addresiya
startimes

Iperereza ku bwicanyi bwakorewe CSP Hubert Gashagaza (Rtd) na Alexia Mupende rigeze he?

Amakuru   Yanditswe na: Joseph Hakuzwumuremyi, Ubwanditsi 29 April 2019 Yasuwe: 13980

Mu ijoro ryo ku italiki 17 rishyira 18/9/2018 nibwo umurambo wa CSP Hubert Gashagaza (Rtd) wabonetse mu murenge wa Ndera mu Karere ka Gasabo ahaparikaga ibikamyo by’abashinwa bakora umuhanda.



Icyo gihe, Umuvugizi w’Urwego rw’Igihugu rw’Ubugenzacyaha (RIB), Modeste Mbabazi, yabwiye Igihe ko umuntu wabonye umurambo wa Hubert Gashagaza bwa mbere ari umumotari wamubonye hafi saa kumi n’imwe z’igitondo.

Yavuze ko uwo mu motard yabonye imodoka yamenetse ikirahure cyo ku ruhande rwa shoferi irimo umuntu wapfuye hari imigozi isa n’aho yanigishijwe mu ijosi. Ngo yari imigozi isa n’iya mudasobwa cyangwa televiziyo.

Icyo gihe, Mbabazi yavuze ko abantu bishe Gashagaza basa n’abamuyobeje kuko umurambo wagaragaye i Ndera aho Abashinwa baparika amakamyo mu muhanda w’igitaka uri nko muri metero ijana uvuye kuri kaburimbo.

Gashagaza yari yarakoze mu ishami rya Polisi rishinzwe ubugenzacyaha ndetse yanakoze muri iri shami ubwo yari mu butumwa bwa Loni bwo kubungabunga amahoro muri Repubulika ya Centrafrique.

Nyuma, CSP Gashagaza yaje gusezererwa muri Polisi y’Igihugu muri Kanama 2016 akaba yari asigaye akora mu Nkeragutabara.

Mu ijoro ryo wa kabiri tariki 8 Mutarama 2019 ni bwo mu itangazamakuru hasakaye indi nkuru y’urupfu rwa Alexia Uwera Mupende umwe mu bakobwa bari bakomeye muri Kigali mu kumurika imideri.

Iki gihe, byatangajwe ko Alexia Uwera Mupende yishwe atewe icyuma ndetse bikekwa ko yishwe n’umukozi wo mu rugo kuko yahise aburirwa irengero.

Nyuma RIB yaje gutangaza ko yari igiye gufata uyu wakekwagwa ariko akayica mu myanya y’intoki.

Kuri uyu wa mbere, mu kiganiro Umuyobozi wa RIB, Col Ruhunga Jeannot yagiranye n’itangazamakuru ku cyicaro cya RIB ku Kimihurura, akaba yatangaje ko n’ubwo iperereza rigikomeje kugeza nanubu ntacyo rirageraho.

Yigize ati:” iperereza ku rupfu rwa nyakwigendera Mupende ndetse na Rtd Gashagaza riracyakomeza, iyo hafatwa ababikoze twari kubahamagara (itangazamakuru), ni ibyaha byakoranwe ubugome bw’indengakamere”.

Nyuma y’urupfu rwa Rtd CSP Hubert Gashagaza RIB yatangaje ko nta muntu uzwi bari bafitanye ikibazo kugeza ubwo yamwica. Kimwe n’urupfu rwa Mupende, uretse kuba nyuma yo kwicwa umukozi wakoraga mu rugo iwabo yarahise aburirwa irengero, nta kibazo kindi bari bazi kuri uyu mukozi cyatuma amwica.

Bakomeze baruhukire mu mahoro.

Author : Ubwanditsi
Author : Joseph Hakuzwumuremyi

Hakuzwumuremyi Joseph ni umunyamakuru utarabigize umwuga. Afite impamyabushobozi y’ikiciro cya kabili cya Kaminuza mu ikoranabuhanga n’icungamutungo. Yashinze ikinyamakuru cy’Akarere ka Gisagara, Amabengeza (ubu cyabaye Imbanzabigwi), yashinze ikinyamakuru cy’Akarere ka Bugesera, Bugesera Magazine. Yabaye umukorerabushake igihe kinini kuri Radio Salus. Ubu ni umunyamakuru usesengura inkuru za Politiki n’Umutekano ku kinyamakuru Umuryango.

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Rugira

    Hari n’irindi perereza wibagiwe uwishe Rwigara Asinapoli ufunzwe na polisi.

    May 2019
  • chat_bubble hitimana

    Baragiye nta kundi.C’est le chemin de toute la terre (ni iwabo wa twese).Benshi bibaza uko bigenda iyo dupfuye.Igisubizo gitangwa na Bible,igitabo Imana yaduhaye ngo kijye kidusobanurira ibyo tutazi.
    Dore uko Bible yigisha ku Rupfu.Upfuye ntabwo aba yumva (Umubwiriza 9:5).None se yakitaba imana gute kandi atumva?Umwuka Imana yashyize muli Adamu,ntabwo ari Roho itekereza nkuko benshi bibeshya.Ahubwo ni “neshamah “ mu Giheburayo (breath mu Cyongereza,Souffle mu Gifaransa).Uwo mwuka imana yashyize muli Adamu,siwo utekereza.Hatekereza “ubwonko gusa”.Umwuka uba mu mubiri wacu,ni imbaraga zidukoresha.Twabigereranya n’amashanyarazi akoresha Radio.Ntabwo rero umwuka wakitaba imana kandi “udatekereza”.Iyo dupfuye,uwo mwuka uragenda,nkuko amashanyarazi nayo agenda,RADIO ntiyongere kuvuga.Dore urugero rwiza rwerekana ko iyo dupfuye tutaba twitabye imana: Igihe Yakobo bamubwiraga ko umuhungu we witwaga YOZEFU yapfuye,ntabwo yavuze ko umwana we yitabye imana.Ahubwo yavuze ko azasanga umwana we mu gitaka (Itagiriro 37:35).Bible yigisha ko upfuye yakoraga ibyo imana idusaba,azazuka “ku munsi w’imperuka”,agahembwa ubuzima bw’iteka muli paradizo (Yohana 6:40).Ni Yesu ubwe wabivuze.Abantu bapfa biberaga mu byisi gusa,biba birangiye batazazuka kuko imana ibafata nk’abanzi bayo (Yakobo 4:4 ).Barabora bikarangira (Abagalatiya 6:8).

    April 2019
  • chat_bubble Hadassah

    Ariko Mana wee, Ntawe uyoberwa umwibye, ayoberwa aho yamuhishe ibyo yamwibye🙉

    April 2019
  • chat_bubble Maniriho

    Mujye mumenya ko ibyo muvuga muba mubibwira abantu bakuze

    April 2019

Inzindi nkuru

Rubavu: Umugabo yishwe n’inkoni nyuma yo gufatwa ari kwiba ibirayi

Mu ijoro ryo kuri uyu wa Gatandatu tariki ya 16 Gicurasi 2020,Umuturage...
17 May 2020 Yasuwe: 2915 1

Nyanza: Umuhungu w’imyaka 17 arakekwaho guta mu kidendezi cy’amazi umwana...

Urwego rw’igihugu rw’Ubugenzacyaha(RIB) rwataye muri yombi umwana w’umuhungu...
17 May 2020 Yasuwe: 2501 0

Gisagara: Umusore yishe umugabo wa nyina amuhoye gushaka kumwambura...

Umusore w’imyaka 20 witwa wo mu murenge wa Gikonko mu karere ka Gisagara...
16 May 2020 Yasuwe: 1751 2

Gicumbi: Umugabo yakubiswe inkoni nyinshi bimuviramo gupfa nyuma yo gufatwa...

Umugabo witwa Nimugira Assouman w’imyaka 46 wo mu karere ka Gicumbi yafashwe...
15 May 2020 Yasuwe: 2347 2

Nyanza: Umugabo yafashwe ari gucukura inzu y’umukecuru ngo yibe ihene...

Umugabo wo mu kigero cy’imyaka 35 bitaga Kagofero yakubitiwe mu nzu, agiye...
14 May 2020 Yasuwe: 2519 0

Rwamagana: Abagizi ba nabi bitwaje intwaro bishe umupasiteri bamuteye...

Mu ijoro ryakeye,abagizi ba nabi 9 bitwaje intwaro bateye umudugudu wa...
12 May 2020 Yasuwe: 5113 0