skol
startimes

Haravugwa umwuka mubi hagati y’impunzi z’Abarundi ziri mu nkambi ya Mahama

Amakuru   Yanditswe na: Dusingizimana Remy 12 August 2020 Yasuwe: 3367

Urutonde rw’impunzi z’Abarundi ziri mu kambi ya Mahama mu Rwanda zishaka guhunguka rukomeje kwiyongera, kuko Radio Ijwi ry’amerika ritangaza ko ubu bamaze kurenga 600.


Hagati aho, bamwe mu biyanditse kuri urwo rutonde bavuga ko umutekano wabo ubangamiwe kubera bagenzi babo bakomeje kubikoma.

Urwo rutonde rukijya hanze rwariho impunzi zirenga 300 zifuza gutahuka zivuye muri iyi kambi ya Mahama irimo abarenga ibihubi 60.

Ikibazo gihari nuko muri iyo nkambi hari umwuka mubi hagati y’abashaka gutaha n’abatarabyiyumvamo, nk’uko amakuru avayo abivuga.

Abatifuza gutaha bakomeje kwibasira ababyifuza bababwira ko bahemutse, abandi na bo bati ni uburenzira bwacu gutaha.

Ijwi ry’Amerika ryatangaje ko impunzi zirenga 10 zimaze kubahamagara ribabwira ko basagariwe n’abantu aho umwe yavuze ko yakubiswe nijoro.

Umwe yagize ati “Iterabwoba rirakomeje bavuga ko twe twanditse urwo rwandiko twakoze nabi.Umutekano wacu ntabwo umeze neza.Ntitwavuga ngo umeze neza kubera urugomo turi gukoerwa ndetse dufitemo abantu b’ibihangange.”

Abari guhohoterwa basabye ko umutekano wabo wakazwa cyangwa se bakimurirwa ahandi ngo kuko ngo badateze kwisubiraho ku cyemezo cyabo cyo kwifuza gutaha ndetse bavuga ko u Rwanda barushimiye kubwo kubitaho.

Bamwe muri abo bemeza ko ubu umutekano wabo ugeramiwe. Hari kandi n’abandi bavuga ko bashyizwe kuri urwo rutonde batagishijwe inama, cyo kimwe n’abemeza ko mu baruriho hari abitabye Imana.

Ubuyobozi bw’impunzi I Mahama buremeza ko uyu mwuka mubi atari mwiza, bugasaba abafite ubwoba kumenyesha inzego z’umutekano, HCR n’abahagarariye Minisiteri y’impunzi muri iyo nkambi, kugira ngo bacungirwe umutekano.

Muri Tanzaniya na ho impunzi z’Abarundi ziravuga ko zirimo gucyurwa ku nguvu ariyo mpamvu urubyiruko ruhagarariye impunzi ziri muri Tanzaniya, mu Rwanda no muri Uganda bandikiye urwandiko Perezida wa Uganda Yoweri Museveni nk’umuhuza mukuru mu bibazo byatumye bahunga kugira ngo abatabarize.

Umwe muri uru rubyiruko rwandikiye Perezida Museveni witwa Bivuzimana Gentil Plaisir yabwiye Ijwi ry’amerika ati “Twamwandikiye tumwereka kandi twamagana amahano ari gukorerwa benewacu bari mu gihugu cya Tanzania.Twamubwiye ishimutwa rya bamwe na bamwe mu bahungiye muri Tanzania,gufungirwa ubusa,gutotezwa,guterwa ubwoba no gusenyerwaho na Leta mu rwego rwo kubacyura ku ngufu.

Twamubwiye ko ikibazo cyatumye impunzi zihunga u Burundi kitararangira.Twamusabye ko yahagarika iryo totezwa ririmo gukorerwa impunzi z’Abarundi muri Tanzania no kwihutisha ibiganiro hagati y’abarundi ariho hazavugirwa gucyura izi mpunzi ku neza.”

Ishyirahamwe mpuzamahanga ryita ku mpunzi,HCR rirahakana ko ntawe ricyura iwabo ku ngufu nkuko umuvugizi wa HCR muri Tanzaniya yabwiye Ijwi ry’Amerika.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RIB yataye muri yombi Gitifu wa Busogo ukekwaho gukomeretsa bitari ku...

Urwego rw’Igihugu rw’Ubugenzacyaha rwamaze guta muri yombi RIB Bwana...
23 September 2020 Yasuwe: 363 0

Gicumbi: Umumotari waziritse umwana kuri moto yatawe muri yombi

Urwego rw’Igihugu rw’Ubugenzacyaha (RIB) ruravuga ko rufunze umugabo wo mu...
21 September 2020 Yasuwe: 2641 0

Rutsiro: Polisi yafashe abagizi ba nabi bari bamaze kuroha mu mazi abarobyi...

Kuwa Gatandatu tariki ya 19 Nzeri 2020 abapolisi bo mu ishami rishinzwe...
21 September 2020 Yasuwe: 4285 0

Ngoma:Abagabo 2 baturikanywe n’ingunguru bari batetsemo kanyanga barashya...

Abagabo 2 bo mu kagari ka Kibatsi mu murenge wa Rukira wo mu karere ka...
17 September 2020 Yasuwe: 1623 0

Nyagatare: Polisi yafashe abantu 27 bari kunywa inzoga y’inkorano yitwa...

Polisi ikorera mu Karere ka Nyagatare, Umurenge wa Katabagemo mu Kagari ka...
17 September 2020 Yasuwe: 778 0

Rulindo: Polisi yarashe umugabo wahamwe n’icyaha cyo gutobora amazu...

Uwitwa Maniragaba François wari ufungiye kuri station ya Police ya Murambi...
13 September 2020 Yasuwe: 3270 0