skol
Kigali
startimes

Umunyemari Nkubiri byavugwaga ko yapfuye aracyariho

Amakuru   Yanditswe na: Dusingizimana Remy 3 November 2020 Yasuwe: 7972

Umunyemari Alfred Nkubiri ufunzwe akurikiranyweho ibyaha byo guhombya leta,ararembye cyane, nyuma yo kuvanwa kuri Gereza ya Mageragere igitaraganya, akajyanwa mu Bitaro bya CHUK.


Ku munsi w’ejo nibwo Bwana Nkubiri Alfred nyiri sosiyete ENAS imenyerewe mu bucuruzi bw’ifumbire mvaruganda,yajyanywe mu bitaro kubera uburwayi bukomeye yari amaranye iminsi.

Muri iki gitondo nibwo haramutse amakuru yavugaga ko Bwana Nkubiri Alfred yatabarutse ariko Umuvugizi w’Urwego rw’Igihugu rw’Amagereza, SSP Gakwaya Uwer Pelly, yabwiye IGIHE ko Nkubiri ari muzima, ndetse ko ari kwitabwaho n’abaganga muri CHUK.

Ati “Nimuzima nta kibazo.”

Ikinyamakuru Taarifa cyatangaje ko mu masaha ya nijoro ku wa Mbere, ubuyobozi bwa Gereza ya Mageragere bwajyanye uyu munyemari Alfred Nkubiri kuvurizwa ku Bitaro bya Kaminuza (CHUK) arembye cyane byo gupfa.

Raporo ya muganga kiriya kinyamakuru cyabonye, ivuga ko Nkubiri yari arembye cyane afite ibibazo bikomeye by’ubuzima, dore ko asanzwe arwaye indwara zikomeye zirimo diabetes (igisukari), hypertension (umuvuduko w’amaraso), ndetse ngo yari afite kuruka no gucibwamo.

Nkubiri ari muri ba rwiyemezamirimo 12, icyenda bafunzwe bakurikiranyweho kunyereza miliyari zisaga 9 Frw muri gahunda yo kugeza ifumbire ku bahinzi, baregwa ko zitakoreshejwe uko bikwiye n’amafaranga yazo ntagaruzwe.

Nkubiri Alfred umaze amezi 4 afunzwe,ahorana uburwayi ndetse yarwariye mu bitaro bitandukanye byo muri Kigali biirmo ibyitiriwe Umwami Fayisari, ibitaro bikuru bya Kaminuza ya Kigali CHUK, ibyo ku Muhima n’ibyo kwa Kanimba.

Abunganizi ba Nkubiri baheruka kugaragariza urukiko ko umukiliya wabo akwiye gukurikiranwa adafunzwe, kuko iperereza ryakozwe kandi n’urubanza rugiye kuburanwa mu mizi.

Byongeye, Nkubiri w’imyaka 69 yagaragaje abantu bane b’inyangamugayo bamwishingira n’umutungo wa miliyari zirenga 7 Frw nk’ingwate.

Ubushinjacyaha bwo bwavuze ko Nkubiri arekuwe yakotsa igitutu abatangabuhamya, akaba yanasibanganya ibimenyetso ariko uyu we avuga ko Ubushinjacyaha bwamaze kubona ibimenyetso bityo ko nta mpungenge z’uko hari ibyo azasibanganya.

Muri Kanama uyu mwaka,nibwo Urukiko rw’ibanze rwa Gasabo rwategetse ko umunyemari wikorera ku giti cye Alfred Nkubiri akomeze agafungwa by’agateganyo iminsi 30 ategereje kuburanishwa mu mizi.

Bwana Nkubiri yahakanye gukora intonde mpimbano, yavuze ko uwahabwaga ifumbire ari uwabaga yerekanye itike (voucher) yatanzwe na ministeri y’ubuhinzi.

Yahakanye kwishyuza ashyira mu mufuka we, avuga ko kwishyuza byakorwaga afatanije n’ubuyobozi bw’uturere na Minsiteri y’ubuhinzi.

Avuga ko inshuro zose yashyikirizaga intonde z’abishyuye iyo ministeri, ngo nta na rimwe izo lisiti zigeze zinengwa cyangwa ngo zisubizwe inyuma kuko zagaragayemo uburiganya.

Me Hubert Rubasha umwunganira yavuze ko Nkubiri yubahirije amasezerano yagiranye na Leta yo gutanga ifumbire ku baturage bagombaga kuyihabwa.

Yavuze ko mu 2013, umukiliya we yahawe ibaruwa ya ministeri y’ubuhinzi imuhanaguraho umwenda wa miliyari 1.6 yagombaga kwishyurwa n’abahinzi ariko batashoboye kubona ubwishyu kubera izuba rwatumye badasarura.

Ibi byaha Nkubiri yashinjwaga,ngo yabikoze guhera mu 2007 leta itangiza gahunda yo gufasha abahinzi kubona ifumbire ibicishije ku banyemari bikorera, barimo Alfred Nkubiri na bamwe mu bandi bafunze.

Nkubiri Alfred aburana ahakana ibyaha aregwa.Icyemezo cy’urukiko kizasomwa tariki 05 Ugushyingo 2020.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibitaro bya Leta byose byategetswe kuvura abarwayi ba Covid-19 hakoreshejwe...

Minisiteri y’Ubuzima yategetse ibitaro byose bya Leta ko guhera kuri uyu wa...
17 January 2021 Yasuwe: 3672 0

Covid-19 yahitanye abantu 2 mu Rwanda,Imibare y’abanduye iracyatumbagira

Minisiteri y’Ubuzima yatangaje ko uyu munsi tariki ya 16 Mutarama...
16 January 2021 Yasuwe: 4398 0

Abagabo 5 bo mu mujyi wa Kigali bahitanwe na Covid-19 abandi bantu 257...

Minisiteri y’Ubuzima yatangaje ko uyu munsi tariki ya 15 Mutarama...
15 January 2021 Yasuwe: 4531 1

Dr Thomas Kigabo wari ushinzwe ubukungu muri BNR yitabye Imana

Dr.Thomas Kigabo RUSUHUZWA wari Umuyobozi Mukuru ushinzwe ubukungu muri...
15 January 2021 Yasuwe: 5472 0

Abantu 5 bahitanwe na Covid-19 mu Rwanda abandi 194 barayandura

Minisiteri y’Ubuzima yatangaje ko uyu munsi tariki ya 14 Mutarama...
14 January 2021 Yasuwe: 4456 0

U Rwanda rufite ibyuma bifite ubushobozi bwo gukonjesha inkingo zose za...

Ikigo cy’Igihugu cy’Ubuzima (RBC) kivuga ko kugeza ubu u Rwanda rufite ibyuma...
14 January 2021 Yasuwe: 3374 0