Bamwe mu mpunzi z’abarundi bakurikiranywe n’inzego z’umutekano mu Rwanda

Amakuru   Yanditswe na: Ubwanditsi 20 September 2019 Yasuwe: 1269

Hari amakuru avuga ko nyuma y’uko u Rwanda rutangiye gukurikirana abarundi bari barahungiye hano mu Rwanda bashakaga gukomeza ibikorwa bya Politiki ndetse na gisilikali ubu inzego zibishinzwe zaba zaratangiye kubakurikirana.



Benshi muri aba bari urubyiruko rw’abasore n’abakobwa bari bafite amashyaka bahuriyemo I Burundi abandi bashaka gushyiraho imitwe mishya ngo yose ikomeze gukorera mu Rwanda nk’igihugu bahungiyemo.

Nyuma y’aho Leta ibaburije ndetse bamwe bagatangira gukurikiranwa, hari amakuru ko ubu bamwe muri aba bamaze kongera gushaka ibihugu bahungiramo kubera ko u Rwanda rutaboroheye.

Amakuru ahari ni uko bamwe mu mpunzi z’abarundi zahunze umutekano muke wabanjirije ndetse n’uwaje ukurikira amatora ya Perezida mu Burundi Nkurunziza yiyamamajemo kuri manda ya gatatu bitavugwaho rumwe zimwe mu zitaragiye mu nkambi zashatse uburyo bwo gukomeza Politiki.

Binavugwa ko kandi hari bamwe bagiye bifatanya n’imitwe yitwara gisilikare iri muri Kongo abandi bagenda bongera guhungira mu bindi bihugu.

Amakuru Umuryango wamenye ku baba bari gukurikiranwa ndetse banashakishwa kubera kurema imitwe ikorera ku butaka bw’igihugu bahungiyeho harimo uwitwa Rudahusha Charles na Bizimana Emmanuel ndetse na bagenzi babo batamenyekanye amazina bose bari baraje mu Rwanda bahunze igihugu cy’Uburundi.

Charles Rudahusha, umwe mu mpunzi z’abarundi uvugwaho gushaka gushinga umutwe wa politiki
Bizimana Emmanuel, umwe mu bari mu mutwe wa Politiki urwanya Leta y’Uburundi, Force Republique du Burundi (FOREBU)

Aba bombi bakaba bari mu itsinda ry’abasore n’inkumi bashakaga gukora umutwe wa Politiki ugamije guhindura ubutegetsi mu gihugu cyabo baje bahunga, amakuru ni uko bwa mbere bafashwe bakajyanwa kuba mu nkambi ya Mahama irimo impunzi z’abarundi ariko bakaza kuyitoroka.

Hari amakuru kandi ko haba hari abantu bafashije zimwe mu mpunzi kubona ibyangombwa bituma zishobora gusohoka mu gihugu zigahungira ahandi ndetse bamwe bakaba baba baranamaze kugenda. Aba bose babafashije kubona ibyangombwa mu buryo bunyuranye n’amategeko nabo bakaba bari mu bari gukurikiranwa ndetse hakaba hari amakuru ko hari abafunze.

Inzego zose twagerageje kwaka amakuru arambuye kuri ibi bibazo biri muri izi mpunzi zirinze kugira icyo zidutangariza.

Si mu Burundi gusa habangamiwe n’umutekan muke uterwa n’impunzi kuko no mu Rwanda ubu hafungiye abarundi 4 bafashwe mu gikundi cy’abasore 25 bari mu mitwe yari igamije gutera u Rwanda.

Ibibazo by’umutekano byabaye mu Burundi kuva 2015 byasize abarundi bagera ku bihumbi 400 bava mu byabo ndetse bahungira mu bihugu baturanye, umubare munini ukaba uri mu Rwanda.

Author : Ubwanditsi

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umunya Uganda yarasiwe ku mupaka ari kugerageza kwinjiza magendu mu...

Ibinyamakuru bitandukanye byo muri Uganda bikomeje gutangaza inkuru y’umunya...
21 January 2020 Yasuwe: 2354 0

Nyanza: Umugabo bivugwa ko ari umusirikare yatemewe mu rugo rw’abandi azira...

Mu mudugudu wa Kigarama, Akagari ka Nyanza Umurenge wa Busasamana mu karere...
20 January 2020 Yasuwe: 7179 2

Ruhango: RIB yataye muri yombi abantu bane bakekwaho gutobora Duterimbere...

Mu gitondo cyo kuri uyu wa mbere taliki ya 20 Mutarama 2020 nibwo...
20 January 2020 Yasuwe: 2336 0

Biravugwa: Gen.Irategeka wari umuyobozi wa FLN yiciwe mu mutego FARDC...

Amakuru atangazwa n’ibinyamakuru byo mu gihugu cya RDC aravuga ko Gen.Wilson...
19 January 2020 Yasuwe: 5395 0

FDLR imerewe nabi cyane na FARDC yatakambiye amahanga iyasaba...

Umutwe witwaje intwaro wa FDLR watangiye gushya ubwoba kubera ibyo umaze...
14 January 2020 Yasuwe: 10397 1

Gen.Kabarebe yavuze ku ntama yagaragaye hamwe n’Inkotanyi mu rugamba rwo...

Ubwo umujyanama wa Perezida mu by’umutekano,Gen.James Kabarebe yaganiraga...
11 January 2020 Yasuwe: 4200 1