skol
startimes

Gakenke: Umusirikare wo mu ngabo z’u Rwanda yishwe ahishwa mu musarani utagikoreshwa

Amakuru   Yanditswe na: Dusingizimana Remy 2 August 2020 Yasuwe: 24522

Abantu barenga 4 bo mu kagari ka Kanyanza,mu murenge wa Karambo mu karere ka Gakene bakekwaho kwica Sergeant Nizeyimana Juvenal barangiza bakamuhisha mu musarani utagikoreshwa.


Nkuko ikinyamakuru BWIZA.COM kibitangaza,aba bantu barimo umugore w’uyu musirikare babyaranye umwana ufite imyaka 6 y’mavuko witwa Kambibi Francine bahoraga bashwana bapfuye gushinjanya gucana inyuma,Turimukaga Anastase n’abandi barenze babiri barimo n’umwe watorotse ukomoka mu karere ka Rutsiro nkuko bitangazwa n’ubuyobozi.

Uyu Turimukaga ni mubyara Kambibi ndetse niwe nyiri uyu musarani wuzuye wasanzwemo uyu musirikare Nizeyimana.Uyu ngo yashatse gutoroka ubwo yari agiye gutabwa muri yombi araraswa arapfa.

Abaturanyi ndetse n’abayobozi bari hafi y’urugo rwa Sergeant Habimana babwiye iki kinyamakuru ko uyu musirikare yatangiye kuburirwa irengero kuva tariki ya 19 Nyakanga 2020.

Iyo tariki nibwo uyu musirikare yagombaga gusubira mu kazi ke mu karere ka Rubavu cyane ko aribwo uruhushya yari yahawe rwarangiye.

Muri icyo gihe,ngo nibwo madamu Kambibi yagize imyitwarire idasanzwe atangira gushaka kwimuka muri ako gace aribyo byatumye abantu bakeka ko yagize uruhare mu ibura ry’umugabo we.

Abaturage ngo batangiye gushaka uyu Nizeyimana,bamubona hashize iminsi 11,kuwa Kane tariki ya 30 Nyakanga 2020,umurambo we warangiritse ndetse bigaragara ko yatewe icyuma.

Umuturanyi w’uyu muryango yavuze ko uyu mugabo yageze mu rugo rwe avuye ku kazi ahita ashwana n’uyu mugore we.

Yagize ati "Yaraje ageze iwacu mu giturage baratongana,inzego z’ubuyobozi mu mudugudu zirabaganiriza barahuza.Hashize nk’iminsi 2 ntitwamubona tugira ngo yagiye ku kazi,duhugira muri ibyo ngo yagiye ku kazi....ubwo nyuma y’aho twumva ngo ku kazi ntiyigeze agerayo."

Uyu muturanyi yavuze ko nyuma yaje kumva bavuga ko hari umurambo wabonetse ku muturanyi we ndetse ko bishe uyu musirikare bagasibura umusarani bakamushyiramo.

Umwe mu bayobozi baturanye n’uyu muryango yabwiye Bwiza ati "Yishwe nabi ariko byagaragaye nyuma tutazi uko byagenze,bamushyize mu musarani wari waruzuye,ntabwo wari ugikoreshwa.Haruguru yaho twasanze barubatseho undi."

Yavuze uko bamushyize muri uyu musarani ati "Hari ibiti byari bitinze,bimwe byari byaraboze byaraguyemo,ibyari bizima bacomekamo amaguru,barangije bagerekaho ibishogoshogo by’ibishyimbo bari barahuye,bashyiraho itaka."

Umunyamabanga nshingwabikorwa w’umurenge wa Karambo,Hakizimana Jean Bosco,yavuze ko habanje gukurikiranwa abantu 2 bakekwaho kugira uruhare mu rupfu rw’uyu musirikare,hiyongeraho abandi 2.

Yagize ati "Buri munsi ku wundi hari igihe bakenera abantu,ubu nkubwiye ngo n’abantu bangana gutya naba nkubeshye.Uwo munsi hari abantu 2 bahise bafatwa ariko hari n’abandi bakurikiranwe."Uyu mugabo yavuze ko amakuru arambuye ari mu bugenzacyaha. Umuvugizi wa RIB ntiyabonetse ngo agire icyo atangaza kuri aya makuru.

Umuvugizi w’Ingabo z’u Rwanda,Lt.Col.Innocent Munyengango yabwiye Bwiza.com ko nta makuru abifiteho kubera ko urupfu rwa Sergeant Nizeyimana rwaba rwaratewe n’amakimbirane yo mu rugo ndetse ko bishoboka ko umurambo we wakorewe ibizamini [autopsy].

Amakuru avuga ko umurambo w’uyu musirikare ukimara kuboneka wahise ujyanwa mu bitaro bya Nemba muri aka karere ka Gakenke gukorerwa isuzuma.Byari biteganyijwe ko ujyanwa gushyingurwa uyu munsi mu irimbi rya gisirikare riherereye i Kanombe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nyagatare: Polisi yafashe abantu 27 bari kunywa inzoga y’inkorano yitwa...

Polisi ikorera mu Karere ka Nyagatare, Umurenge wa Katabagemo mu Kagari ka...
17 September 2020 Yasuwe: 701 0

Rulindo: Polisi yarashe umugabo wahamwe n’icyaha cyo gutobora amazu...

Uwitwa Maniragaba François wari ufungiye kuri station ya Police ya Murambi...
13 September 2020 Yasuwe: 3085 0

Rubavu: Polisi yafashe urumogi rwari rutwawe mu byuma bizimya umuriro...

Polisi ikorera mu karere ka Rubavu yatesheje abagabo babiri barimo kwinjiza...
12 September 2020 Yasuwe: 1225 1

Huye: Urusamagwe rwarashwe n’inzego z’umutekano nyuma yo kwinjira mu rugo...

Igisamagwe cyateye mu rugo rwo mu Mudugudu w’Agakera mu Kagari ka Rango-A...
11 September 2020 Yasuwe: 6172 1

Karongi: DASSO yafashwe asambanya umugore w’abandi atabwa muri...

Umugabo w’imyaka 36 ukora mu rwego rwunganira Akarere mu gucunga umutekano,...
11 September 2020 Yasuwe: 3264 0

Rwamagana: Umugore yangije igitsina cy’umugabo we bapfa ko atamuhaza mu...

Umugore wo mu Murenge wa Kigabiro mu Karere ka Rwamagana yakomerekeje...
9 September 2020 Yasuwe: 5362 3