addresiya
startimes

Meteo Rwanda yaburiye Abanyarwanda kwitegura imvura idasanzwe irimo umuyaga mwinshi muri iyi minsi

Amakuru   Yanditswe na: Dusingizimana Remy 17 April 2020 Yasuwe: 2521

Ikigo cy’igihugu gishinzwe iteganyagihe cyatangaje ko nyuma y’imvura nyinshi cyane yaraye iguye I Kigali no mu bindi bice bitandukanye,hagiye kugwa imvura nyinshi cyane yivanze n’umuyaga mwinshi hirya no hino mu gihugu guhera kuri uyu wa 17 kugeza kuwa 20 Mata 2020.



Meteo Rwanda yasabye abanyarwanda kuba maso muri iyi minsi ine ikurikirana kugira ngo iyi mvura nyinshi kandi irimo umuyaga itagira abo itwara ubuzima cyangwa ikabasiga iheruheru.

Meteo yagize iti “Kuva tariki 17 kugeza 20 Mata 2020 hateganyijwe imvura nyinshi irimo umuyaga mwinshi mu bice bitandukanye by’igihugu….Imvura iteganyijwe kugwa iri hagati ya milimetero 10 na 50 ku munsi...Hateganyijwe kandi umuyaga uzaba ufite umuvuduko uri hagati ya metero 5 na 10 ku isegonda. "

Meteo Rwanda yavuze ko ahateganyijwe kugw imvura nyinshi ari mu ntara y’Iburengerazuba, Amajyepfo, umujyi wa Kigali no mu ntara y’Iburasirazuba.

Iyi mvura irimo n’iyaraye iguye, iraterwa n’isangano ry’umuyaga ndetse n’ubuhehere bw’umwuka bwiyongereye mu karere u Rwanda ruherereyemo.

Meteo Rwanda irasaba abanyarwanda bose gukomeza kwitwararika bagakurikiza amabwiriza bahabwa n’inzego zishinzwe gukumira Ibiza birimo n’ibishobora guterwa n’imvura.Basabwe kandi guhamagara umurongo utishyurwa wa 6080 mu gihe bakeneye ibisobanuro.

Kuva kuwa 25 Ukuboza 2019 kugeza muri iyi minsi hagiye hagwa imvura nyinshi yahitanye ubuzima bwa benshi ndetse yangize amazu menshi cyane.

Mu ijoro ryo kuri Noheli iheruka,I Kigali n’ahandi mu Rwanda haguye imvura idasanzwe yahitanye abantu bagera mu 12, bamwe batwawe n’imyuzure abandi bagwiriwe n’amazu.Yasenye amazu asaga 100 na bwo ari hejuru ya 60 ari mu mujyi wa Kigali.

Icyo gihe polisi y’igihugu yatangarije abanyamakuru ko yarohoye imodoka 6 ndetse n’amapikipiki 20, yari yatwawe n’imvura.

Abagizweho ingaruka n’ibyo biza, bacumbikishirijwe mu mashuri nkuko icyo gihe minisiteri y’ibikorwa by’ubutabazi bwihuse yabitangaje ndetse hahise hakomeza gahunda yo kwimura vuba na bwangu abari mu manegeka.

Kuwa 02 Gashyantare 2020, Imvura idasanzwe yaraye igwa yahitanye abantu 13 mu gihugu hose, by’umwihariko mu mujyi wa Kigali yisheyo abantu 10 barimo abantu 7 bo mu muryango umwe.

Saa saba z’ijoro nibwo umuvu watewe n’iyi mvura wahitanye inzu y’umukecuru witwaga Forolida Mukanyarwanya umwicana n’abana be n’abuzukuru imirambo iboneka mu mugezi wa Yanze.

Mukanyarwaya w’imyaka 55 yari atuye mu kagari ka Nyaburiba umurenge wa Jali akarere ka Gasabo.

Uretse uyu muryango w’abantu barindwi iyi mvura yanishe abantu 3 mu murenge wa Gikondo akarere Kicukiro mu mujyi wa Kigali.

Minisiteri y’ubutabazi yatangaje ko iyi mvura yasenye inzu imwe mu murenge wa Bwishyura muri Karongi, isenya indi mu murenge wa Rusiga muri Rulindo, isenya inzu 12 mu murenge wa Nyarugenge mu karere ka Nyarugenge.

Mu murenge wa Gikondo mu karere ka Kicukiro uretse batatu bapfuye hari n’undi muntu umwe wakomeretse n’inzu yasenyutse. Indi nkangu kandi yishe abantu batatu mu murenge wa Gatsibo mu Karere ka Gatsibo.

Inkuba yakubise umuntu iramuhusha isiga imutwitse mu murenge wa Bushoki muri karere ka Rulindo.

Ku mugoroba w’itariki ya 02 Werurwe 2020 nabwo haguye imvura nyinshi yagejeje mu ijoro rishyira tariki 3 yahitanye abantu bane abandi 13 barakomereka ndetse inasenya inzu 42.

Umunyamabanga Uhoraho muri Minisiteri ishinzwe ibikorwa by’Ubutabazi, Kayumba Olivier, icyo gihe yabwiye Radiyo Rwanda ko iyi mvura yibasiriye Uturere dutandukanye turimo Gasabo, Kicukiro, Gakenke, Rusizi, Gisagara, Rutsiro, Gicumbi ndetse na Ngororero.

Yavuze ko yanangije ibindi bikorwa remezo bitandukanye birimo imihanda, ibiraro n’amapoto y’amashanyarazi.

Ati “Tumaze gupfusha abantu bane, abakomeretse ni 13, inzu 42 zasenyutse, amatungo atanu yapfuye. Imihanda itatu yangiritse, ibiraro bine, amapoto atanu y’amashanyarazi na Kiliziya imwe yagizweho ingaruka.”

Imvura yaguye ku mugoroba w’itariki ya 01 Werurwe yo yahitanye umuntu umwe abandi 11 bayikomerekeramo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Hakajijwe ingamba zo kurinda COVID-19 abari mu butumwa bwo kubungabunga...

Abapolisi b’u Rwanda bari mu butumwa bwo kubungabunga amahoro mu gihugu cya...
4 June 2020 Yasuwe: 1043 0

Kirehe: Umugabo yakubise ikibando mugenzi we bimuviramo urupfu

Ahagana saa mbili z’ijoro ryo kuri uyu wa Gatandatu tariki ya 30 Gicurasi...
31 May 2020 Yasuwe: 1073 0

Nyanza: Umusore yishe nyina umubyara amukubise isuka mu mutwe

Umusore witwa Maniriyo Eugene w’imyaka 19 wo mu Mudugudu wa Karambi, mu...
29 May 2020 Yasuwe: 2571 0

Rubavu: Umugabo yishwe n’inkoni nyuma yo gufatwa ari kwiba ibirayi

Mu ijoro ryo kuri uyu wa Gatandatu tariki ya 16 Gicurasi 2020,Umuturage...
17 May 2020 Yasuwe: 3137 1

Nyanza: Umuhungu w’imyaka 17 arakekwaho guta mu kidendezi cy’amazi umwana...

Urwego rw’igihugu rw’Ubugenzacyaha(RIB) rwataye muri yombi umwana w’umuhungu...
17 May 2020 Yasuwe: 2650 0

Gisagara: Umusore yishe umugabo wa nyina amuhoye gushaka kumwambura...

Umusore w’imyaka 20 witwa wo mu murenge wa Gikonko mu karere ka Gisagara...
16 May 2020 Yasuwe: 1953 2