addresiya
Kigali
startimes

Umuti ufasha abanduye Coronavirus ugiye kugeragerezwa mu Rwanda

Amakuru   Yanditswe na: Martin Munezero 30 March 2020 Yasuwe: 14209

Ubuyobozi bw’Ikigo gishinzwe kugenzura Ibiribwa n’Imiti mu Rwanda, Rwanda FDA, bwatangaje ko bwakiriye ubusabe bw’ikigo LEAF Pharmaceuticals cyo muri Leta Zunze Ubumwe za Amerika ariko kinafite ibiro mu Rwanda, gishaka gutangira ubushakashatsi ku muti wongera umwuka mu mubiri w’uwanduye Coronavirus.



Ni umuti ushobora gufasha mu kongera umwuka mu bice by’umubiri (tissus), aho kwiringira imashini gusa zabigenewe (intensive care unit (ICU) ventilators).

Amakuru agaragaza ko kubera uburyo iki cyorezo cya Coronavirus gituma abantu bakenera umwuka, izi mashini nazo zahise zihenda ku buryo hari izavuye ku $27,000 zikagera ku $96,000, nk’uko bitangazwa na BBC.

Umuyobozi wa LEAF Pharmaceuticals, Dr Clet Niyikiza, kuri iki Cyumweru yatangaje ko ikigo cye kiri muri 17 biri gushaka umuti n’urukingo bya Coronavirus muri Leta Zunze Ubumwe za Amerika.

Mu cyumweru gishize Perezida Trump yasinye itegeko risaba ibigo bikora ibikoresho byo mu nganda gukora nk’aho igihugu kiri mu ntambara, bigakora ibikoresho byo “guhangana n’umwanzi tutabonesha amaso.” Kuko Amerika ariyo ifite abanduye Coronavirus benshi ku Isi.

Itegeko rya Trump ryatumye nka bimwe mu bice by’uruganda rw’imodoka rwa General Motors bitangira gukorerwamo ibyuma byongera umwuka, bigenewe Leta Zunze Ubumwe za Amerika n’ibindi bice by’Isi.

Ibigo birimo Leaf Pharmaceuticals byemerewe gukora imiti n’inkingo harebwa ku miti imaze igihe ku isoko nka Hydroxychloroquine ikoreshwa mu kuvura malaria kuva mu 1955 na Azithromycin yica udukoko dutera indwara mu mubiri kuva mu 1988.

Dr Niyikiza ati “Hari n’itsinda ririmo kureba ku miti mishya ririmo n’ikigo cyanjye, aho turimo gukora umuti wafasha abarwayi kubona umwuka (Oxygène) uhagije. Nk’uko mubizi, umubare munini utuma aba barwayi bapfa hirya no hino ku Isi ni uko iyi virus yangiza cyane ibihaha, ku buryo umurwayi atabasha kubona umwuka uhagije.”

“Rero uyu muti twizera ko uzafasha cyane, ku buryo wakwifashishwa mu gihe mudafite imashini zongera umwuka. Ni ibintu bigenze neza uyu muti wacu watangira kugeragezwa ku bantu mu byumweru bitarenze bitatu, ku buryo twazareba uko bigenda, ugenewe abantu barembye cyane hagamijwe kubagarurira ubuzima.”

Kugeza ubu kandi hari imiti isaga 100 mishya irimo kugeragezwa, ku buryo Dr Niyikiza yizera ko umuti n’urukingo bya Coronavirus bizaboneka kandi “mbere y’uko uyu mwaka ushira.”

Umuyobozi Mukuru wa Rwanda FDA, Dr Karangwa Charles, yavuze ko LEAF Pharmaceuticals yamaze gusaba uburenganzira bwo gukorera ubu bushakashatsi mu Rwanda, harebwa uburyo uwo muti ukora.

Yagize ati “Turacyaganira, hari ibyangombwa [bisabwa] kugira ngo batangire, hari ibikenerwa tukiganiraho, mu minsi mike rwose, hari ibikeneye gusobanurwa kugira ngo bimenyekane uburyo bizakorwa, kuko ntabwo wakwemera ko umuntu wese apfa gukora ku bantu, hari inzira zikurikizwa ziba ziriho, nibyo tukiganiraho, ariko ndumva biri mu nzira yo gusozwa.”

Yavuze ko uyu muti uzunganira abanduye kimwe n’abafite izindi ndwara zitera kugira umwuka muke, zaba iziterwa n’udukoko nka malaria cyangwa iziterwa na virus na COVID-19.

Yakomeje ati “Ikibitera ni uko abantu babura umwuka mu bice by’umubiri (tissue). Bo rero ubushakashatsi bwabo burareba uburyo bwakongera ubudahangarwa bw’umubiri kugira ngo wa mwuka ubura, ugereyo. Bafite rero imiti bashaka gukoraho ubushakashatsi, izajya ituma noneho wa mwuka utabura, kugira ngo umubiri ukomeze urwanye iyo ndwara. “

Kugeza ubu nta muti wa COVID-19 uraboneka, ahubwo havurwa ibimenyetso byayo, igikomeye kikaba kubura umwuka ku muntu wanduye kuko iyi virus itura mu bihaha, ku buryo uyu muti wemejwe wakunganira cyane urwego rw’ubuvuzi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Lionel

    Ariko babahenda ubwenge mukemera ariho hava impfu nyishi mwigerageza, bavuga ko na Ebola ari uko yaje na Sida. Ko aribo barwaye benshi banarembye, babahereyeho babageragerezaho. naho bari guhabwa imfashanyo noneho mwembwe mugiye gushyira abantu bacu mu kaga mu baboko y’abanzi bacu ari nabo bivugwa ko bakoze COVID-19. Turabasabye murebe neza izo ni inyungu zabo imitwe kuri twebwe, cg natwe bari gupfa mukabihisha?!!!

    2 months ago
  • chat_bubble samuel

    Abanyarwanda murashize.iwabo niho hari abarwayi benci.ntimwemere mureke bayigeragereze iwabo.

    2 months ago
  • chat_bubble Manirakiza Alfred

    Nibintu vyiza caane nanje mbateye intege noryoherwa igihugu kibanyi gishoboye gutora umuti nkuwo Imana ibibafashemwo mushike kuntego mucungure ama miliyoni yabantu bagomba guhitanwa nico

    2 months ago
  • chat_bubble Manirakiza Alfred

    Nibintu vyiza caane nanje mbateye intege noryoherwa igihugu kibanyi gishoboye gutora umuti nkuwo Imana ibibafashemwo mushike kuntego mucungure ama miliyoni yabantu bagomba guhitanwa nico

    2 months ago
  • chat_bubble Manirakiza Alfred

    Nibintu vyiza caane nanje mbateye intege noryoherwa igihugu kibanyi gishoboye gutora umuti nkuwo Imana ibibafashemwo mushike kuntego mucungure ama miliyoni yabantu bagomba guhitanwa nico

    2 months ago
  • chat_bubble tuyisenge Claudine

    mwiriwe neza.ko bavuga ko uwo muti bazawugeragereza kubarwayi barembye tukaba ntabarwayi barembye dufite.bawugeragereje muri USA cg Italie kuko nibo bafite indembe

    2 months ago
  • chat_bubble jean

    Bawugeragereje iwabo ko ariho Hari abarwayi benshi Africa we nitwemere badushiremo ubwo burozi bwabo gusa leta yagakwiye kubyamagana

    2 months ago
  • chat_bubble

    Hello, nonese abanyarwanda bagiye guhinduka cobayes ?

    C’est dommage

    2 months ago
  • chat_bubble nsengiyumva Jean Marie

    Mana yanjye we!!!!

    2 months ago
  • chat_bubble

    Nibabanze bihereho bikorereho ubushakashatsi

    2 months ago
  • chat_bubble nana

    Kowumva se aribo bafite abanduye benshi kuki batabigeragereza iwabo ??? Wasanga ari ibiduhuhura impuhwe zabazungu turazizi ni iza bihehe.

    2 months ago
  • chat_bubble Umusomyi

    Ariko abanyaburayi nabanyamerika ko aribo bafite abantu benshi banduye Coronavirus kandi banarembye kuki badusaba ko uyu muti bawutugeragerezaho. Kuki batawugeragereza iwabo ahubwo twe bakazawutugurisha babonye ko ukora neza. Nge ubu. Kubwanjye nasaba abayobozi batureberera ibyiza ko ubu busabe tutabwanga kandi ariko tukabanza tugatekereza impamvu batawugeragereje iwabo bakaba basaba ko wageeagerezwa my Rwanda rwacu.

    2 months ago
  • chat_bubble Silidio

    nitwe tubaye champ d’ experimentation!!!! ESE ntibishoboka ko twategereza ko basuzumira mu binding bihugu byacamo tukabona kwakira!!!

    2 months ago

Inzindi nkuru

IFOTO Y’UMUNSI: Umugenzi yaciye ibintu kubera ukuntu yahoberanye ubwuzu Moto...

Ku mbuga nkoranyambaga zitandukanye hakwirakwiriye ifoto y’umugenzi...
3 June 2020 Yasuwe: 3909 0

Umupolisikazi yabaye umunyarwanda wa kabiri wahitanwe n’icyorezo cya...

Umuntu wa kabiri yishwe na COVID19 mu Rwanda. Ni umupolisi wari waragiye mu...
3 June 2020 Yasuwe: 3322 1

Abadipolomate 2 b’Ububiligi basubiye iwabo kubera igikorwa bakoze...

Abadipolomate 2 b’Ababiligi basubijwe iwabo nyuma yo gutegura umuhango wo...
2 June 2020 Yasuwe: 2516 0

Hashyizweho ikoranabuhanga rihanitse rizakumira abashoferi batwara amakamyo...

Ibihugu bihuriye mu muryango wa Africa y’uburasirazuba byamaze kwemeranywa...
2 June 2020 Yasuwe: 1534 0

Abantu barindwi banduye Coronavirus mu Rwanda, batandatu barayikira kuri...

Minisiteri y’ubuzima yatangaje ko uyu munsi tariki ya 01 Kamena 2020, mu...
1 June 2020 Yasuwe: 1155 0

Rusizi: Abaturage bahiye ubwoba nyuma y’abantu 5 basanganwe Covid-19 muri...

Abaturage bo mu karere ka Rusizi batangaje ko bahiye ubwoba nyuma yo...
1 June 2020 Yasuwe: 2126 0