasuwe: 1387 1

Habonetse abantu 48 banduye Coronavirus mu Rwanda hakira 26

Uyu munsi tariki ya 13 Nyakanga 2020,abanduye Coronavirus bashya mu Rwanda...
13 July 2020 Yasuwe: 1769 1

Habonetse abantu 38 banduye Coronavirus mu Rwanda hakira abandi...

Uyu munsi tariki ya 12 Nyakanga 2020, abanduye Coronavirus mu Rwanda...
12 July 2020 Yasuwe: 1583 0

Covid-19 yahitanye umuntu wa Kane mu Rwanda, yari umusaza w’imyaka...

Uyu munsi tariki ya 11 Nyakanga 2020,habonetse undi muntu wa Kane...
11 July 2020 Yasuwe: 12236 0

Abantu 42 banduye Coronavirus mu Rwanda abandi 12 barayikira

Uyu munsi tariki ya 10 Nyakanga 2020, habonetse abanduye Coronavirus bashya...
10 July 2020 Yasuwe: 1712 0

Kigali: Imwe mu midugudu yari muri Guma mu rugo kubera COVID-19...

Minisiteri y’Ubutegetsi bw’Igihugu [MINALOC] yatangaje ko yakuye muri gahunda...
10 July 2020 Yasuwe: 1639 0